أمبارح بحثت على بنزين 80 في معظم المحطات اللي كااااان فيها 80 ولحد النهار ده مفيش خالص حد يعرف ايه الحكاية
عرض للطباعة
أمبارح بحثت على بنزين 80 في معظم المحطات اللي كااااان فيها 80 ولحد النهار ده مفيش خالص حد يعرف ايه الحكاية
البنزين 80 متوفر جدا ومفيش منع بس اصحاب بعض المحطات بيخبوه او قد يغشوا ويبعيوا علي انه 90 فاذا شكيت اتصل بجهاز حمايه المستهلك ومباحث التموين دول ناس محترمه تديك حقك فورا
فعلا في الاسكندرية بنزين 80 غير متوفر والناس بتقف طوابير طويلة لما بيكون متواجد
يا ريت يا استاذ شهاب رقم جهاز حماية المستهلك
اتصل ب رقم 19588 من الساعه 9 الي الساعه 5 مساءا ويوم الجمعه اجازة ؛ وميزة الجهاز ده لو قدمت له شكوي في اي منتج سواء محمول جديد من توكيل معتمد او سيارة جديده سواء من المصنع او التوكيل بشرط يكون معاك فاتورة الشراء وطلع فيها اي عيب يقوم الجهاز فورا بالاتصال بالشركه واستبدال المنتج باخر سليم.
أه جرب وشوف مش حتخسر حاجة...اقتباس:
يعني انا ممكن اتصل بيهم اقولهم ان بنزين 80 غير متوافر في البنزينة دي؟
بإذن الله خير ..
لحد دلوقتي ما لقتش بنزين 80 في أي محطة لو حد يعرف محطة فيها 80 يقولنا
فعلا تصدقوا شكله بداية إلغائه لأني من كام يوم كنت عالصحراوي في العامرية(مدينة في بداية الإسكندرية من الطريق الصحراوي) ولاقيت المحطة اللي عند أول كبري علوية مليانة طوابير سيارات تنايات ومكنتش فاهم في إيه !!
فعلا الموضوع بقي مستفز انا قعدت ادور في مصر الجديدة في حوالي اكتر من 5 بنزينات وبنزينة في الحلمية وكلهم مكتوب عليهم 80 وقالولي مفيش واضطريت احط 90 وبعدين لاقيت بنزينة في المطرية تقريبا بس لاقيت عليها طوابير وكانت الساعة 11.30 باليل وطبعا كنت متأخرة ونفس الامر في عين شمس بس طوابير لحد الساعة 12 باليل تقريبا هو كان خلص من البنزينات وجابو تاني بس باليل والظاهر الناس عارفة مواعيدهم واضطريت احط بنزين تاني يوم طبعا لان الوقت كان متأخر جدا
حرام عليهم والله هو عشان ده لسة سعره مغليش يقوموا يمنعوه عن الناس
حسبي الله ونعم الوكيل
فعلا يا جماعة انا و انا ماشى النهاردة لقيت بعض البنزينات عليها طوابير كبيرة جدا حتى طالعة للشارع علشان شكلها فيها 80
مع غلو البنزين ,انا بشوف اكسيل وسويفت وقفين في طابور ال 80!,بس انا دايما لو رايح اكتوبر بعدي علي بنزينة امارات مصر وبتكون فاضية خالص وفيها 80 ودي مكانها في المكس
يا جماعه انا من اسكندريه و لسه حاطط بنزين 80 من يومين تقريبا هو اه كان زحمه بس مش طوابير ولا حاجه بس في ملحوظه بلاش تروح البنزينه تمون بنزين 80 في مواعيد تغيير ورديه للعربيات الأجره علشان بيبقوا كلهم في وقت واحد رايحين يفولو علشان يسلم العربيه في نهاية الورديه بتاعته
ال80 موجود فى تقريبا 70 % من بنزينات مصر و التعاون , وللاسف بقف حوالى نص ساعه فى طابور طاويييييييييييييييل علاشان افول العربيه , و عمال البنزينه ساعات بيتنكو وكأنهم بيحطو البنزين بفلوسهم ؟؟؟؟
عموما عصير اللفت المسمى بنزين 80 بيبقى موجود فى المحطات يا اما الصبح بدرى ... يا اما بليل متأخر اوى , لكن من الساعه 5 لحد الساعه 12 بليل صعب جدا ان حد يلاقى 80 . لان بتوع التكسيات مش بيرحمو شغالين على ال80 الله ينور و طبعا كلو بيفول . فعلاشان كده بيخلص بسرعه البرق من المحطات .
بنزين 80 دلوقتى عامل زى فراخ الجمعيه فى السبعينيات " يعتبر كنز " .
