زيت البارو الأصلى G002000 or G004000 m2 فين وبكام؟؟؟

**original** · 05-07-2008 06:12 PM

هوا التوكيل فيه الزيت ده وللا إيه؟؟
طيب لو حد غيره أبل كده ياريت يفيدنى بس المهم يكون فولكس الأصلى!!
G 004 000 M2
Made in Germany
فين وبكام؟؟

**original** · 17-07-2008 04:53 PM

تم إحضار الزيت بنجاح من توكيل فولكس فاجن الإمارات
تمنه بالمصرى 75 جنيه
اللون أخضر شفاف
ألمانى أصلى فولكس فاجن

**fathelbab** · 30-11-2009 02:52 PM

المشاركة الأصلية كتبت بواسطة original

تم إحضار الزيت بنجاح من توكيل فولكس فاجن الإمارات
تمنه بالمصرى 75 جنيه
اللون أخضر شفاف
ألمانى أصلى فولكس فاجن

**أبو_حمزة** · 16-12-2009 11:50 AM

استاذ فتح الباب
هل تقصد بمشاركتك ان الزيت موجود عندك
و سعره كام؟

**original** · 17-12-2009 12:19 AM

أنا مش عارف مشاركته دى معناها إيه من ساعة ماكتبها!!!!!!!!!!

**elshrpeny** · 18-12-2009 10:55 AM

استفسار بسيط يا جماعه هو انا اعرف امتى ان زيت الباور عايز يتغير ؟

**elshrpeny** · 18-12-2009 10:56 AM

و كذلك زيت الفتيس ؟

**original** · 18-12-2009 05:16 PM

السؤال هل إنتى عارف آخر تغييره كانت إمتى وللا ماتعرفش أصلا إذا كان إتغير قبل كده وللا لأ؟؟؟
وبعدين حسب حالة الفتيس يعنى لو فيه بلى خشن من جواه لأنه بيخلى الزيت حرارته تعلى عن الطبيعى؟؟
زيت الفتيس ممكن لحد 40 ألف كيلو ولو قبل كده يبأا محافظة أكتر على الفتيس وتروسه الداخلية..
الباور لو الزيت الأصلى ماتقلقش عليه خالص ممكن من 40 ل 80 أو 100 ألف حسب حالة الطرمبة والخراطيم والإسكاتره الباور!!
بس أهم حاجة تغيرهم مرة صح وبعد كده تبأا تظبط الكيلوات..
زيت الباور لو غامق يبأا محتاج يتغير وخللى بالك الأصلى أخضر وماينفعش غيره..
خد بالك إن بيبأا فيه رايش فى الزيت ممكن ماتشوفوش وده بيتعب الأجزاء الداخلية للطرمبة والفتيس..

**elshrpeny** · 20-12-2009 01:25 AM

الله يخليك يا اورجينال
بس اصل انا مش فاهم فى الحاجات الى انت قولتها دى اد كدا
هو كل الى انا أقدر أقولهولك ان الفتيس عندى مهوش خشن بل مشكلته تكمن فى انه فيه بوش شويه يعنى لما دراع الفتيس بيكون متمور لما تيجى تطلعه فوق وتحت تحس كدا شويه ان المسافه بين طلوعه ونزوله كبيره شويه اما من ناحية النقل فهو زى ما قولتلك بينقل بسهوله عادى خالص فمش عارف بقى هل طلاما بينقل بسهوله يبقى زيته تمام ولا لاء ؟ والبوش الى فيه دا هل يستدعى اروح اعالجه ولا دا العادى ؟ وبالنسبه للباور مكان علبة الزيت بتاعته انهى عشان ابقى ابص عليها ؟ وعلى فكره انا من ساعة ما جبتها عامل بتاع 2000 كيلو بس ومعرفش بقى الى كنت اخدها منه عامل إيه فى الحكايه دى والعربيه عامله عامتاً 85 ألف وشويه .

**original** · 20-12-2009 07:12 PM

زيت الباور هتلاقى غطاء أخضر أول ماتفتح الكابوت هوا ده زيت الباور تشوف العلامة بتاعة المقاس بين Min و Max واللون
زيت الفتيس ممكن تغيره أول مرة وتجيبه Esso 75w90
عصاية الفتيس لو مبوشة ليها قطع غيار أصلية محمد مصطفى كان ظبطها قبل كده..