الموضوع: الحُب الحلال و جواز الصالونات وجهان لعملة واحده ;))

المشاركة الأصلية كتبت بواسطة egyzizo

بعيداً عن موضوع الحب ..
عيب جواز الصالونات ان الطرفين مش بيشوفوا بعض على طبيعتهم.
وحتى لما بيحصل خطوبة ، كل طرف ببيظهر أحسن ما عنده وصعب ظهور الطباع الحقيقية.

مهم جداً فى الانسان اللى هتعاشره باقى عمرك انك تشوف بيتنرفز ازاى ، بيتصرف ازاى فى مواقف معينة، كيف يتعامل مع الناس، رأيه ايه فى مواضيع معينة بدون أى تجميل ..

وأنا شايف ان ده مش هيتحقق غير فى ظروف الحياة العادية ، كالزمالة فى الدراسة أو العمل لفترة طويلة.

وده مش معناه ان تكون هناك علاقة ثنائية أو خروجات خاصة بين الطرفين (صحوبية يعنى).

بكده كل طرف ممكن يكون رأى سديد فى مدى قبوله للطرف الآخر بعيداً عن الجمال الشكلى أو التجمل الأخلاقى.

ده سبب إعتراضى الوحيد على موضوع الصالونات و خوفى منه ...بس ممكن تقليل القلق من الموضوع ده عن طريق حد عارفك كويس أوى و عارف مين من الشخصيات اللى ينفع معاك

المشاركة الأصلية كتبت بواسطة menna hassan

مش فاهمة قصد حضرتك فى كلمة طريق غير شرعى دى .....
لانى مقولتش الكلمة دى خالص فى كلامى وطبعا اكيد انا مش هتكلم معاكم على حاجة غير شرعية
لا حول ولا قوة الا بالله........فياريت توضح قصدك..





امثلة حية ومن اقرب الناس ليه.......
تقولى ايه حضرتك فى واحدة عرفت واحد نقول مثلا اخو صاحبتها واعجب بها وباخلاقها وسأل اخته طبعا رحبت جدا بالفكرة ووالدته فرحت اوى وقالها وهى كمان وافقت ..ولو هنتكلم هنلاقى انه اختارها اصلا لانه عارف انها واحدة محترمة وعارفة دينها وعاملة لنفسها حدود ومبدأ فى كل تعاملاتها.....
وعشانها .. بدأ يشتغل مع والده وضبط نفسه فى دراسته..واللى بتكلم عنها دى مش غبية خاااالص على فكرة لانها كانت عارفة ومتأكدة وفاهمة ان هى دى فترة الاختبار اللى بيتعرف بها الشاب ده ايه نظامه.......وكان كل اللى بينهم مكالمة كل اخر اسبوع يعرفوا اخبار بعض فيها..
وكان برضه لها حدود فى كل حاجة سواء الوقت او الكلام........!
ولانها مش عبيطة وكانت طبعا ملمحة لمامتها بس فى نفس الوقت متكلمتش كتير معاها عنه لانها عمليا مشافتش لسه حاجة عملها تخليها تعرف انه فعلا يستاهلها ويستاهل انها تدخله بيتها..
اه نسيت اقول ..انها خلاااااااص فنيتو...مبقتش تروح بيت صاحبتها ده نهااااااااااائى..
وبعد ما عمل كل ده عشانها هى مش عشان حد تانى.......وبعد العقلية دى من البنت..
والثقة دى من الام.....والتربية دى من البيت........تفتكرى ايه اللى حصل لما اتقدم لوالدها..؟
بعد معرفة دينه وعيلته والمستوى الاجتماعى اللى هو منه.........!
والدها قاله..اتفقوا انتوا الاتنين مع بعض انا واثق فى بنتى ........عايزة اقولك ان حتى القايمة مشكلة الشباب كلهم كتبوها مع بعض.........
الوالد ده مش بايع بنته .....بس هو سأل على اللى يخصه من دين واخلاق ومستوى اجتماعى..
اما عن باقى الحاجات التانية دى..........
فهو واثق برضه ان بنته .....مش هتتنازل لدرجة التقليل من نفسها..ولا هتطمع لدرجة انها تسوء شكلها.........على فكرة معاهم دلوقتى حمزة ورحمة.............
ليه حضرتك متكلمتيش عن النوع ده من بنات جيلك.......!!
وازاى تحطى كل البنات فى سلتين.....
الاولى ..اللى بتتجوز صالونات وهى دى بس اللى تنول لقب طريقة شريفة..
والتانية ..اللى بتتجوز غير جواز الصالونات ودى بتكون فى النار وبئس المصير..!
وعلى فكرة دى مش حكاية واحدة ولا الحكاية دى حصلت مع بنت واحدة.......
لا دول كتييييييييييييييييييييير اووووووووووووووى..

