الموضوع: استفسارات عن صيانه الالف و ملاحظات عن سياره جديده

ألف مبروك على العربية وربنا يباركلك فيها ويكفيك شرها

المشاركة الأصلية كتبت بواسطة miah

اشتريت سياره byd f3 جديده موديل 2013

و انا حاليا وصلت الى 700 كيلو و مستمر فى تليين العربيه حتى الف
يا ريت حضرتك تراعي إجراءات تليين العربية بشكل صحيح .
عندى شويه اسئله

1- ايه افضل فرع لصيانه الاف ؟ و اروحه ازاى ؟
فرع إسكندرية .. ده أفضل فرع على الإطلاق .. ولو مش حتروح إسكندرية يبقى فرع الشرابية نظراً لعدم وجود ضغط عليه بشكل كبير مثل القطامية .
2- لازم احجز قبل قد ايه علشان الصيانه ؟ يعنى قبلها باسبوع مثلا او 3 ايام ؟
3- لازم اروح عند الالف بالظبط و لا ممكن مثلا 1100 ؟
http://www.nilemotors.net/nile/307591-byd.html




تانى حاجه ليا ملاحظات بسيطه كنت عايز استشيركم فيها

-------------------

1- فى صوت خفيف كده طالع من الموتور كانه صفاره , هو خفيف جدا , بس ممكن يكون من ايه ؟
2-رجه خفيفه فى العربيه و انا مشغل الموتور فى السلانسيه
3- صوت تكه ساعات بسمعه من الموتور و لما اركن العربيه و اطفيها و انزل بستمر فى سماع صوت التكه دى ؟
4- فى عضه خفيفه فى الفتيس و خصوصا على الاول و التانى و المارشدير
5- لاحظت ان فى صوت من المساعد الى ورا و جربت اهز العربيه و هى واقفه سمعت الصوت ده
6-مستوى الانوار الاماميه عاليه و محتاجه توطى شويه
7- رشاشات الازاز الامامى بترش المياه فى اماكن غريبه مش فى نص الازاز ؟
8- الشنطه مش بتقفل بسهوله و احيانا مبتفتحشى بسهوله
9- كشافات الضباب لا تعمل و زرار كشافات الضباب الى موجود جمب زرار المرايات منور على طول (لونه اخضر )
9- البابين الى ورا مش بيقفلوا بسهوله ولازم اضغط عليهم
كل ده إن شاء الله حاجات بسيطة وتتظبط في الصيانة القادمة .
اخر حاجه : مفيش مشكله حراره نهائيا عندى و الحمد لله
مشكلة الحرارة ظهرت فقط في موديلات الأتوماتيك .. فهل حضرتك معاك مانيوال أم أتوماتيك .

ألف مبروك مرة أخرى على العربية .. ونتمنى أنك تضيف للمنتدى مشاركات تبدي فيها أنطبعاتك عنها .. وكذلك أن تحضر مقابلات القسم لأنها سوف تكون مفيدة لك في تبادل الخبرات عن السيارة في موضوعات قد لا تتناولها صفحات المنتدى .

أهلاً وسهلاً بيك كعضو جديد معنا .. وإن شاء الله تكون عضويتك فعالة ومفيدة في المنتدى وتفيده كما ستستفاد منه .. تحياتي .

فرع غمرة أو الشرابية

مركز غمره: 4 شارع معمل الصابون من شارع شركات البترول بجوار قسم الشرابيه القديم

التليفونات للحجز:

22336922 - 22364156 فاكس 22364159

خريطة لمركز القطامية

فى مشاركه للاستاذ / عماد حبيب كتب عنوان مركز صيانة الاسكندرية ......

4703330 03 مركز خدمه الاسكندريه بجوار نقطه مرور مرغم الكيلو 27 طريق الاسكندريه / القاهره الصحراوى