المشكله فين هتجنن ؟ يمكن مش بعرف اسوق صينى !!

**BESO516** · 05-10-2012 12:05 PM

بص ياباشا عشان محدش يفتى فى العربيه وخلاص انا كان عندى مشكله زى دى بالظبط من اسبوعين وعملتها الحمدلله فى مركز المتحده والعربيه عامله 20 الف كيلو والمشكله اللى عندك دى حاجه من الأتنين :

1- حساس كامه ( وده كان بنتش عندى العربيه جامد وغيرته فى المتحده ورجعت زيرو الحمد لله )
2- مجموعه الدبرياج ديسك واسطوانه

قأحسن واسلم واسرع حل تطلع على المتحده تفهم فى ايه وبعد كده على التوكيل عدل على الأقل تبقى عارف الدنيا ماشيه ازاى وتقدر تقول العيب فى كذا

**jant** · 05-10-2012 09:27 PM

لقد قمت اليوم بتجربة صباع الرجلاش كان فعلا محتاج التكه دى بس مفيش أى تغيير فى التنتيش مستمر والفتيس احيانا لما بنقا من التانى للتالت بينطر منى (مش بيكمل) النقله
هل فى ميكانيكى كويس وقريب اقدر اروحله يفيدنى افادكم الله ؟

**jant** · 05-10-2012 10:24 PM

المشاركة الأصلية كتبت بواسطة hugan

شوف كهربائي كويس الاول
انا عندي كهربائي شغال في التوكيل وعنده جهاز
لو عايز اديلك عنوانه جرب الاول
وشوف ها يقولك ايه ممكن يكون في حاجه في حساس وعامل المشاكل دي

فين الكهربائى ده يا استاذ هوجن
وكان فى صوت قلتلك عليه زى خبط أو دربكه فى الناحيه الشمال لما بلف شمال
روحت التوكيل وجربت معملتش حاجه لما رجعت تحت البيت ظبطت ظغط الهواء على 30 رجع الصوت تانى يا ترى ده يبقى ايه اللى ليه علاقه بضغط الهواء ؟؟
وماتنسانيش فى عنوان الكهربائى اللى عنده الجهاز

**hugan** · 05-10-2012 10:43 PM

المشاركة الأصلية كتبت بواسطة jant

فين الكهربائى ده يا استاذ هوجن
وكان فى صوت قلتلك عليه زى خبط أو دربكه فى الناحيه الشمال لما بلف شمال
روحت التوكيل وجربت معملتش حاجه لما رجعت تحت البيت ظبطت ظغط الهواء على 30 رجع الصوت تانى يا ترى ده يبقى ايه اللى ليه علاقه بضغط الهواء ؟؟
وماتنسانيش فى عنوان الكهربائى اللى عنده الجهاز

تطلع كوبري الساحل وانت جاي من المظلات شبرا
تنزل نزله الكيت كات شمال
اول ماتنزل تلاقي علي ايدك اليمين معهد السمع والكلام
بعديه بحاجات بسيطه دخله شارع طلعت حرب في امبابه هاتلاقي كل العربيات الميكروباص والتكاتك داخله يمين
تدخل يمين
هاتلاقي محل البرنس بتاع الاكل مشهور قوي
تعديه وتكمل
بعد يه بحوالي 500 متر تسال علي مدرسه مدينه العمال
توصل عند المدرسه تسال علي اسماعيل الكهربائي
لكن لازم تروح له بعد 7 مساء علي مايكون خلص شغل في التوكيل او يوم جمعه
للامانه كهربائي اكتر من ممتاز
والميزه انه حافظ العربيه وكهربتها
ومش بتاع اشتغالات
خير ان شاء الله
وتابع وقولي ايه الاخبار