عربيتى هيجيلها فلتر هواء كادو بسبب ال (sir) ^ــ^

**horas3000** · 07-10-2012 06:17 PM

المشاركة الأصلية كتبت بواسطة abo-berry

باشا لو انت متابع من اول الموضوع هتعرف احنا بنحكى فى ايه
الموضوع اصلا sir vs. Shark راح هو مدخل ال evo رحنا مدخلين عربيات هوندا , وهو مش موضوع مقارنه ولا حاجه
وبخصوص المعلومات الحمد لله مبنقلش اى كلام فى اى اتجاه, وعارفين احنا بنتكلم فى ايه

يا باشا انا متابع الموضوع من اوله و عارف كويس بتتكلموا عن ايه
و انا اللي مدخل الايفو في الموضوع و شرحت بعدها انا مدخلها ليه

و محمد علام باشا هو اللي نقدر نقول ابتدا المقارنه لما جاب سيره عربيات هوندا الجامده (الحيواناااات حسب وصفه) و انا رديت عليه

و يا باشا فوق كل ذي علم عليم
و بكلامي عن مراجعه معلوماتكم انكم تخشوا تتاكدوا من فروقات القوه و الامكانيات بين العربيات و اللي هتاكد كلام

و اخيرا احنا بنتناقش و بنسلي وقتنا
فميش داعي للقفش و الاسلوب الهجومي لانه مش هيوصلنا لحاجه

سلام

**horas3000** · 07-10-2012 08:50 PM

المشاركة الأصلية كتبت بواسطة ahmedeihab

ايه يا عم حورس

هو فين الاسلوب القفش و الهجومى اللى حضرتك بتتكلم عليه ده

حضرتك دخلت ايفو

احنا دخلنالك s2000

و لعلمك ال S2000 تطلع من الايفو

اه هى دفع خلفى و التانيه رباعى

ال s2000 247 bhp

ال evo تبدأ من 274 حصان

الوزن هنا بيحكم

و اداء الرباعى هيقل عن أداء الخلفى

معايا انت فى النقطه دى ولا لاء

و بعدين ادى الاسلوب و المعلومات و بكل شياكه :

D:D:D

فين بقا الهجوميه اللى حضرتك بتتكلم عليها

^_^

يعني انت شايف الجمله دي اسلوبها ايه بالظبط

المشاركة الأصلية كتبت بواسطة abo-berry

وبخصوص المعلومات الحمد لله مبنقلش اى كلام فى اى اتجاه, وعارفين احنا بنتكلم فى ايه

و ال s2000 انا دورت و لقيت ان قوتها بتتراوح من 237 حصان ل 247 حسب السوق و الاقوي كانت للسوق الياباني بس
و وزنها 1299 كيلو و عزم 221 نيوتن لاقوي موديل

الايفو بقي ابتدت ب 244 حصان في اول جيل منها و ده كان 1240 كيلو و عزم 309و انتهت ب 400 حصان في اخر جيل و ده بقي 1600 كيلو و عزم 542

فلازم تحدد انهي ايفو اللي ال s2000 هتطلع منها
و عشان نسهل الامور ال s2000 نزلت في 1999 و وقفت في 2010
يعني الايفو اللي قصادها هيبقي ال evo 6 و دي 276 حصان و 1360 كيلو و عزم 373 لغايه ال evo 10 و ده العاديه منها 290 حصان و وزنها 1420 كيلو و عزم 422 نيوتن

يعني زي ما انت شايف ارقام الاداء كلها لصالح الايفو حتي مع فرق الوزن
و علي فكره الدفع الرباعي بيحسن الانطلاق من 0-100 لان مفيش wheel spin تقريبا

و لو خدنا ارقام التسارع ال s2000 بتجيب ال 100 في 5.4 لاسرع موديل
و الايفو 6 بتعمل نفس الناوره في 5 ثواني بس
و طبعا الايفو 10 بتعملها في 4.4 ثانيه

يعني كل الارقام في صالح الايفو

**SAMEH_FOUAD** · 07-10-2012 11:38 PM

المشاركة الأصلية كتبت بواسطة horas3000

هههههه ايه يا رجاله
كلكوا عليا و لا ايه

ال nsx تطلع بره لانها تقريبا سوبر كار و ملناش دعوه بيها

و الايفو تطلع من ال s2000 و ال type r مستريح قوي
لكن ال rr هتتعبها شويه لكن مش هتعديها
و اصلا ان جيتوا للحق هما صعب يتقارنو ببعض و معتقدش ان حد عمل كده لاختلاف انظمه الدفع ما بينهم
ال s دفع خلفي و السيفيك امامي بينما الايفو awd

راجعوا معلوماتكوا كده و انتم تتاكدوا

ال s2000 قوتها 280 حصان دفع خلفى

حضرتك متخيل 250 حصان على وزن عربية زى دية وتكون فى قمة الثبات والقوة والروعة وكل حاجة

