أعلان بيو فيت بتاع نورا السباعى كدب فى كدب

**MaNoLa** · 04-10-2012 12:20 PM

طبعا أنا مش بحب أتفرج على التليفزيون خالص بسبب الأعلانات
و لما بتفرج على التليفزيون بشوف كام قناه كدة معينين عشان مش بييجى فيهم أعلانات كتيرة
و بالأخص قنوات الأخبار
من كام يوم كدة كنت قريت على النت أن نورا السباعى دى عملت عملية أسمها تدبيس معدة
و دى طبعا إلى خلتها رفيعة بالمنظر دة

لكن بطبيعة الحال و الفراغ حبيت أشوف كل القنوات و لقيت نورا السباعى و ركزت جدا فى أول ظهور لها أتارى نورا السباعى عاملة أعلان لمنتجات زى شاى دكتور مينج الصينى و الكلام الأهبل دة بس المرة دى أسمها بيو فيت و جه فى دماغى كدة ماهو أى واحد هيحط جنزبيل على كمون على قرفة على عرقسوس هيبقى بيساعد على التخسيس و كلها حاجات طبيعية و مش هتتعب

لكن اتأكدت من الموضوع دة إنهاردة لما لقيت الحكومة قبضت على صاحب الفكرة القذرة دى

و دة بيأكدلى أن الشعب المصرى بيمشى بمبدأ
.................................................. ..*

و على فكرة أنا حتى الأن مش مصدقه أن ممكن واحد يشوف أعلان و يمسك الموبايل و يتصل
دا يبقى بصراحة كلمة مينفعش أقولها

بصوا الفيديو دة
‫أعلان بيو فيت لنورا السباعى كدب ونصب بالدليل‬&lrm; - YouTube

أية رأيكم فى التجارة فى مصر !!!

العضوة الفاضلة......الرجاء عدم ذكر مثل هذه الأمثلة لأن الرزق على الله.

م ع 3

**w-m-a** · 04-10-2012 12:30 PM

رجاء تعديل العنوان وعدم اللجوء لهذا المثل لأن الرزق على الله تعالى
شكرا لحضرتك

**eng.m7md.ali** · 04-10-2012 12:30 PM

هيا ممكن يكون ملهاش علاقة بالنصباية دي وطلبوها بس عشان تعمل اعلان

**أبو صلاح** · 04-10-2012 01:08 PM

انا لما شفت الاعلان ده استغربت ازاي هي حست بالشكل ده

لكن اكيد مصدقتش ان بيو فيت ده هو اللي خسسها
وحاولت اوصل لاي معلومة ازاي هي خست كده معرفتش

**OMAR61995** · 04-10-2012 01:53 PM

فى ناس صدقوا و اشتروه
و لقوا الكبسولات فيها كمون

**m_adeleid** · 04-10-2012 02:03 PM

المهم ان كل واحد بينقد تصرفات الاخرين بمنتهي الشده ولكن لما تيجي علي تصرفاته بيلاقي الف حجه
في رأيي اكتر من95% من مواطني المحروسه يا اما كداب او معندوش ضمير او اخلاق

**benmatar** · 04-10-2012 02:47 PM

المشاركة الأصلية كتبت بواسطة w-m-a

رجاء تعديل العنوان وعدم اللجوء لهذا المثل لأن الرزق على الله تعالى
شكرا لحضرتك

+++++++++++++++++++++++++1

**S O P H O S** · 04-10-2012 02:57 PM

بالتاكيد انه مش حقيقي
مجرد سياسة اعلان لخداع المشتري ..

**A7MED_PHARMA** · 04-10-2012 03:27 PM

الاعلانات دي بتعتمد على بيع وش القفص
بمعنى
فئة من الناس عندها السكر .. وتعبانة جدا في حياتها
ينزل إعلان كبيررررررررررر .. ويجيبو دكاترة يأكدو إن ده العلاج الشافي المعافي النهائي من السكــر
الناس تجرب من باب إنه يمكن يكون صحيح .. ويكون العلاج فيه الشفاء
تتباع 100.000 عبوة
يعملو سبوبة جامدة جداااا ------>الناس تكتشف ان المنتج أي كلام------> يبطلو يشتروه
يقومو عاملين منتج تاني للتخسيس------> الناس تشتري وتجرب------->يتباع 100.000 عبوة ------> يعملو سبوبة جامدة-------> الناس تكتشف ان المنتج أي كلام ويبطلو يشتروه

يقومو عاملين منتج تاني
الاصقة السحرية لعلاج كل حاجة
الناس تشتري ----> يتباع 100.000 عبوة -------> يتعمل من وراها سبوبة جامدة--------> الناس تكتشف انه اي كلام ويبطلو يشتروه

يقومو عاملين منتج تاني
إلخ
إلخ

وهما الي كسبانين كل مرة

لدرجة اني مرة أخدت بالي من ان الرقم واحد
يعني كان جه مرة إعلان لتقسيط أي حاجة .... سجلت الرقم
وشوية لقيت اعلان للاصقة السحرية تقريبا .. ولقيت هو هو نفس الرقم

دي شبكة كبيرة هدفها النصب المتغير
انصب عليه في حاجة ..او مايكشفها.. غيرها وانصب عليه في حاجة تانية .. اول مايكتشفها.. انصب عليه في حاجة تالتة

وأنا عندي قناعة
ان الشركات دي شغالة على ستات البيوت الفاضيين الي ماعندهمش عقل.. وقاعدين قدام التليفزيون ماسكين الموبايل وبيتصلو

ولاحول ولاقوة الا بالله

-

الموضوع: أعلان بيو فيت بتاع نورا السباعى كدب فى كدب

LinkBack

أدوات الموضوع

عرض

أعلان بيو فيت بتاع نورا السباعى كدب فى كدب - انشر الموضوع فى :

-

-

-

-

المواضيع المتشابهه

يسري فودة : .. بتهمة الغباء السياسى ( عن السباعى نتحدث )

مقالات يوسف السباعى (مش لاقيها)

إيه رأيكوا فى أعلان الأوبترا الجديد(بتاع أحمد حلمى ومنى زكى)

انا جيييييييييت (ابو نورا) :lol:

الكلمات الدلالية لهذا الموضوع

المفضلات

المفضلات

ضوابط المشاركة