أنا بعبي 80 على طول من التعاون إللي في صلاح سالم عند عمارات العبور ولو ملقتش بروح محطة مصر إللي في أول عباس العآد وفي برضه في البنزينة إللي في روكسي
والصراحة تقال حتى بعد إرتفاع أسعار البنزين محسيتش إن ال 80 قل وبلاقيه موجود في أغلب الأحيان لحد إنهاردة أما بكره الله أعلم الحكومة مخبيلنا إيه
في حد مون يوم الجمعة لحد النهار ده ب 80
أنا كنت بمون قبل كده عادي بس لحد يوم الجمعة ومفيش محطة أروحها وألاقي فيها 80
في حد مون النهاردة 80 ؟؟؟؟
انا حمون بكره ان شاء الله , بس صدقنى ال80 موجود ... و الدليل ان التكسيات لسه ماشيه فى الشوارع .... لو مافيش 80 يبقى مش حتشوف تكسيات ... ماعادا الى بتشتغل بالغاز طبعا .
طوابير طويلة جداً أمام محطات معدودة تحتوي على بنزين 80
وأغلب المحطات القريبة مني التي كان بها بنزين 80 لا يوجد بها بنزين 80
واليوم جسر السويس كان متوقف الساعة 7 ونصف مساءاً بسبب الطابور الخارج من محطة البنزين التي على ناصية أحمد عصمت
مش عارف البنزين 80 في آخر أيامه ولا لأ
ربنا يعوض علينا
طيب اية الل ممكن نقدر نعمله ؟ هل في جهة معينة ممكن نراسلها او نتصل بيها ونوضح لها اختفاء البنزين 80؟؟
يا جماعة فعلا مفيش بنزين 80خالص انا دورت في مدينة العبور مفيش ونزلت السلام برضه مفيش والتاكسيات هناك ماشية ب90بيمونوا 10لتر في 10لتر وحتي رحت توتال اللي عالدايري مفيش فاضطريت احط 90وحضرتك يا أستاذ فهد من ساعة ماال90زاد انا شوفت عربيات كتيرة لانوس و فيرنا و حتي لانسرمو2006 1300سي سي بتحط 80 ومش عارف ماشية ازاي
محطه وطنيه اللي في الوراق امام سنترال الوراق فيها بنزين 80 بالهبل وموجود طول الليل والنهار للي يحب يمون . جربوا وشوفوا بنفسكم
.
الحكاية لأن بنزين 80 الحكومة خلاص هتبطله وده خبر بيتكلم عن الموضوع ده
مواجهات بالأسلحة النارية للحصول على بنزين 80 بشبرا
كتب هشام سلطان (المصريون): : بتاريخ 6 - 7 - 2008
http://www.almesryoon.com/Public/ALM...ages/50936.jpg
أدى اختفاء البنزين "فئة 80" من محطات الوقود إلى إشعال أزمات بين المواطنين بعضهم البعض ومع عمال وأصحاب المحطات، وذلك بسبب الصراع على أولوية التزود بالوقود، والتي تطور بعضها إلى مشاجرات استخدمت فيها أسلحة نارية، كما حصل فجر أمس بمنطقة شبرا، حينما أطلق صاحب محطة النار على قائد موتوسيكل، بسبب عدم التزام الأخير بدوره، واعتدى عليه بآلة حديدية.
وأفاد شهود عيان أن المشاجرة التي شهدتها محطة "موبيل" في شارع أحمد بدوي بمنطقة شبرا اندلعت فجر أمس، حيث قام صاحب المحطة ويدعى موريس بإطلاق النار على قائد دراجة بخارية، يدعى علي القص، عندما حاول الأخير تموين دراجته بنزين "فئة 80"، متخطيا الدور.
وعلى إثر ذلك قام صاحب المحطة وابنه ويدعى ميشيل بالاعتداء عليه بآلة حادة، وقام المعتدى عليه بالاستعانة ببعض أقاربه وأصدقائه من منطقة شبرا، وقاموا تكسير واجهة المحطة، ووقعت إصابات بين الطرفين.
وقد تمكنت أجهزة الأمن من السيطرة على الموقف، وألقت القبض على 23 ممن شاركوا في المشاجرة، ونفت ادعاءات بعض المنظمات الحقوقية القبطية التي حاولت تصوير الأمر على أنه فتنة طائفية، مؤكدة أنه الخلاف لا علاقة له بأي اعتبارات دينية أو مذهبية.
