اقتباس المشاركة الأصلية كتبت بواسطة dedo_ryo مشاهدة المشاركة
السلام عليكم
انا الحمد لله جبت ميجان 2006 و الحمد لله مش عارف اي حاجه في فنياتها فكنت عايز اعرف ايه افضل زيت موتور و باور و فرامل و سير التقسيمه ايه انواعه و بكام.... و انا لاحظت ان الكفر بتاع العجل الشمال قدام حالته مش ولابد فكنت عايز اغيره .. اجيبه جديد ولا استعمال خارج و اسعاره ايه اخبارها و لو في حد ممكن يزود في الحاجات الاساسيه اللي تتغير ياريت يدلني
و شكرا ليكم
ألف مبروك على العربية الجميلة ربنا يحافظلك عليها

هو رينو بتوصى فى مصر بزيت توتال كوارتز 9000 ودا بيمشى 10000 كيلو وبيتغير وهو زيت تخليقى
ودا زيت المحرك طبعا فيه أنواع تانية كتير كويسة مش شرط تستخدم توتال
زى شل وموبيل فالوفولين وكاسترول وليكوى مولى

بالنسبة لزيت الفرامل نفس الكلام أحتمال كبير بيبقى توتال هو dot 4 وممكن تستخدم أى منتج لشركة تانى غير توتال

العربية دريكسيونها باور كهربائى وليس زيت

السيور ممكن تجيبها من التوكيل سير الكاتينة بكل مشتملاته من بلية ثابتة ومتحركة فى التوكيل فى حدود 600 أو أكثر بحاجات بسيطة على ما أتذكر برا بيبقى أرخص بيتغير كل 60 ألف كيلو ومعاه سير الدينامو بالمرة أعرف إن دايكو ماركة كويسة فى السيور لازم يكون واحد متخصص وغير السيور قبل كدا عشان ميبوظش الدنيا
ممكن تجيب الطاسة استيراد أفضل هتبقى رخيصة


طبعا مياه الرادياتير بتتغير عند 60 ألف كيلو

ولو التكييف محتاج شحن فريون وزيت فريون