صوت البلوف

**mbx4e** · 07-10-2012 08:48 AM

المشاركة الأصلية كتبت بواسطة alnmr79

السلام عليكم ورحمة الله وبركاته
عندى صوت خشن شوية زى خبطشاكوش كدة الميكانيكى قلى دة صوت صبابات ممكن تكون العربية سخنت واتسببت فى المشكلة دى.
طب والحل؟؟؟؟؟؟؟؟قالى هتصرف كتير وهتفتح الماتور وممكن الصوت دة ميضعش .مدام العربية كويسة ومش مزعلاك فى حاجة خلاص.
ايه رايكم اشوف ميكانيكى تانى والا اكبر دماغى.هو الصوت مش مزعج قوى بس انا اتعودت على الصوت الناعم للماكنه.
العربية فيكترا بى 1600 مانوال واحد كامة.

المشاركة الأصلية كتبت بواسطة tananybasha

شوف حد تانى
الصوت عامل زى تك تك تك بس بسرعه
يبقى بلابل البلوف

المشاركة الأصلية كتبت بواسطة hellboy

-لو عندك عيب في صباب بنزين هتلاحظ ان العربيه بتستهلك بنزين كتير نتيجه انه بيغرق الغرفه بتاعته
ولو صباب عادم هتلاحظ برجله في الموتور نتيجه ان الصباب مش بيقفل كويس وهتلاقي جزء من العادم ده خارج من فتحه الزيت فوق (ريحته مميزه)
-لو الصوت تك تك تك تك وبيبقي ملحوظ اكتر الصبح يبقي كوستبانات او دلايل صبابات
-في اي حال من الاحوال ماتفتحش الموتور ماتحضرش العفريت

المشاركة الأصلية كتبت بواسطة alnmr79

كلامكم بالظبط زى ما قالى الميكانيكى.
هو كاداء العربية الحمد لله كويسة فى استهلاك البنزين والماتور معرق ومافيش ريحة جاية من الماتور.
بس الصوت فى الهدوء عامل زى صوت التاكيهات بتاع العربيات الديزل واللادا بس على خفيف.
بس انا بحب الصوت الناعم.
مافيش حركة ممكن اعملها تغير الصوت دة زى مثلا تغيير نوع الزيت لنوع تقيل وبعدين اغير لنوع خفيف.او اضافات للماتور من المنتجات الجديدة دى اللى بنشوفها فى اون زا رن وكارفور؟
ماليش دعوة انا عايز الصوت دة يختفى ب500 جنيه اتصرفو بقى.............................

فاكر يافادي لما اتكلمنا على الموضوع دا والناس بتوصفه الصوت ب الـ...تكتكه او خبط سريع
بس هو فعلا بتحس فجأه ان المكنه البنزين قلبت جاز وكان تحليله دلايل الصبابات والكسبانات
ممكن اعرف اللي يعمل او يخلي العيب دا موجود (اسبابه) ؟
لانه بلاحظ انتشاره اكتر في المواتير الالماني .. ليه ؟ ممكن تكون دي ميزه
وتكلفتها كام للفكترا اللي مع الاستاذ؟

**فادى محمد** · 07-10-2012 10:31 AM

المشاركة الأصلية كتبت بواسطة mbx4e

فاكر يافادي لما اتكلمنا على الموضوع دا والناس بتوصفه الصوت ب الـ...تكتكه او خبط سريع
بس هو فعلا بتحس فجأه ان المكنه البنزين قلبت جاز وكان تحليله دلايل الصبابات والكسبانات
ممكن اعرف اللي يعمل او يخلي العيب دا موجود (اسبابه) ؟
لانه بلاحظ انتشاره اكتر في المواتير الالماني .. ليه ؟ ممكن تكون دي ميزه
وتكلفتها كام للفكترا اللي مع الاستاذ؟

ازيك ياباشا..فاكر طبعا
-اللي بيبوظ الكوستبان حاجه من 3
اما زيت الموتور بيقعد فترات اكتر من الطبيعي وبيسد فتحه تغذيه الكوستبان
او تعرض الموتور لحراره شديده جدا ادت لفقدان زيت او عدم قدرته علي التزييت
او يكون عمره انتهي بالاستخدام لان جواه سوسته وبتتعرض علطول للانضغاط والانبساط
-اللي بيبوظ الدلايل هو الاستخدام لانها بتتعرض فقط للتاكل من فوق
- اي عربيه يها كوستبانات معرضه للصوت ده لما تبوظ الفرق بس الظاهري بين المواتير الالماني والياباني ان الاولي خشنه ,مواتير عزم اما الياباني فناعمه ,مواتير سرعه تقدر تشبههم بالثور مقابل الحصان
-الكوستبان تمنه 60ج جديد استيراد 25ج كذلك تمن الدليل
-اما تركيبهم فبالكتير قوي 100ج عدلا لانه بيفك سير الكاتينه ووش التاكيهات وبيت الكامه

