عرض للطباعة
السلام عليكم
انا الحمد لله جبت ميجان 2006 و الحمد لله مش عارف اي حاجه في فنياتها فكنت عايز اعرف ايه افضل زيت موتور و باور و فرامل و سير التقسيمه ايه انواعه و بكام.... و انا لاحظت ان الكفر بتاع العجل الشمال قدام حالته مش ولابد فكنت عايز اغيره .. اجيبه جديد ولا استعمال خارج و اسعاره ايه اخبارها و لو في حد ممكن يزود في الحاجات الاساسيه اللي تتغير ياريت يدلني
و شكرا ليكم
الف مبروك عليك
حالتها ايه وجبتها بكام وهيا اى فئه ؟؟
واظن ان حضرتك مش مصرى او كنت قاعد بره مصر صح ؟؟
ألف مبروك على العربية الجميلة ربنا يحافظلك عليهااقتباس:
المشاركة الأصلية كتبت بواسطة dedo_ryo
هو رينو بتوصى فى مصر بزيت توتال كوارتز 9000 ودا بيمشى 10000 كيلو وبيتغير وهو زيت تخليقى
ودا زيت المحرك طبعا فيه أنواع تانية كتير كويسة مش شرط تستخدم توتال
زى شل وموبيل فالوفولين وكاسترول وليكوى مولى
بالنسبة لزيت الفرامل نفس الكلام أحتمال كبير بيبقى توتال هو dot 4 وممكن تستخدم أى منتج لشركة تانى غير توتال
العربية دريكسيونها باور كهربائى وليس زيت
السيور ممكن تجيبها من التوكيل سير الكاتينة بكل مشتملاته من بلية ثابتة ومتحركة فى التوكيل فى حدود 600 أو أكثر بحاجات بسيطة على ما أتذكر برا بيبقى أرخص بيتغير كل 60 ألف كيلو ومعاه سير الدينامو بالمرة أعرف إن دايكو ماركة كويسة فى السيور لازم يكون واحد متخصص وغير السيور قبل كدا عشان ميبوظش الدنيا
ممكن تجيب الطاسة استيراد أفضل هتبقى رخيصة
طبعا مياه الرادياتير بتتغير عند 60 ألف كيلو
ولو التكييف محتاج شحن فريون وزيت فريون
الف شكر للمعلومات القيمه دي و ليا سؤاال تاني انا اقصد الكفر الاسود اللي قافل بين الرفرف و العجل اللي فيه طبه كده لتغير لمبه الفانوس الامامي ..... و ربنا يجعله في ميزان حسناتكاقتباس:
المشاركة الأصلية كتبت بواسطة mohammedaladel
إنت قصدك على كرتيرة العجل أنا فكيتها قبل كدا هى حتة فبر
إيه اللى حصل فيها عندك ؟؟؟؟؟ لأنها لو مشروخة ممكن تلزقها عادى ولو مفكوكة ممكن تثبتها تانى عادى
الطبه اللي فيها مش موجوده و حالتها مش قوي هي تقريبا ملحومه قبل كده و شكلها مش عاجبني فهل هي متوفره ولا امشي بيها كده انا بس خايف العجل يرمي من مكان الطبه ميه في الشتا ولا حاجه تعمل مشاكل و ياريت طريقه حلها و حل كفر الموتور الفضي
الغطاء الفضى مش عندى فى عربيتى بس هو غالبا ليه أربع أو خمس مسامير بيتفكوا عادى
بالنسبة للكارتيرة معرفش سعرها كام بس هى مش هتبقى غالية إن شاء الله
بالنسبة للفتحة اللى فى الكارتيرة ممكن تحط حتة كارتون وتزنقها وهتوفى بالغرض إن شاء الله إنها تمنع المياه والطين والتراب من إنه يدخل وراها
الكارتيرة بالطبة بحدود ٧٠ -٩٠ جنيه في صقر و أنصحك انك تركبها علشان المياه و لو حبيت تغسل العربية ما فيش حاجة تبوظ الكمبيوتر الأمامي
و الف مبرووووك :vctry:
الكارتيره فى حدود 75 - 100 جم
ياريت لو حد يقولنا علبه البيئه بكام ؟
الكرتيره نصفين الواحده ب75 والطبه لو لوحدها ب30 وهى مهمه ولازم تركب خصوصا شمال (ناحيه السواق) ويا ريت معلومات عن علبه البيئه الاستيراد وانا كنت سألت عن الاكصداف والرفرف الامامى سعرهم استيراد والحريفين ولا صقر قريش ارخص مع الشكر
غطاء الموتور الفضى بيركب ضغط.......هو ليه 4 أرجل بلاستيك......بس لو هتشيله خللى بالك علشان الأرجل البلاستيك ممكن تتكسر منك.