يذكر أن "المصريون" انفردت إبان أزمة رفع أسعار الوقود بالكشف عن صدور تعليمات صدرت لمصافي التكرير بالإسكندرية والسويس بالتخفيض التدريجي لإنتاج البنزين 80 لإلغائه تماما خلال عدة أسابيع.
http://www.almesryoon.com/ShowDetails.asp?NewID=50936&Page=1
حد مون النهار ده ؟؟
السلام عليكم
يا جماعة فعلاً البنزين 80 مش متوفر بقاله فتره و ربنا يستر
أنا لفيت كتير فى مصر الجديدة و مدينة نصر لغاية الساعة 11 مساءاً و بعدين روحت مشوار حوالى ساعة و أنا راجع لقيت بنزين 80 فى محطة مصر اللى فى صلاح سالم بعد البانوراما و فولت منها بس كانت زحمة جداً
على العموم دى أماكن البنزيمات اللى غالبية الوقت فيها 80
بنزينة مصر اللى أول دار السلام على الكورنيش
بنزينة مصر اللى فى صلاح سالم
بنزينة مصر اللى بعد وزارة الداخلية الشارع اللى يطلعك على الاظوغلى
بنزينة مصر آخر شارع القصر العينى و انت رايح التحرير على اليمين
و ربنا يسترها و مايلغهوش
شكراً
امس مونت بنزين 80 بعد ما لفيت كتير على المحطات الى على الزراعى لحد ما لقيت واحده داخل قرية
قلتله عندك 80
قالى ايوة بجنية اللتر وباخد جنيه دخان
بدون اى استحياء او كسوف
يعني الموضوع بجد فعلا و بنزين 80 في طريقه للانقراض
انا لسه ممون امبارح الساعه 4 العصر من بنزينه مصر الى فى ميدان الدقى , بس وقفت فى طابووووووووووووووور تقريبا لمده نص ساعه وكان حيقوم خناقه بين سواقين التاكسى علاشان فى ونش و امين شرطه منعهم انهم يعملو طابور فى الشارع .
كان منظر غريب الصراحه , واضح فعلا ان 80 بيقل يوم بعد يوم غير .
ربنا يستر .
لا حول ولا قوة إلا بالله
وحسبي الله ونعم الوكيل
الغالي يغلى أكثر
والرخيص يتمنع
وفي الآخر يوقلك نحن نحارب جشع التجار ... ههههه
ربنا يعوض علينا
كل المحطات نقصت فيها الكمية وبعضهم إنقطع عنهم وطبعاُ بقى عندنا بدل الطابور طابورين عيش وبنزين واللب يعيس ياما يشوف
ولكم التحية
وداع يا 80:hammer::hammer::hammer:
اخر الاخبار عصير اللفت :- " بنزين 80 "
انهارده كنت رايح افول " تانى " من بنزينه مصر فى ميدان الدقى الساعه 1 الظهر ..... ومكانش فيه 80 , طلعت على بنزينه التعاون لقيت العجب !!!!! قافلين كل مداخل ومخارج البنزينه ومش سايبين غير حته صغيره تعدى عربيه واحده , و الكوميدى فى الموضوع ان الفتحه ديه من الشارع الجانبى !!!! الى اضطرنى الف تانى لفه كبيره جدا ... مشهد كان محتاج يتصور .
الكارثه بقى فى الطابوووووووووووووور .. انا دايما بقف فى طابور مش اقل من 6 عربيات فى احسن الاحوال و مش اكثر من 10 او 12 عربيه فى اسوأ الاحوال , يعنى تقريبا بقف من 25 دقيقه ل 35 دقيقه . عادى .. تمام .. معترضتش .
انهارده الاقى الطابور ده فيه ما لا يقل عن 25 تاكسى و عاملين طابور طاويييييييييييييييييييييل من جوه البنزينه لاخر الشارع !!!!!!!!!!
قولت والله ما حستنى و حطيت 10 لتر 92 بعد ما نزلت واتخانقت مع العامل الى اساسا مكانش عاوز يدخلنى المحطه !!!!!!!!!!!!!!!!! علاشان كان فاكر انى عاوز ادخل من الجمب مكنه 92 علاشان احط 80 ...وراسه والف )*)(7 انه مايفهمش غير لنا نزلتله وكنت حضربه
وتقريبا كانو مستعدين للخناقات .......كان فى بوكس شرطه واقف مستعد و ونش و كام ظابط
كل ده علاشان البنزين ولسه ......
ألصوره ديه كنت مصورها من شهر لمنظر الطابور فى بنزينه التعاون فى 6 اكتوبر
http://inlinethumb26.webshots.com/23...600x600Q85.jpg
انهارده وانا راجع عدد العربيات الى واقفه فى الطابور كان تقريبا 3 اضعاف الى فى الصوره
عاشت مصر حرة مستقله
النهاردة فولت 80 من بنزينة التعاون اللي على كورنيش مصر القديمة
بس كان في زحمة شوية
و ربنا يخليلنا ال 80 و يطول في عمرة
النهاردة فولت 80 من بنزينة التعاون اللي على كورنيش مصر القديمة
بس مكنش في زحمة اوي يمكن عشان كان الصبح الساعة 9
و ربنا يخليلنا ال 80 و يطول في عمرة