ياريت بالشرح والصور طريقة ظبط الاسبراتير العاده ضرورى جدا وممكن لو سمحتم وانا عارف انكم ادها ضرورى جدا طريقة تغيير الابلاتين والكوندسر ومكانهم فين بالشرح والصور
وياريت فيديو.......واكون شاكر ليكم:Bravo::Bravo::Bravo:
ياريت بالشرح والصور طريقة ظبط الاسبراتير العاده ضرورى جدا وممكن لو سمحتم وانا عارف انكم ادها ضرورى جدا طريقة تغيير الابلاتين والكوندسر ومكانهم فين بالشرح والصور
وياريت فيديو.......واكون شاكر ليكم:Bravo::Bravo::Bravo:
أزيك يا احمد بيهاقتباس:
المشاركة الأصلية كتبت بواسطة ahmed_h_g
معلش حصل عند حضرتك التباس وخلط
هو بيسأل عن الأسبراتير وليس الكربراتير
الأسبراتير هو المسؤول عن توقيت الشرارة وليس الكربراتير المسؤول عن خلط الهواء بالبنزين
بص يا باشا
الأسبراتير الأول علشان تظبطه لازم تفهم وظيفته ودي هتسهلك كتير طريقة عمله
اولا بيسموه بالأنجليزي Distributor (موزع) وفعلا هو بيقوم بتوزيع الشرارة (بتاعة البوجيهات) طب ازاي ؟؟؟؟
فكرته بسيطة جدا
عندك عمود الكامات بيلف مع لفات الموتور بانتظام شديد جدا مع بساتم الموتور وسبب الظبطة دي هو سير الكاتينة اللي بيسموه الtiming (المؤقت او التوقيت) ودة علشان يظبط لفة عمود الكامة مع طلعة كل بستم ونزلة الأخر (اول وثالث طالع تاني ورابع نازل)
لحد كدة تمام
بيركب علي الأسبراتير كوباية بلاستيك خارج منها سلوك البوجيهات
تمام ؟
من داخل الكوباية هتلاقي اقطاب نحاسية
تمام؟
ومقابل للأقطاب الشاكوش
تمام؟
راكب علي الشاكوش طرف نحاس
تمام؟
مع لفة الكرنك بيلف الأسبراتير بيلف الشاكوش بيلمس طرف الشاكوش بأقطاب سلوك البوجيهات يقوم موزع الكهرباء بأنتظام شديد علي سلوك البوجيهات
وبردو بنفس الترتيب السابق ذكره (اول - ثالث - تاني - رابع)
علشان يدي كهربة للبوجيه يقوم عامل spark شرر - في نفس توقيت طلعة البستم يقوم الأحتراق الناتج مولد قوة تدفع البستم - وهكذا مع مع كل سلندر (4 بوجيه مقابل 4 سلندر مقابل 4 بستم مقابل 8 صباب - 2 لكل سلندر واحد بنزين والتاني للعادم)
كل دة انت ماظبطش - انت بس بتفهم الدنيا ماشية ازاي
امال اظبط ازاي ؟؟؟
عن طريق اللف (يمين ويسار او قدام وورا) علي حسب ركوبته
لما بتلف الأسبراتير انت بتقدم توقيت الشرر عن طلعة البستم او بتأخرها عن توقيت طلوع البستم
فالظبط في غاية الأهمية - لأنها لو مقدمة (تسبق الطلوع) هتدي شرر قبل البستم وبالتالي حصل احتراق قبل طلوع البستم فتلاقي العربية عالية وبتعمل صفع (بتسك او بتكتك لما تدوس بنزين)
ولو مأخرة (بعد طلوع البستم) هتحس بهدر وفقد في الطاقة والعربية واطية (يعني ار بي ام واطي او قليل) ومش بتسحب معاك
وعليه
هتلاقي انسب ظبطة هي لما الأر بي ام يكون عند عدد اللفات الطبيعية للعربية (بتختلف من عربية للأخري) خلينا نفترض انها 900 لفة في الدقيقة علي السلانسيه
يبقي هتظبط (هتلف) الأسبراتير لحد لما تلاقي الموتور داير مستقر (مش بيتهز) والأر بي ام عند 900