A control unit is in front of elkartera deh . so change it urgently
طيب شويه اسئله تاني الكنترول اللي تحت الاكصدام ده ايه و اللي جنب البطاريه ده لايه و اللي سمعت انه في الشنطه برضه لو موجود لايه ........ و ايه هي علبه البيئه دي انا اصلي جديد في الرينو
الى تحت الأطصدام ده تقريبا بتاع ال abs مش متاكد الي جنب البطارية ده علبة الفيوزات وتقربيا مفيش فى الشنطة حاجه علبة البيئة جزء من الشكمان وبتأثر على صوت الماتور وغاليه يستحسن تشوفها أستراد
من الزمن الجميل http://www.nilemotors.net/Nile/53380-ii.html
الف شكر لحضراتكم كلكم على المجهود و المساعده ..... أنا من الاسكندريه و للاسف الميجان هنا من المحظورات ده حتي في قطع الغيار بتعامل معاك على انك جاي واقع انا زي ما سألت حضراتكم علي كفر العجل يعمل كام و نزلت اجيبه من هنا لقيته بيقولي الكافر للعجله الواحده جزئين .. قلتله علي بعضه يعمل كام قالي استعمال خارج يعمل 250 جنيه و بعد الفصال وصل 200 جنيه و الجديد كامل ب 175 جنيه بس هو نفسه مش عارف ده اسمه ايه ولا بلده ايه قالي اهو كفر و خلاص فأنا عايز اعرف اسعار الحاجات دي في القاهره علشان لو اقل بيقي انزل القاهره افضل و احسن و شكرا لحضراتكم تاني
غريبه مع انها بلد الميجان!!!!!!!!!!!!!!!!!!!!!!اقتباس:
المشاركة الأصلية كتبت بواسطة dedo_ryo
لو هي بلد الميجان زي ما حضرتك بتقول قولي في كام مركز خدمه محترم ... و لو حضرتك اخدت عربيتك و روحت بيها السوق و حالتها فوق الممتازه هتسمع فيها كام و قطع الغيار سواء استعمال او جديد اسعارهااقتباس:
المشاركة الأصلية كتبت بواسطة hossam_elwani
عاليه ..... انا كان معايا بيجو 307 Sw قبلها و بالرغم من اللي بيتقال علي اسعار قطع البيجو بس متتقارنش بالميجان و الصنايعيه بتوع البيجو كتتتتتتتتتتتتتير انما الميجان يدوبك 3 او 4 و بيعاملوك معامله التوكيل لانه عارف انك لو معملتهاش عنده يبقى مفيش قدامك غير التوكيل تبقي دي بلد الميجان ؟؟؟؟؟؟؟؟
قصدك فوق الكارتيرة اليمين من عند العجلة ؟اقتباس:
المشاركة الأصلية كتبت بواسطة dedo_ryo
لو ده قصدك يبقى كنترول ال ABS
فيه واحد تاني بيبقى تقريباً فى أخر حوض العربية....ورا العجلة اليمين قدام و ده خاص بالأيرباجز وال PRETENSIONERS بتاعة أحزمة الأمان......بص على الصورتين دول.
ده بتاع ال ABS
http://www.nileup.com/uploads/13494706482.jpg
و ده بتاع الأيرباج
http://www.nileup.com/uploads/13494706481.jpg
نسيت أقولك الشنطة مفيهاش حاجة على حد علمي......
علبة البيئة دى موجودة فى كل السيارات الحديثة ووظيفتها تقليل أنبعاثات الغازات الضارة اللى بتطلع مع العادم.
أنصحك تجيبها إستيراد...........بس مش فاكر سعرها.
