عن الفساد في توكيل رينو

**gebreel** · 05-10-2012 10:43 PM

اققلك اللي بيحصل بين التوكيل و الموزعين

اولا كلمة بسمعها دايما ان الوكيل بيحمي الموزع و بيديله اولوية مش عارف ليه

ثاني و ده من مصدر موثوق منه ان اللي بيحصل في كل دفعة ان مثلا محمد زكي او الطارق او السبع يروح لرينو يقلهم انا عاوز 20 عربية مثلا من الدفعة اللي جاية دي
رينو يقلو امين ادفع 50% من ثمن العربيات و ال50% الباقية لما العربيات توصل الميناء
محمد زكي يدفع و السبع يدفع و الطارق يدفع و محمدين يدفع الخ...
التوكيل يقوم لامم الفلوس دي كلها و فاتح بيها اعتماد لرينو علشان الطلبية و يطلب العربيات دي من رينو + كام عربية ليه من الناس اللي حاجزين

لو افترضنا ان كل مودع من ال3 دوول عاوز 20 عربية يبقى الموزعين عاوزين 60 عربية و المركب مثلا شايلة 80 عربية يتبقى للتوكيل 20 عربية

تيجي الدفعة توصل الميناء التوكيل يلم باقي الفلوس اللي ناقصاله من الموزعين و يمشي في اجرائات الجمارك و الاستلام
في نفس الوقت الموزعين يبدأو يعلنوا عن ان العربية هتوصل خلال يوم او يومين و الكمية محدودة و هكذا و في نفس الوقت المعارض الصغيرة بتبقى متفقة مع الموزعين انهم عاوزين عربية ولا 2 يسترزقوا منها فالموزع يحجزهالهم اكنو زبون عادي

العربيات تطلع من الميناء على التوكيل و كل موزع يبعت ياخد عربياتو و يتبقى ال20 عربية بتوع التوكيل اللي قلنا عليهم لكن التوكيل حاجز عندو 200 300 واحد و بيوصلو كل 15 يوم 20 عربية مثلا يبقى طبيعي ان اللي حاجز في التوكيل على ما يجي عليه الدور يكون مر ال4 شهور ان ماكنش اكثر

دلوقتي السوق عطشان العربية عليها طلب كثير و عدد العربيات الي الوكيل بيسلمهالك قليل و فترة انتظار طويلة فيقوم الزبون طالع على الموزعين يسأل على العربية
مسألة عرض و طلب طبيعية جدا عرض قليل و طلب كثير يبقى اللي مش هيشيل بالاوفر برايس في 1000 غيرو هيشيلو و يبقى يقابلني لو عرف يجيبها كمان 15 يوم حتى بدون اوفر (و هنا الغلط علينا)

يبقى التوكيل دخل عربيات لنفسو (ال20 عربية) بدون ما يحط جنيه واحد من راس مالو في فتح الاعتماد و الكلام ده و العربيات جاتلو و الدنيا زي الفل و في نفس الوقت وفى بعقده مع الموزعين

كون الموزع بيبيع باوفر دي مش بتاعتي انا بديهاله بقرش هو باعها ب10 قروش انا مليش دعوة

ملحوظة: الارقام اللي قلتها فوق دي كلها ارقام للتوضيح مش ارقام حقيقية

**gebreel** · 05-10-2012 11:37 PM

المشاركة الأصلية كتبت بواسطة alaaosmanakl

معلوماتي إن توكيل رينو
بيكون مشترط علي الموزعين البيع بالسعر المحدد والمعلن عنه من التوكيل .
يعني محمد زكي مثلا
مش ممكن تشتري من عنده اللوجان أوفر بريس ويكتب ليك في الفاتورة السعر الحقيقي .
لازم يكتب السعر المحدد له من التوكيل او رينو بمعني اصح . وهو 97500 جم
حتي لو بايع ليك بـ 83000 جم .

لكن معارض زي الطارق وغيره . عادي لأنه اشتري من التوكيل أو رينو زيوه زيك مفيش فرق .
هو حجز من شهور زيك واستلم معاك . لكن طبعا هو استلم 5 عربيات تقريبا . وبيبع فيهم بالسعر اللي يحدده السوق بالنسبه ليه حسب اضغط الطلب علي العربية .

