للأسف تم التاكد من زيادة سعر الصنى الجديده بشكل رسمى ليصبح 97 للمنويل و102 للاوتوماتيك:untitled 1:
عرض للطباعة
للأسف تم التاكد من زيادة سعر الصنى الجديده بشكل رسمى ليصبح 97 للمنويل و102 للاوتوماتيك:untitled 1:
وايه اللى خلى حضرتك متأكد ممكن توضح
و على فكرة الموضوع ده قتل بحثا
فياريت حضرتك بدون زعل تفهمنا منين حضرتك عرفت الخبر ده
علشان ما نبقاش بننشر إشاعات
ونساعد على الأوفر برايس
لسه في كونتكت زي ماهي
من غير زعل ولا حاجة مع ان نشر الاشاعات ده صعب شوية وانا متابع جيد جدا للمنتدى وعارف ان الموضوع قتل بحثا. انا متاكد لانى كنت امس فى اتو ايجبت علشان احجز وفعلا حجزت وهما قالولى خلاص من غدا السعر زاد مسالتش فيهم برده واتصلت بنيسان اليوم وهم اكدولى الخبر وقالو انها زادت اول يوم النهاردة وعلى فكرة انا اكدت عندهم انى بسجل اعتراضى بشدة على الزيادة وان المفروض ان شركة نيسان اكبر من انها تزود سعر سيارة لمجرد انها عليها اقبال. بس للاسف انا عارف ان الكلام ده ولا ليه اى تلاتين لازمة فى مصرنا الحبيبة.
هو كونكت فعلا بيعمل ابديت متأخر
بس مع احترامى لحضرتك
انت فى الأول لم تذكر بتاتا طريقة معرفة الموضوع
وانا مش بأشكك فى كلامك لكن ممكن يكون اوتوايجيبت قالك كده وهو قصده على الاوفر برايس
لانى اعتقد صعب نيسان تزود فى السعر فى صمت كده ولا اعلان رسمى واحد على أى موقع
استاذى العزيز لو حضرتك قرأت ما كتبته للاخر هتعرف انى اتصلت فعلا بنيسان واتاكدت منهم ان الكلام صحيح وعلى فكرة اوتوايجبت مبيبعش بأفور بريس ولو هيبيع كده عمره ما هيبيع لواحد عادى زىى انا .على فكرة انا زعلت جدا لما عرفت مش علشان 2000 جنيه بس علشان انا فعلا كنت فاكر ان نيسان اكبر من انها تزود سعر عربية علشان عليها اقبال .الكلام ده متعودين عليه من الوكلاء الجشعين الى كلنا عارفينهم بس للاسف طلعت نيسان متفرقش كتير.
الزيادة دي متوقعة من مدة
بس السوبر صالون حتبقى برضه زي مااتقال 110000 ولا حيزودوها 2000 وحتبقى 112000
أنا فعلا قريت انك اتصلت بنيسان
بس تاهت عن دماغى
وآسف لو كان كلامى ضايقك أنا ما اقصدش
بس مش قادر أتخيل ان نيسان تزود فجأة السعر بدون إعلان فى الموقع بتاعها او على الفيس أو أى حاجة
خاصة ان عندهم طوابير حجز
و انا شايف ناس حجزت من أول شهر يوليو ولسه ما استلموش
يبقى بصراحة مش ذنبهم ان نيسان هى اللى اتأخرت فى التسليم
ياريت يكون الكلام ده للحجز الجديد فقط و أعتقد ممكن يكون الموضوع كده ان شاء الله
وعلى فكرة أنا الموزع المعتمد اللى اشتريت منه كان بيقول للعملاء سعرين الرسمى و الأوفر برايس عادى
الفين جنية مش مشكلة بس نلاقيها لان كلة بيشترى بالاوفر بريس
على فكرة الصنى الجديدة أصلا تسعيرها 103000 وعشان العربية موديل جديد وتشجيعا للناس تشترى العربية نيسان نزلتها ب 100000 جنية ودلوقتى لو هى فعلا بقت ب 102000 جنية برضة يعتبر سعر كويس المهم تكون العربية متاحة
انا لسه مكلم Nissan call Center 16244
واكدوا لى المعلومة
الاوتوماتيك ب 102 الف
بصراحة لم اسأل على المانيول
لكن حتى الان السعر مقبول المهم ميزدش عن كدة
حسبي الله ونعم الوكيل فيهم يعني اما حاجز من اكتر من 3 شهور وولاد التيت يزودوها شركة مش محترمة ومش عاوز العربيه وهلغي الحجز النهرده !!!!!!!!!!!!!!!!!!!!!!!!!!!!!!!!!
