ايه يا شباب محدش عاوز يفيدنى؟؟؟؟؟
ايه يا شباب محدش عاوز يفيدنى؟؟؟؟؟
المقارنه صعبه لان الفئتين مختلفتين فى الحجم
وعوامل الامان
والكماليات
والموتور
وبالارقام موتور الشارك اقوى بس مش بفرق كبير , الفرق بالظبط 9 حصان و 18 نيوتن بس على فكره الصح بتاع موتور الشارك الجديد بنزين 95 لان نسبة انضغاطه 11 , محطتش 95 هاتاخد اداء اقل , غير ان وزنها اتقل بحوالى 150 كجم , يعنى الفرق مش شاسع فى الاداء
الفتيس الاتنين 4 سرعات بس الريو فتيسها ستيبترونيك الشارك لأ
العفشه ونظام التعليق الشارك تتفوق بجداره
الاوبشنز والكماليات الريو
عوامل الامان ( ABS و EBD و 2 AirBags و Immobilizer ) فى صالح الريو
الوكيل وفترة الضمان ( 5 سنين او 100 الف كم ) فى صالح الريو
اسعار الصيانات وقطع الغيار اعتقد فى صالح الريو برضه
غير ان الريو شكل وتصميم جديد لسه بدرى على ما تتغير الشارك اكيد اخرها سنه ولا اتنين وتتغير
رأيى فى حدود المبلغ دا الريو افضل , لو الشارك عاجباك يبقى تزود المبلغ شويه عشان تجيب فئه كويسه
بالنسبة للأمان هي طبعا الشارك امان جدا لكن للأسف اول فئة مفيش غير اير باج واحدة و مفيش abs من ناحية كل حاجة تانيه انت قولتها ثبااات خرافي موتور و قوة سحب هتشوف بنفسك روح اعمل تيست درايف و انا بستخدم 92 معرفش لو حطيت 95 قوة ايه اللي هخدها اكتر من كدة :)) توكيل نضيف بس غالي و خليك معاه فترة الضمان بس عشان تحافظ علي ضمان العربية و بعد كده شقلبه.
بالنسبة للريو هي شكل تحفــــــة و كماليات أكتر من الشارك اول فئة بكتير. و هاي لاين هيبقي فيها abs أكيد و اير باجز.
حضرتك برضوا حط ال رينو فلوانس اول فئة ب 132000 و لو صعب ممكن تشوف واحده كسر زيرو و برضوا شوف الصني تاني .
اولا شكرا على مشاركتك واعتقد انك لخصت اللى انا بفكر فيه بس انا كدا احترت اكثر لانى كنت بدأت اقتنع ب شارك للاسباب الاتيه
( موتور ) محترم يابانى
( فتيس ) كويس نوع ما واستجابته عاليه بس اول مره اعرف انه مش ستبترونيك
( عفشه ) مالتى لينك واعتقد انها افضل حاجه حاليا وكمان ناعمه فى المطبات عن الريو اللى نسبيا أنشف بسبب الجنط ال 17 وكمان تورشن بيم
( امان ) فيها ايرباج واحدة مش مهم اعمل ايه يعنى ماقدرش ازود الفلوس اكتر من كدا دا أخررررى بس مافيهاش abs ولا الكلام الكتير اللى فى الريو
( صالونها ) شيك جدا بس اعتقد ابتداء من الفئه الثالته الصالون اشيك بمرااااااااحل علشان اللون الاضافى فى التابلوه والابواب بس معلش برده صالون الريو جميل جدا برده وحسيت انى مبسوط فيه
( كماليات ) اتقد مافيش لكن الريو كلها كماليات من بلوتوث لحد تكييف الدرج الامامى
بصراحة هتجنن ومش عارف بقه اعمل ايه فى الحيره دى :36_2_49[1]:
حرااااااااااااااااام عليك يا محمود:36_1_8[1]:
اولع فى نفسى يعنى ... انتا بتقولى على حاجه وترجع فى كلامك ولا ايه يا بوب :tongue32:
انتا خليتنى اعشق الشارك النهارده بس من مواضيعك فقط دا غير رأى الاعضاء فيها
بس اسعار الصيانات غاليه وقطع الغيار ( معا انها معمرة ) بس برده غاليه .... وكمان فقدان الكماليات والامان فيها راعبنى بس قلبى الشمال بيقولى دا ثبات عالى ومتخفش ودوس بس برده السواقة مالهاش كبير
ثالثاا الفلونس كل الناس فعلا فعلا فعلا بتقولى بلاش وكمان سمعت اعنها كلام قبيح
شكرا يا سيدى على الحيرة من جديد
ليك حق تحتار....انا معايا شارك 2009 اول فئة اتوماتيك... اكبر ميزة فيها انها مالهاش اعطال نهائى و اوسع من الريو من جوة و تكييفها ممتاز و عالية عن الارض نادرا ما بتحك فى اى مطب مهما كنت محمل فيها و طبعا شكلها تحفة ... عيبها ان عزلها وحش و فراملها من غير اية بى اس مش حلوة اوى... فى الاخر هاقولك ان مفيش عربية كاملة بس انت بتختار الانسب ليك و فى الاخر انا هانصحك بالشارك بس هاتها بجنوط على الاقل
مانا قولتليك باختصار, مش هتلاقي ركوبه أحلي من الشارك في الفئة دي و مش هتلاقي كمية الكماليات و الأوبشنز و الشكل اللي في الريو في الفئة دي الا في عربية كوري.
مع احترامي لمصدر حضرتك بس مين اللي بيقول حضرتك بلاش بلاش علي الفلوانس؟؟ يا ريت حضرتك تشرح اكتر لأن الكلام ده مش مظبوط نهائي
رايى فى كلمتين أنا كان معاديا شارك هاى لاين بعتها علشان أجيب فلوانس بعد أسبوع لقيت نفسى اشتريت شارك تانى
رايى بكماليات بدون كماليات مافيش وجه للمقارنة وبالمناسبة فرامل الشارك ممتازة بدون فتح ال abs
انا قريت قبل كده ان الشارك طلعتها بطيئة شوية بسبب وزنها التقيل و انت هدفك قوة الاداء و التسارع
لانسر شارك اعتماديه وحماله اسيه عن تجربه ..وماتورها تكنولوجي عالي جدا ورياضي ومعمر
عربيه مخدومه
الريو كويسه بس في فرق بين العربيه المخدومه والعربيه المتزوقه