العربية دى تنزل ب 100 الف ماكس علشان يعرف يبعها غير كدة عندك بدايل كتيييير اوى معروفة وثابته نفسها وفيها اوبشن بالعبيط واول مثال البروتون وعلى الاقل مفيش عقدة الصينى اللى عند المصريين فيها
اكتر من 100 الف حتحصل اخواتها
عرض للطباعة
العربية دى تنزل ب 100 الف ماكس علشان يعرف يبعها غير كدة عندك بدايل كتيييير اوى معروفة وثابته نفسها وفيها اوبشن بالعبيط واول مثال البروتون وعلى الاقل مفيش عقدة الصينى اللى عند المصريين فيها
اكتر من 100 الف حتحصل اخواتها
MG كانت شركة كبيرة جدا في انجلترا و تأسست سنة 1924 بس للاسف كان مصيرها زي مصير كل الشركة الإنجليزي اللي اضطروا يبيعوها لشركات تانية صينية و اوروبية زي lotus و aston martin مثلا
شوف مشاركتها في ال rally وال nascar :)
و عاملة أكتر من speed record مش زي الكوري اللي بتقول ليه تاريخ و سمعة
والشركة الصيني اللي اشتريتها من أكبر الشركات في الصين
واضح إن حضرتك بقى اللي مش عارف :)
أنا لما جيت أجيب ال c4 , فيه ناس كتير قالتلي نفس رأي حضرتك
ليه تجرب و دي معقدة وبتاع و خليك في اللي ماشي :)
كان زماني راكب elantra دلوقتي , كل واحد ليه رأيه و رايك على عيني و راسي
بس مش كل الناس تفكيرها زيك
بس ممكن تقولي ,إيه اللي خلى الناس تشتري ال cerato من 4 سنين
و كانت خارجة من توكيل زفت و مكنتش رخيصة كانت في 2009 بـ 130 ألف ال high line
إيه اللي خلى الناس تجيبها ؟؟!!!!!! , ليه ماخلوهمش في الشارك و البومة أو أي حاجة مضمونة أحسن ؟؟!!!
لا والله بهزر معاك مش قصدي سخريه ومتأسف ليك لو فهمت كده
من ناحيه التجربه بقه بالنسبه لل c4 او اي حاجه اوروبي زي ميجان وستروين ووبل هتلاقي 1000 واحد يقولك بلاش على فككره انا كان معايا لانسر ولما بعتها و جبت السيريون الناس كانوا بيحدفوني بالطوب وفكرني مجنون اني بعت لانسر وجبت سيريون :)
بس مع عربيات زي دي نفض ودووووس بس لو حضرتك شايف ان ال mg زي ال c4 ده رأيك و انت حر فيه طبعا
بس توضيح بس على فكره انت فاهم رأي غلط انا حضرتك مش معترض على العربيه و انك تشتريها مثلا ا انا معترض جدا على السعر المبالغ فيه انا كنت فاكرها اخرها 80 90 الف لكن 120 ده استهبال من التاجر اللي منزلها مصر
حصل خير :)
و أنا عموما مش بفكر اشتريها ولا بفكر اشتري أساسا
كل الحكاية أنا شفت عربية عجبتني و عملت عنها تقرير بس ممكن حد يستفيد بيه :)
أنا مش بقارنها بال citroen ,أنا بس بقارن موقف
أنا قارنتها بحاجات كوري ,لان دول اللي قريبين منها
أنا معاك إنها تبقى بـ 90 ألف بس لما تبقى ال elantra مثلا بـ 155 (ده مجرد مثل مش بقارن :) )وال شارك بـ 155 بعد الخصم وال civic بـ 176 وال ds3 بـ 185 اللي أنا شايفها غالية برده و قيس بقى على كده كتير
كل السوق بقى كده حتى الأوروبي ,كله بيبالغ في الاسعار
واللهِ ال GEN 2 دي ممتازة , دي من العربيات النادرة اللي سعرها منطقي و أحسن كمان :)
بس كل حاجة ليها مميزاتها (أنا كنت هجيب gen2 على فكرة )
يعني لو شفت ال mg3 ال crossover
هتلاقيها أعلى من ال gen2 في شوية حاجات
6 ايرباج
فرش جلد و طارة جلد
مثبت سرعة
usb
فتحة سقف كهربة
CBC
فتيس easytronic سرعات 5
ده غير إنها crossover
معرفش gen2 فيها فوجات ولا لأ
بس ال gen أحسن في الانتشار و أعلى في الموتور
شكرا جزيلا للمجهود
MG3 Xross تعتبر معقوله جدا كمواصفات وسعر لعربيه كروس اوفر صغيره
بس هل فتيسها اوتوماتيك عادى ولا semi-auto
ايه الجمال دة
تسلم ايدك يا زعيم
و ال mg5 دي شكلها حلو قوي
و يا ريت تجيبلنا صور للانتريور
اما بقي بالنسبه لباقي الاعضاء اللي دخلت قفشت علي السعر من غير ما يشوفوا العربيه
يا جماعه متبقوش متسرعين في حكمكم
مش عشان العربيه صيني تبقي زباله
ال mg تقفيلها كويس جدا و امكانيتها عاليه و تقدروا تقولوا بنفس مستوي الكوري
و علي فكره اسعارها في الكويت برضه تعتبر عاليه و اقل حاجه بسيطه من الكوري اللي محدش بيبصله اصلا هنا
يعني العيب مش في توكيل مصر لان كده باستنتج ان العربيات نفسها مش رخيصه من المصنع نفسه
و ده موضوع كنت عامله عن نزول ال mg للكويت
و فيه صور بعض العربيات و ممكن تشوفوا اشكالها و تقفيلها عاملين ازاي
http://www.nilemotors.net/Nile/227209-mg.html