فعلا يا welo77 عندك حق
قمت بالاتصال اليوم بخدمة عملاء ايجيبت علشان أفعل الضمان لان نمرتهم كانت مش بتجمع معايا بس لما اتصلت من على الموبايل جمعت علطول
و بأكد كلامك السعر الرسمى لنيسان
أوتوماتيك 102 ألف
مانيوال 97 ألف
بصراحة نسيت أسأل هل الكلام ده على اللى حجز جديد ( من يوم زيادة السعر يعنى ) و لا على كل من لم يستلم بعد
هو بالمنطق طالما حجزت بألف أو بـ 5 آلاف ( حسب الموزع ) فده مش هيخلى السعر يثبت معاك
بس أتمنى نيسان تعمل حركة جدعنة على الأقل مع الناس اللى حجزت من شهر 6 و شهر 7 لان مش ذنبهم بصراحة ان نيسان هى اللى اتأخرت عليهم
انا لسه حاجز النهاردة اوتوماتيك ١٠٢ الف
تأكيداً لكلامكم
فعلاً الثمن زاد ألفين جنيه
كنت بكلم الوكيل النهارده على اساس دفعه عربيات جت ولا لسه.... وأكدلى ده...
المهم إنى حاجز من يوم 20/07/2012
حتى لو زادت جنـــيــــــه واحد !!! مش فيه اتفاق ولا إيه؟:36_1_2[1]:
يعنى مفيش فايده فى الانسان المصرى...يعنى صباح الطمع والجشع ...يعنى ضيعوا على فرحه "الوكيل المحترم"
ده انا كنت بتريق ع التوكيلات التانيه وانتو فاهمينى
وسلم لى ع الضمير
:untitled 1:
وهو ده اللي خلي الالنترا اللي كانت ب 90 من كام سنه بقت توصل ل 150 دلوقتي
طول ما غبور و منصور موجودي حيخلو الكل يبقي زيهم
ومش عايز اغلط اكتر من كده
عندكم حق يا جماعة .للاسف احنا معندناش اى رقابه على الاسعار ولا اى قانون يحمى الناس من جشع الوكلاء والتجار.يعنى عربية ب100 الف تتباع زيادة 9 الاف وعادى وبتكلمه فى التليفون يقولك السعر عادى اوفر بريس من غير اى رقابة ومش خايف من اى مسائله .وشركة نزلت عربية مفتش عليها 6 شهور وعادى جدا انها تزود السعر لمجرد ان العربية عليها اقبال مفيش حد بيحاسب يبقى كل واحد يعمل الى هو عايزه
يا جماعة الموضوع ده كان متوقع
زمان قبل العربية ما تنزل عرفت ان الاوتو ب 100 الف
لكن وصلنى ان ده فى الاصل عرض نازل على العربية
بينما سعرها الحقيقى 103
و قلت الكلام ده هنا على المنتدى
ماشى الكلام
وفعلاً لما حجزت قالولى انه عرض,
بس مش المفروض إن العرض ده بيبقى ليه زمن محدد معلوم مسبقاً تاريخ انتهاءه
ذنبنا ايه إنهم إتأخروا فى التسليم .....عن نفسى حاجز آخر يوليو
يعنى لو كنت استلمت أول إمبارح بس كنت وفرت2000 ج !!!!!!!!