هتطلع تجرب - والله لقيتها مش بتسك (لما تدوس شوية علي الغيار او لو اديتها غيار اعلي بسيط من الغيار اللي محتاجاه وليكن تنقل 3 علي سرعة 30) وكمان لقيتها مش مكتومة او مخنوقة - يبقي انت كدة ظبطتها صح
وفي كل الأحوال - انسب ظبطه لما يكون الأسبراتير في منتصف مشواره بالظبط (علي الأقل في عربيات فولكس)
بالنسبة للأبلاتين والكوندنسر
الكوندنسر لو بسلكه - يبقي هتفك المسمار بتاع الأرضي وتفك مسمار الكوندنسر نفسه وتغيره
وهكذا في الأبلاتين
اسف علي الأطالة
بس كنت عايز اوضحلك فكرة شغله عشان تبقي بتظبط وانت عارف انت بتعمل ايه
تحياتي
تصدق فعلا" :oops2:
أسف عالخطأ :7_6_5v[1]:
يا سيدي تعيش و تغلط و غلطك جابلنا موضوع مفيد وجميل:S_thum1[1]:اقتباس:
المشاركة الأصلية كتبت بواسطة ahmed_h_g
ظبط الاسبيراتير العادة ببساطة حتلاقي حتة حديدة ماسكة العمود بتاع الاسبيراير انت حتهويها من الصامولة اللي ماسكة الحديدة دي بمفتاح 13 علي ما اتذكر وتظبط الاسبيراتير كانه حنفية بتفتحها علشان تزود كهربا او تقفلها لو عاوز تقلل الكهربا طبعا ده باللغة الدارجة باللغة العلمية انت بتظبط توقيت الشرارة ...... وبعد ما تخلص ظبط اربط الصامولة تاني كويس وتجرب العربية دورها واطفيها علشان تشوف لو فيها كهربا زيادة لو لقيتها تمام اطلع بالعربية وشوف سحبها كويس ولا لا و الموتور بيسقف و لا بقي مظبوط ... و علشان ما تتكهربش اعمل الكلام ده والعربية مطفية بس تكون العربية سخنة .... لو ما ظبطش الموضوع معاك عيد التجربة تاني لغاية ما تظبط معاك و خلي بالك الظبط بيبقي حاجة صغيرة خالص يدوب تلف عمود الاسبيراتير سنة او سنتين بس .....
مع ملاحظة لو سحب العربية ضعيف يبقي انت محتاج تزود كهربا ولو الموتور بيسقف معاك يبقي انت محتاج تقلل كهربا ........
بالنسبة للابلاتين و الكوندنسر للأسف ما اعرفش طريقتهم وما جربتش
انا بجد مبسوط قوى
منسقى سيات و بروتون جايين يساعدونا
ده شرف لينا
ربنا يقدرنا على رد الجميل
كل ده جميل ومتشكر على مجهودكم وانا بعمل ده بس ياريت يكون فيه شرح فيديو والطريقة ومكان الابلاتين والكونسدر وازاى اعرف ان الكهربا عاليه لان انا بحط 80 واكيد هتكركر مع كل الاحوال الا اذا قللت الكهربا اوى وانا مش عاوز كده عاوز دليل تانى ان كهربا العربية مظبوطة غير تسقيف المور
ده شكل الاسبراتير عندىhttp://www12.0zz0.com/2012/10/11/22/128283115.jpg
وده الاسبراتير والموبينةhttp://www12.0zz0.com/2012/10/11/22/590616878.jpg
ودى العلامة اللى انا معلمها غلشان تظبيط الكهربا بس دى مش مقياس الوقتى بس هل كده وضعة صحhttp://www12.0zz0.com/2012/10/11/22/440054935.jpg
عاوز اعرف حاجة كمان سلوك البوجيهات اللى راكبة دى بتاعت شاهين هل فية سلوك احسن حد مركبها للفكترا a بس مش الغالية ام 240 جند دى لو فية حاجة ارخص واحسن حد يقولى عليهم