هو فعلا لو كان قلل كل الفئات 5 الف كانوا بقى ممتازين, على الاقل لحد ما يعمل سمعة
و لازم كان ينزل فئتين على الاقل من MG5
بس ده بالنسبة لغبور اللي وصل ال elantra لأكتر من 155 ألف , يبقى ملاك :)
عرض للطباعة
معلش شارك ايه اللي شكلها قديم !!!!!!!!
وبالنسبه لان حضرتك مسمعتش عن كيا غير من 2009 دي حاجه ترجعلك بقه (على فكره السيراتو القديمه انضف 100 مره من الجديده ) طيب وبالنسبه للعربيه mg دي اللي سمعنا عنها في 2013 وعاوزين نشتريها ب 120 الف جنيه عادي كده وبعدين هي البرليناس حلوه ؟؟ شوف كده الجالينا دلوقتي عامله ازاي اللي هي الى عربيه في البرييانس
هو ياباشا حضرتك عمال تقارنها بالكيا والالنترا والشارك على اساس ايه عربيه اولا مره تنزل ومحدش يعرف عنها اي حاجه وبتقارنها بعربيات بقالها سنين في مصر ومعروف كفائتها وعيوبها لكن دي نازله بالسعر ده على اساس ايه
انا معاك ان العربيات دي سعرهم مبالغ فيه لكن لو الmg مبالغ اوووووووووووووووي في سعرها
خلينا نتفق الاول بس إن احنا بنتناقش مش بنتخانق :)
حضرتك لو ركزت في كلامي
'يا باشا ال kia تعتبر نازلة 2009
معاد نزول الشكل الجديد لل cerato,قبل كده محدش سمع عنها
مش نازلة بالها كتير برده'
هتلاقي إن قايل تعتبر نزلت من أول الشكل الجديد ما نزل :)
و ده فعلا لان التوكيل القديم كان مضيع العربية خالص و ده اللي خلى EIT أول ما نزلها عمل ضمان 5 سنين و ده كان أول واحد في مصر تقريبا يعملها
و إن الشكل القديم كان أحسن , دي أذواق بس ماينفعش نختلف إنها معملتش مبيعات خالص
ما أنا قلت كده , والله قلت تنزل 5 الاف
يعني لو بقت بـ 117 بدل 122 ,يعني بتمن ال rio ال auto
يبقى مين أحسن
عوامل أمان أكتر و فئة أعلى و options أكتر و شكل كويس و خامات ممتازة
و بالنسبة لل توكيل, نص ال kia خليجي أصلا
ممكن حضرتك مبتحبش تجرب حاجة جديدة ,أنا معاك دي آراء
إيه الغريب فكده حضرتك :)
يعني حضرتك شايف إن mg3 لو نزلت بقت بـ 84 - مش أحسن من ال aveoولا picanto
و الهاي لين بـ 100 مش أحسن من ال rio الفاضية خالص
هو معوض فرق السمعة في السعر
و برده كل صيني و ليه تمنه يعني فيه nokia أصلي صيني بكام ألف جنيه
و فيه تقليد برده صيني بس بـ 200 أو 300 جنيه
هههههههههههه توكل على الله ياباشا وهاتها ونجرب فيك :)
وبالنسبه للجزء بتاع نوكيا نوكيا صيني يعني نوكيا original trade mark بس ليها مصنع في الصين لكن سمعتها وعيوبها ومميزاتها معروفه عشان كده هتتباع هتتباع لو متصنعه في مصر حتى لانها عملت اسم
لكن ما تكون حاجه اصلا ملهاش اسم ولا اصل ولا فصل ولا حد سمع عنها وبعدين تنزلها بنفس سعر النوكيا
يبقى ايه بقه ؟!
من ناحيه تحب تجرب يبقى قول كده بقه انك عاوز تجرب لكن مش واثق في المنتج ده انت عاوز تجربه عشان شكله حلو و في حاجات كتير وبعدين انت وحظك بقه وبعدين انت بتقول على السيراتو اللي بقالها 4 سنين نازله بتقول لسه جديده طيب وال mg اللي ماكملتش سه بقه ايه ظروفها ؟!!
عموما دي مش خناقه طبعا دي زواق