**فادى محمد** · 07-10-2012 06:01 PM

المشاركة الأصلية كتبت بواسطة alnmr79

بازن الله هعملهم بس بعد ما خلص الحاجات المهمة.
غيرت العفشة الامامى (ميزان كامل استيراد نوع مايلى وساكس)
غيرت عقربة الفتيس لانها كانت متركبة غلط من صاحبها والنتشة فى الفتيس خفت وهشوف هتحتاج تغيير الدسك والاسطوانة والا هتمشينى شوية.
بكرة ان شاء الله هروح للسمكرى عندى بارومة فى العتبة الخلفية ناحية اليمين واظبط الاكصدام الامامى وفروقات الكابوت والكشافات.وبعد كدة الدوكو والتلميع علشان شكلها يفوق.
بازن الله لو وقفت فى حاجة هكلم حضرتك على طول انا عارف انك مبتتاخرش على حد.
اخوك محمد نبيل (الاسكندرية)
اما الاخ اللى بيسال على السعر صعبب احدد سعر لان العربية الاستعمال حالة مش موديل يعنى ممكن تلاقى فيكترا بى معقولة بس محتاجة مصروف ب40 الف وواحدة تانية ب45 واخرى فابريكة جوه وبره بحالة الزيرو بتعدى ال60000 الف.الزيرو بس اللى سعرة ثابت

ع البركه ياباشا وتحت امرك في اي وقت

**mbx4e** · 07-10-2012 11:06 PM

المشاركة الأصلية كتبت بواسطة hellboy

ازيك ياباشا..فاكر طبعا
-اللي بيبوظ الكوستبان حاجه من 3
اما زيت الموتور بيقعد فترات اكتر من الطبيعي وبيسد فتحه تغذيه الكوستبان
او تعرض الموتور لحراره شديده جدا ادت لفقدان زيت او عدم قدرته علي التزييت
او يكون عمره انتهي بالاستخدام لان جواه سوسته وبتتعرض علطول للانضغاط والانبساط
-اللي بيبوظ الدلايل هو الاستخدام لانها بتتعرض فقط للتاكل من فوق
- اي عربيه يها كوستبانات معرضه للصوت ده لما تبوظ الفرق بس الظاهري بين المواتير الالماني والياباني ان الاولي خشنه ,مواتير عزم اما الياباني فناعمه ,مواتير سرعه تقدر تشبههم بالثور مقابل الحصان
-الكوستبان تمنه 60ج جديد استيراد 25ج كذلك تمن الدليل
-اما تركيبهم فبالكتير قوي 100ج عدلا لانه بيفك سير الكاتينه ووش التاكيهات وبيت الكامه

تسلم يافادي باشا عالرد دايما محرجني بذوقك
ربنا يزيدك علم

**فادى محمد** · 07-10-2012 11:50 PM

المشاركة الأصلية كتبت بواسطة hamdy916

انا عندى نفس الممشكله وهتجننى بتظهر بس الصبح والعربية بارده بسمع صوت تكتكه وساعات مبيطلعش الصوت خالص بجد هتجننى وروحت لكذا واحد الى يقولى هتلها ماتور احسن والى يقولى نفتح الموتور ونشوف بجد مش عارف اعمل ايه

موتور جديد!!!!!
خليها تتكتك ماتاخدش بالك منها مايعملش حاجه
لما تجيب اخرها خالص افتح غير الكوستبانات

**tananybasha** · 12-10-2012 11:36 PM

المشاركة الأصلية كتبت بواسطة alnmr79

غيرت طرمبة المياه ماركة هيبو صناعة المانى عاملة 185 جنيه وسير كونتنتال علبه صفراء صناعة ميكسيكى 85 جنيه.
كنت جايب طرمبه شكلها نضيف قوى ماركة فيبى بلاشتين اتحاد اوربى بس الميكانيكى خلانى اغيرها لانها لما بتركب بتجيب مايه من عند المروحة.
الصوت خغ شويه بس صوت الخبطة لسه موجودة الميكانيكى قالى دة صوت بنز نتيجة ان العربية دى سخنت من صاحبها الاولانى.

الطرمبة ماشى
السير لأ
هيتقطع منك
و هتقول
قولنا الف مرة الكونتينتال لألألألألألألألألألألألأل ألألألألألألألأ

**فادى محمد** · 13-10-2012 11:04 AM

المشاركة الأصلية كتبت بواسطة tananybasha

الطرمبة ماشى
السير لأ
هيتقطع منك
و هتقول
قولنا الف مرة الكونتينتال لألألألألألألألألألألألأل ألألألألألألألأ

انا لسه شايل السير ده من عربيتي من 4 ايام وركبت ليمفورد الماني
الكونتيننتال ده ركب في العربيه 37 الف كم ومكسيكي برده
الحقيقه طالع زيرو بحالته وخامته محمله تحس انه خيش علي كاوتش
بس في حاجه كانت مضايقاني منه من اول ماركبته وهي انه في صوت تحميل كده غريب شويه
طالع منه ده لانه ناشف او محمل كنت خايف علي بليه الشداد بس الحمد لله ربنا ستر والبليه سليمه والسير طالع سليم برده بعد 37 الف كم برغم كده مانصحش حد يركبه ..احسن الانواع
(جايتس) انجليزي-(ليمفورد) الماني-(فيكتور رينز) الماني-(جلاسير) اسباني