ونورت القسم ياباشا

**horas3000** · 08-10-2012 12:36 AM

المشاركة الأصلية كتبت بواسطة semsem kane

ال s2000 قوتها 280 حصان دفع خلفى

حضرتك متخيل 250 حصان على وزن عربية زى دية وتكون فى قمة الثبات والقوة والروعة وكل حاجة

ونورت القسم ياباشا

منور بصحابه يا باشا
بس انا خلال بحثي مشفتش 280 ده خالص

و انا مش بقلل منها و عارف العربية كويس
كفايه انها اول عربيه انتاج تجاري بتجيب ال 9000 rpm بالمستريح
و كان في واحده معدله في جراج الشغل بتاعي تيربو و دلع
و صاحبها كان بيشارك في ال gulf run مع وحوش
و شفتها بتجري مره ما شاء الله وحش

بس الاستوك قدام الايفو معتقدش انها تسد حتي مع وزنها الخفيف ده

و هو ان جيت للحق المنافسه بينهم غير عادله اصلا
دول فئتين مختلفتين شكلا و موضوعا

و لو تقدر تنقل لنا النقاش بتاعنا ده في موضوع منفصل يبقي احسن
لاننا اقتحمنا موضوع الراجل و اهو بالمره اعضاء تانين يدخلوا و يشاركونا
و بالمناسبه دي احب اتاسف لصاحب الموضوع علي الخروج عن نطاق الموضوع الاصلي

**bmya** · 08-10-2012 12:56 AM

يا جماعه انتم شايفين ان دي شده عادله اصلا !!!
ده واحد مش عارف انها sir عشان كده اتعلم عليه وش لكن لو كانت سيفيك عاديه اكيد كان هيبقى في لام تاني

**horas3000** · 08-10-2012 11:24 AM

المشاركة الأصلية كتبت بواسطة M_Nabil

الكلام ده زى الفل يا أستاذ شريف واضح انك مذاكر كويس

بلا شك الايفو تتفوق في الأداء والتسارع هيا و الـ STi على S2K ده في حالة العربيات استوك من المصنع في زيادة في الهورس باور تقريباً 35 الى 40 حصان لصالحهم بالاضافة انهم بشواحن تربو مش تنفس طبيعى ده غير انهم AWD بالتالى الانطلاق بتاعهم من الثبات احسن زى ما أنت ذكرت النقطة دى، لكن فارق التسارع مش كبير بينها وبين الايفو وده من زمن الربع ميل للسيارتين وخلافة في حين الهوندا تتفوق على الايفو في الثبات في الملفات و برضه مش بفارق كبير

اما في حالة التعديلات يبقى لينا كلام تانى

تحياتى

تسلم يا باشا
ما هو النت معمول عشان الواحد يدور علي الحاجه و يتاكد منها
اصل انا بصراحه من عشاق الايفو و كنت بفكر جديا اجيب ال 10 في يوم من الايام بس محصلش نصيب

طبعا كلامك 100% و معلهوش تعليق
لان زي ما قلت الايفو و ال s2000 عربيتين مختلفين شكلا و موضوعا و حضرتك تكرمت و وضحت الفروقات دي

تعليقي الوحيد علي نقطه تفوق الهوندا علي الايفو في الثبات
حتي مع انك قلت انه فرق طفيف بس برضه
ده من اهم مميزات الدفع الرباعي هو الثبات علي الملفات فمعتقدش ان دي نقطه في صالح الهوندا
ده كل الريفيوهات بيشيدوا بثبات الايفو الخرافي
ده حتي توب جير قارنوها بلامبو مورشيلاجو في حلقه من الحلقات و ثبات الايفو خلاها تقول مع اللامبو

الحاجه الوحيده اللي تتفوق فيها ال s2000 وده اللي اجتمع عليه كل اللي جربوها هو انها
More fun to drive

**bmya** · 08-10-2012 03:46 PM

المشاركة الأصلية كتبت بواسطة lanos2004

الشارك اصلا مش عربيه جرى---وواحد من قسم متسوبيشى كان هيجننى وبيقول انه جاب بيها 240 وهيه لو وصلت 190 يتعمل ليها فرح

يعني هي السيفيك الاستوك العاديه خالص هي اللي بتاعت جري

-

-

الموضوع: عربيتى هيجيلها فلتر هواء كادو بسبب ال (sir) ^ــ^

LinkBack

أدوات الموضوع

عرض

-

-

-

-

-

المواضيع المتشابهه

فلتر هواء لانوس

عروض هيونداي : فلتر هواء و فلتر زيت و كشف تكييف مجانا (15 يونيو الى 20 يوليو)

فلتر هواء جين 2

فلتر هواء

فلتر هواء و ماسورة

الكلمات الدلالية لهذا الموضوع

المفضلات

المفضلات

ضوابط المشاركة