الموضوع: مشكله واجهتني مع الميجان +شكر واجب+ميكانيكي حسبي الله و نعم الوكيل فيه

قبل ما اكتب مشكله اللي واجهتني احب اشكر Aymen Momo and Ahmed A.Maksoud
الناس ديه بتساعد ناس كتير و انا واحد منهم و ساعدوني بدون انتظار مقابل و فعلا هما ناس محترمه و ربنا يجازيهم خير و مع اني مقابلتش حد فيهم قبل لكن فعلا انا بعتبرهم اصدقاء .

الحكايه من الول انا جبت الميجان من 5 او 6 اشهر تقريبا موديل 2007 و زي اي حد جديد علي الميجان دخل علي المنتدي علشان يستفيد و يعرف يتعامل مع مين و دورت لحد ما لاقيت ناس بتقول ان في واحد في صقر قريش اسمه عادل بيفهم في الميجان .المهم روحتله مره وغيرت تيل و مره تاينه في حاجه عبيطه برده و انجز و اسعاره معقوله لاغيت ما فجاه و انا ماشي طلعلي check injction
المهم كلمت عادل زوايا قالي تعالي الساعه 8 ونص الصبح و فعلا تاني يوم روحتله في الميعاد و قالي سيب العربيه و ابقي كلمني علي الساعه 1 و كلمته كتر من مره لاغيت الساعه 5 و نفيش حاجه و بقله هو فيه ايه بالظبط قالي اصله ودا العربيه عند حد متخصص في العيب ده و اداني نمرته و كلمته و روحتله و كان اسمه محمد عبد المنعم ورشته قبل ورشه عادل علي نفس الصف و مش هقدر اقول غير حسبي الله و نعم الوكيل فيه .لما روحت قالي العيب حاجه اسمها بوابه البنزين و ب 350 و هو غيرها و غير معاها كويل ب 250 قلت ماشي ما دام العربيه بقت سليمه . و احنا بنتكلم قالي انت لازم تغير مقصات و بطاحات قلتله هقول لعادل قالي ليه ما ان بغيرهم عندي قلته مش انت متخصص في حاجه معينه قالي لا انا و عادل بنعمل نفس الشغل قالته امال عادل جاب العربيه عندك ليه قالي لما بيقي عنده ضغط شغل بيبعت الشغل الزياده ليه فاقلتله انا اصلا اول واحد جايب عربيته الصبح الساعه 8 قالي عادي يعني و فهمني كده ان عادل مش عايز يعمل شغل في عربيتي و لبسني في موضع المقصات ده حوالي 1100 كل قطع الغيار عنده اغلي 50 او 25 و بصراحه انا مش بلومه في الحته ديه لان العيب عليا انا اني خليته يغير المقصات المهم مشيت و مفيش اسبوعين ثلاثه و ظهر تاني العيب فالمره ديه روحت لعادل و قالتله مش انت اللي ودتني ليه من الاول فبعت العربيه ليه تاني و قال المره ديه ان البوابه اللي غيرها كانت سليمه و هات القديمه بتعاتك و العيب من حاجه اسمها الكنترول و قالي ب 1100 قالتله و انا زنبي ايه فقال انا هعمل معاك واجب و هخصم ثمن البوابه من الكنترول و هاخد الكنترول القديم بتاعك فالكلام و السعر معجبنيش فروحت لعادل تاني قالي لا متسيبش الكنترول بتاعك و بعت معايا حد من عنده و اتكلمنا معاه و حوارات كتير المهم قلتله انا مش هسيب بتاعي و ده اخر كلام وبصراحه لولا انه بعت معايا انا كنت سب الكنترول بس ربنا ستر . و لما سائلته ضمان الكنترول ده قد ايه قالي يومين او اسبوع بكتيره قلت لا طبعا .فعادل اتبرع و قالي سيب الفلوس معايا و انا مش هديله حسابه الا لما انت تكلمني بعد شهر و تقولي العربيه سليمه و الاخ محمد اتخانق معايا في التليفون و حوارات .المهم بعد ما ركبنا الكنترول طلع لي رساله check Emssion اللي هي بيتاعت البيئه و قفشت و قلت الرساله ديه ماكنتش بتظهر قبل كده و فضلوا يحورا عليا ان الكنترول ده فرنساوي و لازم يطلع الرساله ديه و سئلت في المنتدي و قاله ماشي لان انا اصلا الحساس ماكنش موجود المهم روحت اشتريت حساس و ركبته وراحت الرساله كام يوم و رجعت تاني . مش ديه المصيبه بعد 8 ايام رجعت تاني check injctionوكمان injction fult
