الموضوع: سكودا فابيا

المشاركة الأصلية كتبت بواسطة walid elazhary

رحلة عذاب مع مراكز الصيانة والحرفيين مع سكودا فابيا واخيرا لاقيت حل

انا عندى سيارة اسكودا فابيا 2003 - 1200 سى سى - 3 سلندر كانت السيارة في بداية شرائها تعمل بكفائة ممتازة ولكن فجاْة حصلة مشكلة فى الموتوربدأ ياكل زيت بدون اى مقدمات ولى حوادث ولى اى حاجة وحاولت كتير اصلح المشكلة فى مراكز الصيانة المعتمدة زى وهدان او الحرفيين وطبعا كتير من المياكانيكية ودفعت فلوس ياما وللأسف محدش عرف يصلح المشكلة .......واخيرا اضطريت انى اخد قرار تغيير الموتور وشراء موتور استيراد اوتوماتبك طبعا بالفتيس والعففشة وخلافة وكنت فاكر ان ده هوا الحل ....المهم روحت الحرفيين ...و علشان
انا عربيتي كانت فتاس مانيوال لم اجد موتور مانيوال الموجود كلة اوتوماتك وذهبت الى مجدى البيومى ودة زعيم الالماني فى الحرفيين او فى مصر تقريباً وتم الاتفاق على انى اسلمة سيارتى واستلمها منة بعد ان يقوم بتركيب موتور
1400 سى سى 2 كامة وفتيس اوتوماتك وطبعاً كمان كبالن اوتوماتك مقابل المبلغ المتفق علية وكانت المدة المحددة تقريباً 10 ايام وبعد مرور 3 اسابيع ذهبت لاستلام السيارة طبعاً كعادة الصنايعية في مصر اتبهدلة العربية وكان ناقص بعض الوصلات تم تركيبها امامى واستلمت السيارة على التجربة كانت في البداية بعض المشاكل البسيطة
ولكن يوم ورا يوم ظهرت المشاكل بدأ الفتيس مينقلش الى الرابع ثم كانت المشكلة الاكبر وهى ان بدال البنزين يفصل فجئة وانت ماشى تدوس بنزين مفيش خالص وبعد متبطل العربية وتدور تانى يشتغل وهكذا ثم ظهرت مشكلة اخرى وهي ان السيارة تبطل لوحدة وهى ماشية وتجي تدور متدورش وبعد عدة محاولات وبعد فترة تدور وطبعاً كل
دة وانا اكلم الراجل بتاع مجدى البيومى وهو مش عارف اية المشكلة وانا ساكن في الهرم واروح الحرفيين دة مشوار عزاب طبعاً مع العلم انا عرفت مجدى البيومى دة عن طريق مركز خدمة وهدان ودة مركز الخدمة الى انا بتعامل معاة بتاع اسكودا وكان الاتفاق انى استلم السيارة من خلالهم ودة الى حصل واول مأستلمت السيارة تم وضعها على الجهاز وتم الكشف عليها تماماً وحقيقة هي كفائة الموتور 100في 100 ولكن انا اكتشفت ان مراكز الخدمة دى كل شغلها فك وتركيب جديد بس عمل الصيانة الدورية مثل تغير فلاتر تغيير زيت وهكذا وذلك لانى ذهبت الى مركز الصيانة وهدان لاكتشاف المشكلة واصلحها فتم تحديد المشكلة لى على انها يجب تغيير بدال البنزين لانة بتاع المانيوال ومينفعش علي
الاوتوماتك و بعد ان قاموا بتغيير البدال وجدت نفس المشكلة فقام واحد ابن حلال بوصف احد المهندسين فاتح مكان متخصص فى السيارات فولكس فاجن الالمانى بجميع انواعها ومنها طبعا سكودا وسيات واودى ومكانة موجود في مدينة نصر بجوار سوق السيارات اسمه المهندس ايمن وبالفعل ذهبت الية هو مهندس ميكانيكا حاجة تانية خالص ... فاهم ودارس ..وخبرة .. تتكلم معاه وتشوف شغله تعرف الفرق بجد ...فرق كبير جداً بين واحد فاهم وبيشتغل بعلم وخبرة عن واحد حافظ ولايعلم شىْ فى البداية حكيت كل الى حصل فى العربية من البداية للنهاية وطبعاً وانا بأحكى عن المشاكل كان هو بيقول كانت السيارة بتعمل كذا وكذا وانت ماشي نفس المشاكل بالظبط الى بتحصل معايا اول حاجة احضر جهاز لاب توب محمل علية برنامج سوفت وير خاص بسيارات الالمانى كل مركة على حدة ثم قام بتوصيلة بالسيارة وبدء فى تحديد المشاكل واكتشفت ان المشكلة كلها كانت في التوصيلات بين الكنترولات الخاصة بالموتور والفتيس وبعد
3 ايام تم تعديل التوصيلات واكتشفت ان الى ركب الموتور فى الحرفيين علشان معرفش يركب الوصلات صح وكان بيظهر معاة لمبة تشيك انجين وكل اللمبات الى في التبلوة قام بتسويد اللمبات من الداخل حتى لا ارى الضوء ولكنى كنت لا اعلم ولكن المهندس ايمن قام بازالت هذا التظليل واصلاح جميع الاعطال والحمد لله السيارة تعمل بكفائة ممتازة بعد ماكرهتنى في نفسي بسبب الميكانيكية وكثرة الاعطال هذة امانة امام الله وهذة تجربة شخصية حبيت احكيها ربما انفع بها اى شخص يقع فى نفس الظروف وعلى فكرة انا بشوف عنده جميع انواع العربيات الالمانى ...
معلش القصة طويلة .. بس عشان محدش يعيش نفس قصة عذابى انا كتبت كل التفاصيل ...

طيب حضرتك معرفتش سبب المشكلة اللى حصلت فى الموتور دى من ايه و بعد اذنك سؤال تانى هو الموتور الجديد اتكلف كام وشكرا ليك

اخي الكريم انت ذكرت في موضوع ان الهدف منه افاده الناس ولم تذكر معلومات الاتصال بالمهندس ايمن الذي كان سببا في حل مشكلتك يرجى ارسال رقم هاتفه وعنوانه للتواصل معه لاني لدي نفس مشكلتك واريد حل لها
وشكرا

عنوان مهندس ايمن - مدينة نصر خلف سوق السيارات
التليفون - 01005247179