استفسارات عن صيانه الالف و ملاحظات عن سياره جديده
اشتريت سياره byd f3 جديده موديل 2013
و انا حاليا وصلت الى 700 كيلو و مستمر فى تليين العربيه حتى الف
عندى شويه اسئله
1- ايه افضل فرع لصيانه الاف ؟ و اروحه ازاى ؟
2- لازم احجز قبل قد ايه علشان الصيانه ؟ يعنى قبلها باسبوع مثلا او 3 ايام ؟
3- لازم اروح عند الالف بالظبط و لا ممكن مثلا 1100 ؟
تانى حاجه ليا ملاحظات بسيطه كنت عايز استشيركم فيها
-------------------
1- فى صوت خفيف كده طالع من الموتور كانه صفاره , هو خفيف جدا , بس ممكن يكون من ايه ؟
2-رجه خفيفه فى العربيه و انا مشغل الموتور فى السلانسيه
3- صوت تكه ساعات بسمعه من الموتور و لما اركن العربيه و اطفيها و انزل بستمر فى سماع صوت التكه دى ؟
4- فى عضه خفيفه فى الفتيس و خصوصا على الاول و التانى و المارشدير
5- لاحظت ان فى صوت من المساعد الى ورا و جربت اهز العربيه و هى واقفه سمعت الصوت ده
6-مستوى الانوار الاماميه عاليه و محتاجه توطى شويه
7- رشاشات الازاز الامامى بترش المياه فى اماكن غريبه مش فى نص الازاز ؟
8- الشنطه مش بتقفل بسهوله و احيانا مبتفتحشى بسهوله
9- كشافات الضباب لا تعمل و زرار كشافات الضباب الى موجود جمب زرار المرايات منور على طول (لونه اخضر )
9- البابين الى ورا مش بيقفلوا بسهوله ولازم اضغط عليهم
اخر حاجه : مفيش مشكله حراره نهائيا عندى و الحمد لله