مش فاهم ؟؟؟؟؟؟؟
طبعا أنا شايف ان عندكم حق
بس برضه فى حاجة
ان علشان تثبت السعر و انت بتحجز أعتقد لازم تكون دافع 25 % على الأقل
لكن احنا كنا بنحجز بألف جنيه عند الموزعين و بعض الأحيان 5 ألاف عند موزعين تانيين
وأنا بأحجز الموزع طبعا قالى ان السعر مش هيثبت
بس يا ريت نيسان تزود السعر على اللى حجز جديد أو حتى من أول سبتمبر بس لكن اللى حاجز قبل كده يبقى على السعر القديم
وفى حاجة تانية كلنا كنا عارفين ان الأوتو بـ 103 و كان عليها عرض بـ 100 فكويس ان نيسان عملتها بـ 102 كده برضه فى وفر ألف جنيه
دى وجهة نظرى
وهو فى مصر للأسف طبيعى ان سعر العربيات يزيد بدون سبب
رأيى ان نيسان أفضل من توكيلات تانية كتير
أولا : غيرت البطارية السائلة بجافة
ثانيا : زودت فى السعر ألفين بدل تلاتة
لكن يبقى نقطتين
أولا : تغيير البطارية لجافة لمن استلم بالسائلة
ثانيا : تطبيق السعر الجديد على من حجز بعد تاريخ محدد
انا عندي اقتراح ، من رأيي ان الشركه علشان تصالح العملاء
مؤقتا تبدل البطاريه السائله بجافه بالنسبه للعملاء اللي استلموا بيها
حتي لو العميل يتحمل ( 250 جم ) لمن يرغب .
بالنسبه للعميل الجديد اللي لسه ما استلمش تركب له كاوتش بريدجستون محترم .
و اعتقد ان فرق السعر بالنسبه للشركه من مورد الماكسس لمورد البريدجستون عمره ما حيكون 2000 جم يعني الشركه كسبانه كسبانه .
طبعا هي اقتراحات ( أحلام ) لأن في بلدنا الحبيبه السعر اللي بيزيد ما بيرجعش تاني ابدا .
تحياتي
بصراحة أسؤ حاجة فى العربية هى الكاوتش وعلى فكرة هو مش موجود فى السوق المصرى والظاهر ان نيسان مستورداه من الصين بكلام فارغ يعنى موفرة جامد فيه عموما أنا غيرته الحمد لله وبرضه كان نفسى فى مرايات ضم وباركينج سنسور وكمان اماكن التخزين داخل التابلوة تقريبا معدومة ياريت الملاحظات دى تراعى فى الأنتاج الجديد غير كده العربية ممتازة :ilikeit:
الموضوع في الاخر عرض و طلب , و حاليا الطلـب أكتر بكتير من المعروض
السلام عليكم ورحمة الله وبركاته ...
اولا : انا اشتريت النيو صني والحمد لله قبل تطبيق السعر الجديد عليها , وعند حجز السيارة تم دفع 1000 جنيه عند اوتو ايجيبت , وقد كتب الاستاذ المسئول من اوتو ايجيب ايصال حجز وقد كتب فيه جملة ( تحت حساب سيارة نيسان صني مانيوال موديل 2013 السعر حسب المعلن من نيسان وقت الاستلام ) وقمت بالاستفسار منه عن ذلك ؟ فقال لي ان السعر سوف يرتفع اول اكتوبر . وسألته وانا كيف احاسب على اي سعر ؟ قال لي يجب دفع 50 %من قيمة السيارة حتى يطبق عليا سعر اليوم .
ثانيا : كمقتني لسيارة نيسان صني احب ان اقول ان السيارة نيسان تنافس السيارة تويوتا وليس السيارات الكورية ولو نظرنا الى ما في النيسان صني من كماليات ووسائل امان نجد افتقار السيارات الكورية في نفس مستوى السعر حتى بعد الزيادة في الاسعار ولو زادت مرة اخرى .