و طبعا كنت هتجنن .وهنا بقي احمد مقصود اداني نمره ايمن و روحت لطارق و اكتشفت هناك ان الكنترول بتاعي سليم مفيهوش حاجه و العيب كان كويلات وبدال بنزين وطبعا قالي رجع الكنترول علي الاقل علشان اعرف احاسب طارق . و رجعت لعادل و قلتله انا عايز فلوسي اتاري المصيبه انا عادل اخد من الفلوس كضمان علشان محمد ده كان عليه فلوس لعادل و عادل كان عايز ياخد فلوسه .المهم قالي روحله ماكنش موجود وقالي في التليفون انه الكنترول بتاعه سليم و ان مفيش ضمان اكتر من يومين و روحت لعادل فلما كلمه كان في المحل و راح عادل ليه و قاله ان انا بدخل علي النت و الناس بتلعب في دماغي و ان روحت الحرفيين وفتحوا الكنترول بتاعه و حوارات كتير كده لما عادل جه قالي روحله هو موجود قلتله ماشي بس انا عايز فلوسي اللي معاك قالي لا ما انا ادتهاله و حرام انه يلبس فلوس من جيبه وان الاول اتكلم معاه و اشوف هيعمل ايه لما روحت المحل و انا بركن لاقيته راح واخد عربيته و ماش و لما كلمته و رد فضل يحور ويقول انت مين و بتاع موضوع ايه و بيتكلم بسفاله فقفشت فيه و قعد يقولي انت بتسوء سمعتي والمنطقه ديه بتاعتي و اخرتي اخد 400 جنيه لانه هيشتري الكنترول من علي انه مخلوع مش استيراد وقالي عريبتك هتبوظ تاني و جرب اسبوع و هتشوف المهم قالتله هجرب اسبوع و هنشوف و رجعت لعادل و حكايت اللي حصل و قالي جرب و نشوف .قالتله هو لو عايش في دور بلطجه انا هعرف اجيب حقي و عليا و علي اعدائي فعادل قالي طب جرب ولو كده هيدني هو الفلوس اللي انا كنت ادتهاله ؟ بعد اسبوع رجعتله قالي تاني اصلي حرام البس الفلوس و ان الخناق معاه مش هيجيب نتيجه و اني استني عليه هو هيبعتله شغل و ميدلوش فلوس و لما يجمع مبلغ في حدود 700 او 800 هيدهولي المهم 3 اسابيع و كل يوم بكلمه و في الاخر قالي جاب 450 لو عايز هات الكنترول و خدهم و اتابع معاه لحد ما يجيبلي فلوس تاني و بصراحه اخدت راي ايمن مومو و كذا حد كمان و اخدت الفلوس بنظام عصفور في اليد .و طبعا كلمته تاني و قالي لسه برده مفيش فلوس تاني اصبر شويه و ممكن اصلا متجيش فلوس .و طبعا ان خيار البلطجه مكنتش عايز اعلمه علشان حرام المصيبه اني اكتشفت ان محمد عبدالمنعم ده عمل نفس الحوار مع ناس كتير منهم طارق .
انا عارف ان القصه طويله بس انا حبت اشاركها معاكم اولا علشان اشكر الناس المحترمه اللي ساعدتني و ثانيا علشان احذر الناس ان محدش يقع في نفس المشكله اللي انا وقعت فيها وربنا شاهد علي اني مزودتش او بالغت في اي كلمه .
و ياريت ضروري كل واحد واجهته مشكله تشبه مشكلتي يشاركني علشان نبعد عن الناس ديه و منروحش بعربياتنا عندهم تاني و خسارتهم لينا هيكون اكبر رد علي طريقه تعاملهم معانا وانهم مبيعرفوش ربنا سواء كان ميكانيكي او محل قطع غيار

المشاركة الأصلية كتبت بواسطة zoooooooooomy

طيب ممكن تديني عنوان الميكانيكي ال انت روحتله في الاخر انا اصلي ناوي اعمل صيانة ال ١١٠.٠٠٠ بره التوكيل و كنت ناوي اروح لعادل بس بعد الكلام ده مش هيمد ايدوا في العربيه

طارق ده عنوانه في الهرم . بعد كايرو مول سيب اول شارع يمين و ادخل تاني شارع يمين علي ناصيه الشارع هتلاقي موقف توك توك . امشي في الشارع اليمن ده شويه هتلاقي قهوه علي شمالك واخده ناصيه هو بعدها علطول وده رقمه 01006241474