اعرف واحد اشتري الاتور من شهر تقريبا بـ 84000 الف . رغم أنه قبل كده كانت بتتابع 81500 جم

انا شاري من محمد زكي العربيتين و مفيش فاتورة بيع يا باشا هي ايصالات الدفع
ايصال الحجز و ايصال باقي المبلغ و شكرا على كدة

**karemof** · 06-10-2012 02:34 AM

السلام عليكم
نفس الحركة القذرة دي عملها معايا توكيل كيا قعدت 8 شهور ومستلمتش وحصلت الثوره وخدت فلوسي، وكيا ورينو نفس المالك، بس انا كنت فاهم أن أدارة رينو أحسن علشان كدة رحت مؤخرا حجزت فلوانس من أكتر من شهر وأديني مستني، وفعلا سألت الميكانكيون العرب كانوا بيبيعوا أوفر 5 و حيخلوها 7 كمان، ربنا يستر وأستلم في معادي أنشاء الله، الخوف انهم يمكن لما يلاقوا أنهم بدأوا يبيعوا كويس يروحوا يتملعنوا زي بتوع كيا ، ربنا يستر

**McLaren2012** · 06-10-2012 03:09 AM

المشاركة الأصلية كتبت بواسطة gebreel

انا شاري من محمد زكي العربيتين و مفيش فاتورة بيع يا باشا هي ايصالات الدفع
ايصال الحجز و ايصال باقي المبلغ و شكرا على كدة

أنا شارى من السبع و فاتورة الحجز مكتوب فيها "3000ج مقدم حجز رينو لوجان 2013 فيرانى أوتوماتيك"
ولما إستلمت إدانى فاتورة مخالصة مكتوب فيها "78500ج باقى مبلغ رينو لوجان 2013 أوتو"

**mhh_hamed** · 06-10-2012 03:54 AM

المشاركة الأصلية كتبت بواسطة mclaren2012

أنا شارى من السبع و فاتورة الحجز مكتوب فيها "3000ج مقدم حجز رينو لوجان 2013 فيرانى أوتوماتيك"
ولما إستلمت إدانى فاتورة مخالصة مكتوب فيها "78500ج باقى مبلغ رينو لوجان 2013 أوتو"

السلام عليكم لو سمحت ممكن اعرف منك فين مكان معرض السبع بالظبط وهما معاملتهم كويسة ولا زى الكلام اللى بنسمعه على الطارق ولا الافضل انى احجز من محمد زكى

**gebreel** · 06-10-2012 12:14 PM

السبع احسن من محمد زكي في المعاملة

**Khaled Online** · 06-10-2012 01:43 PM

المشاركة الأصلية كتبت بواسطة alaaosmanakl

جبريل باشا :
أنا خدت من محمد ذكي . عرض سعر من حوالي كذا شهر بمبلغ 79500جم
لكن البيع كان بسعر 81500 . قالي الفاتورة بالسعر الرسمي للعربية لانه ميقدرش يطلع فاتورة بأكثر من ذلك بسبب تعليمات شركة رينو .

والـ 2000 هيكونوا تحت الترابيزة . من غير ورق . والعربية تسليم فوري بدون انتظار .
دي اللي حصل معايا . وفي النهاية لم اشتري منه .

بياخد فلوس ومايكتبهاش في الفاتورة؟ أنا مستغرب جدا فياريت حد يفهمنا ازاي يعني

الموضوع: عن الفساد في توكيل رينو

LinkBack

أدوات الموضوع

عرض

-

-

-

-

المواضيع المتشابهه

تقرير صيانه و توكيل رينو يثبت للمره الالف أنه توكيل محترم شكرا م/محمد السيد

يعني ايه الكلام اللي بيتقال ان توكيل رينو توكيل محترم ؟؟؟؟ صيانة 15000

اسوء توكيل توكيل رينو

توكيل رينو

توكيل رينو

الكلمات الدلالية لهذا الموضوع

المفضلات

المفضلات

ضوابط المشاركة