ثالثا : انا رؤيتي للموضوع هو ان استراتيجية الشركة الام هي الاستحواذ على نصيب كبير من السوق المصري ومسألة الاسعار هي من ضمن تلك الاستراتيجية فنجد سعر صني ما قبل موديل 2013 وزيادة طفيفة جدا في السعر للموديل 2013 وما تمت من زياده اخرى هذا فضلا عن وجود معلومات على هذا المنتدى تشير الى قرب نزول الهاي لاين بسعر يزيد عن 110 الف ,,,, لذا انا ارى من وجهة نظري مع كل الاحترام الكامل للزملاء في هذا المنتدى العظيم ان زيادة الاسعار المتوقع ذلك هو في الاساس في مصلحة كل من مقتنيي هذه السيارة وكل من يحجز السيارة وليس سئ لان قيمة السيارة الحقيقية تزيد عن 120 الف يمتلكها بسعر اقل ويمكن مقارنة السيارة بغيرها من الكوري كسيارة متكاملة ( لم نسمع مثلا ان قوة الفرامل في السيارة اقل من قدرة الموتور كعيب في بعض انواع السيارات , او ان تكييف ضعيف مقارنة بحجم الموتور )
رابعا : ما يهمنا هو توافر قطع الغيار بسعر مناسب وكفاءة مناسبة ,,,,, خدمة ممتازة بالصيانات والتوكيل بسعر غير مبالغ فيه ,,,,,,, ( خدمة ما بعد البيع )
هذه وجهة تحليلية من وجهة نظري فقط تحتمل الصواب والخطأ .
وشكرا
نيسان لما شافت الأقبال الرهيب على السيارة راحت رافعه السعر 2000 جنية وللأسف مفرئتش عن غبور وأخوانه ، واللى يقول :أصل العربية كان عليها عرض، معلشى ده واحد بيصبر نفسه وبيدور على مبررات - يعنى ما باليد حيله - زى لا مؤخذة واحد راح لاطعك على قفاك وانت تقول معلش أصله مدايق شوية
أنا أقبل الزيادة لو فعلا الكاوتش اتغير لبريدجستون أو ان صوت تزيق المساعدين صلحوه فرفع السعر- على كونه ليس سببا وجيها ؛ لأنه هيكون عيب صناعة والشركة تتكفل به كليا أو اى تغير ملموس ، لكن زيادة كده وخلاص وتبريرات من الأعضاء ليست مقتعة على الأطلاق ‘ أسف نيسان حصلت باقى التوكيلات التى تنصب على المصريين بدون وجه حق .
أنا عن نفسى كنت والله نازل أحجزها وكلمت أستاذ أحمد مصطفى فرع التامن لكن والله كده تغور ولازم إحنا كمصريين يبقى لينا وقفه مع كل من يأكل أموالنا بدون وجه حق
2000 جنية مش مشكلة ، أنا والله كنت حاطط فى دماغى إنى لو اشترتها همشى بالمكسس شوية وبعدين هغير لبريدجستون ، يا جماعة بلاش السلبية ، أديكم شوفتوا السلبية عملت فينا أية لمدة 30 سنة وأكتر ولما أصبحنا إيجابين أيه اللى حصل ؟!!!
كده كده الناس هتستنى أكتر من شهرين تلاته علشان تستلم ، طيب ما تيجوا نضغط على نفسنا شوية ونوصل رسالة جماعية لنيسان الأم أننا بنقدر الشركة وبنثق فى السيارة لكن الزيادة دى لازم يبقى فى أمامها مقابل - زى مثلا تغيير الكاوتش لبردجستون وإلا سوف يقوم عدد كبير منا بإلغاء الحجز
يا جماعة مصر والله على الرغم من اللى بيحصل حوالينا أتغيرت
يبقى إحنا كمان لازم نتغير ومنخليش حد يهمشنا أو لا نكون لنا الأولوية فى حساباته
مش عارف انتوا معايا ولا أنا لوحدى اللى بفكر كده ؟!!!!!
شكرا عالخبر ..
بالنسبة لموضوع التعديلات على الصنى وتحديدا الكاوتش اللى مضايق كل الناس ..
التغيير هايتم - اذا حدث - على مستوى العالم ومش هايقتصر على مصر بس .. ومش بعيد لما يتغير يكون بريدجستون b250 صينى برضه ههههههههههه
ياترى ساعتها هايعجبكوا ولا برضه هاتقولوا صينى ؟!!!
على فكرة القاشقاى فى السعودية بتنزل بكاوتش بريدجستون بولندى وليس كونتيننتال انجليزى زى اللى فى مصر ..