تمام حضرتك بس في واحد تاني تحت الفانوس الشمال قدام الكرتيره حضرتك هو في علبه بلاستيك تحت الاكصدام من ناحيه الشمالاقتباس:
المشاركة الأصلية كتبت بواسطة Ahmed A.Maksoud
و ياريت لواعرف مكان الايرباج اللي تحت الكراسي و طريقه فك الكرسي لاني عايز اركب كسوه للفرش علشان احافظ عليه فهل في خطر ان الاير باج يضرب و انا فعلا ممنون لحضرتك و نفسي اقدر ارد جزء من جمايل حضرتك يا استاذ Ahmed A.Maksoud و الاستاذ mohammedaladel و كل الاخوه اللي ساعدوني في الموضوع و شكرا ليكم تاني
و محتاج اعرف رقم الشاسي و رقم الموتور بيبقوا فين علشان التسجيل و الفحص لان الفني اللي هناك علطول يكسر اي حاجه فبر ويقولك معلش يا باشا حصل خير و الواحد من الخنقه والضيق يبقى هيطق ..... فمعلش علشان اعرف بس لو في فوقيهم حاجه فبر افكها قبل ما اروح و جزاكم الله خير
هل ده اللى قصدك عليه ؟؟اقتباس:
المشاركة الأصلية كتبت بواسطة dedo_ryo
http://www.nileup.com/uploads/13495235481.jpg
أنا عارف أسمه بس مش عارف وظيفته بصراحة......
مفيش ايرباج تحت الكراسي.........فيه فيشة أيرباج تحت كرسي السواق.
موضوع فك الكراسي أنا معملتوش قبل كده............بس أنصحك تروح لحد كويس بتاع فرش علشان الكراسي فيها أجزاء فيبر كتير فى الجوانب من تحت.........علشان بس محدش يكسرها.
و يا فندم لا شكر على واجب أحنا كلنا أخوات هنا و بنحاول نفيد و نستفيد من بعض.
أسمه LPG computer
تقريباً هو المسؤول عن ال trip computer اللى جوة العربية اللى بيطلعلك أستهلاك البنزين و خلافه.
بس مش متأكد.
انا بتكلم من حيث الانتشاراقتباس:
المشاركة الأصلية كتبت بواسطة dedo_ryo
الميجان منتشره جدا فى اسكندريه
وعلى فكره اسعار الميجان اغلى من القاهره حوالى 5000
وده من خلال احتكاكى فى السوق وكمان كلمه قالهالى واحد تاجر من القاهره قالى العجل عندكم غالى وحبايبى فى اسكندريه بيجو ياخدو ميجان من عندى عشان يبيعوه فى اسكندريه عشان السوق عندكم عالى
تقريبا 1500 جندى مصرىاقتباس:
المشاركة الأصلية كتبت بواسطة ahmed a.maksoud
بس كنت عايز اعرف يا استاذ احمد ايه الاعراض الواضحه لتلف علبة البيئه
غالباً لمبة ال check engine بتنور
السحب بيتكتم......و ممكن تلاقى سخونة زيادة حسب درجة الأنسداد اللى فيها.
الحمد لله ...... انه في يوم 6 اكتوبر خلصت من اكبر مشاكلي و هو شراء الكفر " الكارتيره" .. عمل النص الامامي 100 جنيه جديد بالطبه والحمد لله و تم تغيير الزيت و يارب يطلع كويس لاحسن انا خلااااااص
فاضلي اني اسجل و افحص و يااااا رب عدي اليوم ده لان ده من اصعب الايام في حياتي و لو حد يفيدني بمكان رقم الشاسيه و مكان رقم الموتور اللي بياخد بصمتهم على ورق الفحص يبقىجزاه الله خير عني وشكرا ليكم كمان مره
ربنا يعينكاقتباس:
المشاركة الأصلية كتبت بواسطة dedo_ryo
و يعين الجميع على اليوم العصيب ده ...... ده يوم ربنا ما يوريه لحد غير كل 3 سنين مره ولو عملو تجديد و فحص اطول انا موافقاقتباس:
المشاركة الأصلية كتبت بواسطة hossam_elwani
بالنسبة للسؤال بتاع رقم الشاسيه والمحرك السؤال دا كان فى بالى من فترة ونسيت أسأله
رقم الشاسيه بيبقى موجود أسفل شمال الزجاج الأمامى وعلى يمين الزجاج بيبقى فيه حتة تكت ملزوق برضه مكتوب عليه رقم الشاسيه
وعلى القايم اليمين للباب الأمامى من تحت ملزوق ورقة برضه عليها رقم الشاسيه من تحت
http://www.nileup.com/uploads/13497729391.jpg
بالنسبة للرقم مطبوع فين على الشاسيه معرفش بس هدور وأعرفه إن شاء الله
بالنسبة لرقم الموتور دورت و لقيته الحمد لله بيبقى موجود فوق مقاس الزيت الموتور عندى مليان تراب من برا جبت حتة قماش ومسحت لحد ما اكتشفت الرقم موجود فوق مؤشر مقاس الزيت وهو أربع أرقام