الموضوع: استفسار

السلام عليكم

هو ليه ما بيستفيدوش من حركة العجل فى توليد طاقة كهربية ممكن استخدامها فى حاجات كتيرة زى تشغيل التكييف شحن الدينامو

وسمعت إن فيه تكنولوجيا برضه بتستفاد من قوة كبح الفرامل فى توليد طاقة كهربية

طبعا فيه ناس ممكن تقول والعربية وقافة ودايرة مين هيشحن البطارية ودى مشكلة بسيطة أكيد يقدروا يحلوها لو عملوا النظام دا خصوصا إنه ممكن يطلع طاقة عالية جدا

بل ممكن يستغلوها فى زيادة قدرة المحرك

شفت حاجة عجبتنى فرامل جرار القطر عاملين زى ماسورة هواء متوجهة على عجلة القطر الحديد بتضخ هواء عشان التبريد بتاع الفرامل لأن طبعا فرامل القطر رهيبة القوة والاحتكاك بيبقى فظيع

ليه ما يعملوش حاجة شبيهة فى السيارة عن طريق استخدام الهواء المواجه للعربية وتحوله على الطنابير بحيث إنها تفضل باردة قدر الامكان

أنا عارف إن فيه تكنولوجيا عالية فى فرامل اسيارات حاليا بس أهى أفكار بتيجى على بالى بسيطة فى فكرة عملها

ماهو يا رجاله الموتور هو اللى بيلف العجل و هو اللى بيلف سير الدينامو عشان يولد كهربا ... فبالتالى المسئول عن حركة العجل هو اللى بيولد الكهربا يعنى كأنك بتقول ان حركة العجل هى اللى بتولد كهربا ... بس طبعا استخدام الموتور افضل عشان لو العربيه مبتتحركش بس الموتور شغال بيشغل الدينامو معاه