استفسار عن سيفيك 86

**wild2002** · 01-10-2012 11:42 PM

السلام عليكم ورحمة الله

ازيكو ياعمالقة الهوندا

كنت عاوز استفسر منكم عن عربيه واتمنى انكم تساعدوني عشان اول مره اشتري عربيه وخصوصا الهوندا

قدامي سفيك موديل 86 خليجي 1500cc اتوماتيك ومكيفه

كشفت عليها عند الميكانيكي والبنزينه كله قاللي العفشه عاوز تتغير ( مساعدين - كبالن - ومقصات ) + اولسيهات الاسبراتير عاوزة تتغير عشان فيه ترشيح للزيت

غير كده الموتور تمام وجايبه السرعات كلها مفيش مشكله

استفساري هل كده تبقى حالتها ضايعه وهصرف كتير ولا العفشه امرها معقول وهلاقي قطع غيارها ولا صعبة
وهل الدركسيون باور فعلا ( هو مكتوب عليه )

انا ساكن جنب الحرفيين هل هلاقي كل حاجه هناك والاسعار ايه ظروفها ( سعر العربيه 22000 من غير كلام لسه ) السعر غالي ولا كويس

معلش اسئلتي كتير بس اعتبروني زميل واخ ليكم

وجزاكم الله كل الخير

**SAMEH_FOUAD** · 02-10-2012 11:29 AM

ياباشا اهلا بيك ونورت قسم هوندا

بالنسبة للعفشة هتلاقيها جديدة بس قليلة استيراد شوية فى الحرفيين ممكن تنزل عزبة شلبى هتلاقى حاجاتها هناك استيراد

بالنسبة للحالة دية انت كدة محتاج عفشة كاملة يعنى مش اقل من 5000 الاف جنية عشان اربع مساعدين زيادة عليهم والكبالن ودول لوحدهم هيعملوا 1400 جنية وباقى الشغل اللى فى العفشة هيعمل 1500 جنية واكيد هيطلعلك قواعد ماتور فى الموضوع + السرفيس بتاع العربية نفسة ( زيت ماتور - زيت فتيس - بوجيهات - سير كاتنية ودينامو وتكييف ) لو فيها باور هتلاقيى سير الباور متركب يعنى المفروض يبقى عندك اربع سيور فى العربية واحد رئيسى : الكاتينة , وثلاثة فرعيين ( باور - دينامو - تكييف )

اولسية الاسبراتير لازم تاخد الاولسية وتجيب زية عشان مايعملش زيت تانى

بالنسبة للسعر كويس جدا بس عشان هيو عايزة مصاريف ممكن يبقى حلو عليها 20 الف جنية

بس اهم حاجة اتأكد من الفتيس وجودتة والماتور بردة

عشان سعر محرك العربية دية استيراد 3500 جنية من بورسعيد