و الله انا كنت ناوي اخد حقي بايدي وكنت ناوي اكسره هو و محله بس لما هديت شويه قلت لا و بالصراحه و الدتي حلفتني اني معملوش حاجه و قالتي سيبه حسابه عند ربنا علشان كده انا كتبت الموضوع علشان الناس متقعش في نفس غلطتي
ابويه علمنى حاجه والحمد الله كل يوم بكتشف ان كلامه صح قالى يبنى انته مش اكتع ولا ناقص رجل ولا ايد ولا بعيد عن سوق الدلالة الى يسال يعرف العفريت بيتصنع فين قالى اى حاجه مهما كانت تافهه
لازم تتفك وتتعمل وانته واقف
والصنايعى الى مش يردى يفك ويحل قدامك ويقولك سبها وانا اجيب واعمل يبقى نصاب
لان ممكن مش يركب ويقولك ركبت
قالى اى حاجه بتاعتك لازم تبقى واقف عليها وتشوفها وهى بتتعمل من الالف للياء
الحمد الله
فكرتنى بواحد برضو فى الوكاله كنت بجيب ماتور لعربيتى
والحج نزل يلف ويجيب اسعار وبتاع وانا نزلت ولفيت هنا وهنا لحد لما لقيت حته بالدفيرة وعلبه البيئه اصلا ثمنها بتاع 1200 ج الى فى الماتور فوالدى قالى تعاله نشوف
واحد قالى عنده 4 مواتير وشوف الى يعجبك
قولته ماشى
وروحنا لقيت الراجل بيقولى دول 4 مواتير لعربيتك واختار الى يناسبك لقيت واخد من غير كباس
وواحد من غير دفيرة
وواحد كامل بكل شى فبقوله بكام ومن الاخر عشان نشيل ونمشى
قالى 4000 ج
من غير فتيس
قولته نعم قالى يابهي انا ببيعه كده بخسارة عشان السوق نايم قولته اومال لو صاحى هتبيعه ب8000 قالى يعنى 5 وانته طالع
قالى انته هتاخده بكام قولته لا بلاش اقولك السعر لانه مش هيعجبك
طب عندك اكصدام خلفى بدون شاسيه قالى اها لانترا 97 قولته تمام هاته
بينزله بيقولى ب350 وراميه فى الشمس ويمكن الى راكب عندى انظف منه 100000 مرة فبقوله فين الكلبسات الى فى الجنب قالى ده هو كده قولته يبقى ذى الى عندى مش ليه لازمه اغيره انا بغيره بس عشان الكلبسات بخ قولته لا خلينا بقا فى الماتور قالى اخره ليك انته ب3700 قولته لا والهل بعيد هفكر واجيلك
قالى طب ما تقولى سعره
قولته الماتور وبالحاله ديه
2000ج
الراجل اتنرفز قالى ليه هو انا سارقه وزعق ولم الناس وبتاع قولته ياعم انا قولتك سعرى مش عجبك خلاص الناس قالوة لاخص ايعم حج بين البايع والشارى يفتحله وابويه واقف والميكانيكى واقف فبقولهم ياعم ماتور من غير دفيرة ومصدى ومن غير فتيس اصلا وقولتك بلاش اقولك سعرى قولته لا قول
ههههههه مشينا من عنده وروحنا لواحد كنت شايف عنده حته تمام
ابويه قالى الراجل كان هيموت فيها قولته يموت ولا يولع ناس نصابه
روحت للراجل بتاعنا
لقيت الماتور
بالفتيس
والدفيرة
وعلبه البيئه وكله والحمد الله تمام وجديد والميكانيكى قالى لا هو دجه خلاص
خلصت كل ده وخدته بالفتيس وبورقه كمان وكله تمام
ب2450 ج
قولت جبنا عربيه وانا خارج من الواكله قولت واقسم بالله لعدى عليه
عديت عليه ووقفت النص نقل وندلته وزعقت بقا قولته تعالى يابا اتفرج على الماتور الى بصح وصحيح ولو عاوز منه 5 اجبلك الوقتى الناس اتلمت تانى واتفرجت قالت لا ماشاء الهل تمام
قولته ده ياعم الحلو ب2500 ج بورقه ولو عاوز حاجه للعربيه قولى وانا اجبهالك
مش فتح بقوه بكلمه
ومشينا والحمد الله ركبته وبقا تمام الوقتى انزل الوكاله يشوفنى يعمل كانه مش شايف عشان علمت عليه
وربنا يبعدنا عن الاشكال ديه
هو تانى شارع شمال فى الوكاله مخزن كده وفى مواتير
أضم صوتي لصوتك .... أنا اتعاملت مع الشخص ده و للأسف بيفتي بشياكة فالواحد بيصدقه
أنا صلحت او بمعني تاني بوظت الكنترولر - علبة الفيوزات - عند محمد عبد المنعم و للأسف اضطريت أغيره بواحد جديد من فرنش موتورز ب ١٩١٥ جنيه
من الاخر ميكانيكية صقر عبارة عن فتايين آخرهم تيل فرامل و الحاجات البسيطة اما لو مشكلة كبيرة خليك و علي التوكيل
ربنا يعوض عليك و علينا
انا متفق معاك انه فعلا في الاول كان عايش في دور المحترم اللي فاهم و نظام انا مهندس و الفيلم ده و في الاخر كان بيكلمني بسفاله و قلت ادب و نظام بلطجه لولا اني هبت فيه و تقريبا عادل قاله ان انا كنت ناوي اعمل فيه حاجه و انا كنت ناويها و الله بس لما هديت قلت مالهاش لازمه ووالدتي حلفتني اني معملش حاجه .و لانه اصلا بقاله فتره كبيره مش بيظهر و عادل كل ما اتصل بيه علشان اشوف عمل ايه في موضوع الفلوس يقولي اصله مش بيجي و هو مش عارف يتصرف في الكنترول اللي اخدوا مني .بس احنا لازم نعلم عليه و علي اي حد زيه علشان محدش يقع في نفس الموقف تاني و نبقي احنا فدنا الناس
يا فندم الف شكر لانك عرفتنا أكتر بالناس دى...... عايز أقولك أنى صلحت عند عبد المنعم دة علبة الفيوزات وبرضة اللى باعتنى لية عادل وحسيتوا نصاب وحلنجى وانا شوفت شغلة قاللى 450 ج و بما انى مهندس كهرباء التكلفة علية تعتبر صفـــــــــر بس ,,,,, وخد منى 400 مصنعية الحرامى ...... بس دى كانت اول مشكلة وكنت لسه جايبها فكنت خايف على العربية وقلبى مجمدش عليها باى تمن ,,,, اهون من التوكيل .............. وحسبى الله ونعم الوكيل ...........
والحمد لله انها جت على قد كدة
انا بقي اللي مش فاهمه ازاي عادل و هو عارف الراجل ده و اللي بيهببه برده بيبعتله ناس . انا في وسط المشكله بتاعتي عادل اكدلي انه مش هيتعامل معاه تاني بس في الاخر كده لاقيته انه برده بيبعتله ناس هو كان بيقول علشان يجيبلي فلوسي .
انا اتمني ان لو اي حد واجهته مشكله شبيه يذكرها علشان نعرف ناخد حذرنا بعد كده