ياجماعة انتم زعلانين علشان الفين جنيه او مبدأ الغلاء علشان الاقبال
ده الالنترا الفولي لودد غليت من 157 إلى 164 يعني 7 الآف صدق او لا تصدق
اعتبرها فرق سعر دولار يعني صبر نفسك
على فكرة كان في موضوع لزميل بيسأل يجيب لانسر 1300 ولا صني الجديدة
ورشحتله صني علشان وسائل الأمان
بس قلتله
لو فكر يجب صني يشتريها باوفر برايس لانها عتغلى لو حجز وهتبقى محصلة بعضها
يعني طالما انا عرفت من المنتدى او غيره بموضوع الزيادة دي
اكيد النتم الي حاجزين كنتم سامعين عنها بس مش مصدقين
معلش قدر الله وما شاء فعل
المهم ان العربية تكون عجباكم
وربنا يديكم منها خيرها ويكفيكم شرها
اتمسوا بالخير
هى مسأله مبدأ مش أكتر
يا جماعة الموضوع مش 2000 جنيه الموضوع مبدأ محدش يقنعنى ان السعر كان عرض وكلام من ده لان ببساطة كانت نيسان اعلنت كده وقالت ان العربية سعرها الاصلى 102وده عرض لحد تاريخ معين وكنا كلنا عرفنا من الاول . وبعدين هل لو العربيه فشلت ومحدش اشتراها كانت هتغلى ؟؟؟؟؟القصة ان العربيه غليت لما زاد الاقبال عليها وده شئ مش تمام من الشركة وانا لما اتصلت بيهم بلغتهم الكلام ده كنوع من الاعتراض مع انى عارف انه ملوش لزمة فى بلدنا الحبيبة مصر.
الصديق العزيز شوف حضرتك أنا من ملاك السيارة ومتابع السيارة من اول السنة أى قبل نزولها ب 6 شهور وكان كل المتاح عنها عبارة عن معلومات وصور السيارة المنتجة بالصين تحت أسم VERSA وبعدين فى أخر أبريل وجدت أحد المعارض يعلن انه تم فتح باب الحجز للسيارة فأتصلت به وسألت عن السعر فقالى هو لن يزيد عن 105000 جنية قولتلة يعنى ايه قالى يعنى السعر هيكون من 100000 حتى 105000 فطبعا قلتلة أزاى أحجز سيارة ومعرفش ثمنها قالى حضرتك بتحجز ب 1000 جنية وبعدين كلة هيوضح فى أول شهر يونيو فطبعا انا مرضتش أحجز وخصوصا أن هذا المعرض مش من ضمن الموزعين المعروفين لنيسان لكن بعد كده عرفت أنه فعلا موزع معتمد وبعدين أنتظرت حتى 10/6 حيث تم الأعلان الرسمى عن السيارة فى حفل كبير فى ماريوت ميراج وكانت المفاجئه السعيدة أن السعر كان 100000 جنية للأتو و 95000 جنيه للمانويل يعنى كلام المعرض أياه مكانش غلط لكن السعر طبعا أحسن مايكون 105000 جنية لأنى بصراحة ده كان هيكون أكتر من أمكانياتى وبعد النجاح الذى حققته السيارة من أرقام مبيعات أعتقد أنه السعر الجديد 102000 يعتبر أيضا عادل ومنافس وخصوصا لو تابعنا قصة السيارة من البداية كما حكيت لحضرتك
وتقبل تحياتى
:bye2:
أسعار سمير ريـــان اليوم 4/10/2012
- صنـي موديل 2013 = 110 الف الفئة ex
انا حاجز من شهر و ربنا يستر و ما تزيدش عليا تاني قبل ما استلم
لا اعتقد ان فيه زيادة تانية .الموضوع كله عرض وطلب وطول ما المعارض بتعلى الاسعار وفى ناس بتشترى هتعلى تانى عادى جدا. والله اعلم
بس انا مستغرب جدا للناس الى بتشترى ب110 عندها التيدا السيدان احسن بكتير وب115:Copy of majd(4):