حكاية تانية...............
عرفته بالصدفة البحتة معاها فى الكلية بس هو فى اخر سنة بس الوقت اللى عرفته فيه كان بيحضر نفسه عشان يسافر لانه لاعب كرة وعقده فى قطر فترة اعارة وهيرجع.......
كان فيه فرق اسبوعين بين معرفته بها وبين سفره..وفى الاسبوعين دول كان ممكن يكون فيه كلام فى التليفون بس اغلبه كان مع مامته واخته وحتى الكلام معاه كان برضه فيه حدود...!!
وسافر واخته بقت تزورها ومامته تكلمها وهو كمان اكيد من فترة للتانية يعنى كل اما يقدر..!
ساعتها طبعا التلميح جايز لوالدتها بس مينفعش تتكلم اكتر من تلميح لانه ببساطة جدا واحد مسافر
يعنى حتى مش موجود فى البلد...
ولانها ذكية جداااااااااا وعارفة كويس اوى هى بتعمل ايه........ده غير الدين والحدود اللى هى متربية عليهم واللى عشانهم هو حبها من ضمن مليوووووووون بنت تانية وانتوا عارفين يعنى ايه لاعب كرة هههههههههههه
نزل فى اجازة مخصوص عشان يخطبها.......وعلى فكرة ..مكانش عايز يرجع تااااااااااااانى هههههههه..

ومش دى وبس اللى مبنية على الدين والحدود والمبدأ فيه غيرها كتييييييييييير اوى
ومش جوازات الصالونات بس اللى ربنا بيبارك فيها لا فى غيرها كتييييييير لان العلاقة اللى بين العبد وربه مش الظاهرية لا خاااااااالص العلاقة ما بين الرب والعبد هى القلب والنية واللى على اساسهم ربنا بيباركلك ويسهلك فى الموضوع او على العكس بيكون كله مشااااااااااااكل سواء بقى صالونات او غيره..
.................
عرفتى بقى ان حضرتك ظلمتى بنات كتييييييييير اوووووووووووووووى..!!

العلاقه بين بنت وولد او مايتسمى بالحب هى حرام شرعا
ومش كل اللى نسمعه نصدقه
وهرجع واقول الاختلاف فى الراى لايفسد للود قضيه
فى ناس معايا فى راى وفى ناس معاكى فى رايك
ويارب يرزق بنات المسلمين بالزوج الصالح امين يارب العالمين

المشاركة الأصلية كتبت بواسطة olala

العلاقه بين بنت وولد او مايتسمى بالحب هى حرام شرعا
ومش كل اللى نسمعه نصدقه
وهرجع واقول الاختلاف فى الراى لايفسد للود قضيه
فى ناس معايا فى راى وفى ناس معاكى فى رايك
ويارب يرزق بنات المسلمين بالزوج الصالح امين يارب العالمين

فعلا راي حضرتك ممتاز
ربنا يبارك فيكي يارب
تحياتي
_______000

المشاركة الأصلية كتبت بواسطة menna hassan

حضرتك بتقولى ايه..........؟؟؟
الحب حرام شرعا........!!!!!!!!!!!!!!!!!!!!!!!!!!!!!!!!!! !!!!!!!!!!!!!
يا استاذة انا فى فترة معينة كنت باخد كرسات فى التعامل مع النفس البشرية...
واول حاجة بنعرفها فى الانسان وبداية تكوين شخصيته..هى انه ازاى بيحب..
وطريقته فى الحب سواء مع اهل بيته او اصدقائه او حبيبه ومن خلال اجابة السؤال ده بنعرف حاجات كتييييييييير اوى.. وبيكون كلها لها حلول وساعات بتاخد وقت بس مش هى دى بتكون المشكلة خاااااااالص..!
المشكلة بقى الحقيقية بتكون فى حد عمره ما حس احساس الحب ده...
وبيكون هو ده فعلا المريض النفسى اللى محروم من احلى نعمة ربنا اختص بها الانسان عن باقى المخلوقات.......اللى حضرتك بتقولى عليها حرام شرعا..!!!
وانا مش عارفة ازاى حضرتك قولتى كلمة زى دى وحرمتى حاجة ربنا ميزنا بها
واللى من خلالها عرفنا ديننا المختلف عن باقى الاديان بالتسامح والاعتدال( وعشان كده حبناه ),,
وعرفنا الخالق الواحد اللى من اهم صفاته انه رحمن ورحيم و(عشان كده حبناه),,

وعرفنا رسولنا ص اللى قهر من الكفار واستحمل العذاب عشان يوصلنا للجنة اللى اطلق علينا لقب احبابه واحنا امنا به وعشقناه من غير ما نشوفه و( عشان كده حبناه),,
وذكر الله لنا فى كل الكتب السماوية فضل ونعمة الوالدين واللى عرفناها وحسناها لما كبرنا و(عشان كده حبناهم)..............
ربنا جعل اساس الدنيا دى كلها فى الحب ..سواء دين او دنيا.!
يبقى حضرتك ازاى عايزة واحدة تلاقى واحد بيعمل المستحيييييييييل عشان يفوز بها وبقلبها وبيحارب فى الظروف عشان تكون هى وبس ام لاولاده ومتحبوش ولا حتى
تقوله كمل وانا معاك كمل ومتخافش......!!!
وبعدين فيه حاجة غريبة اوى فى ردود فعل حضرتك...!!
يعنى ايه كلمة ..(مش كل اللى نسمعه نصدقه ).....!
وازاى اكون بكلم حضرتك فى قصص مفيهاش لا كلام خارج ولا خروج ولا كذب على اهل البيت ولا لمسات فى الحرام واساسها الاخلاق والخوف من ربنا وبتختم بدخول البيت والزواج الشرعى ....وبعد كل ده برضه مش معايا فى الرأى ان فى انواع تانية للزواج الحلال غير جواز الصالونات.....!!
والسؤال ده اجابته فى كيفية رؤيتك للحلال والحرام........؟؟
وده رأى احد المشايخ عند سؤاله عن الحب....!!

الحب حلال، وهو نعمة جميلة زرعها الله فينا وهو شعور انفعالي وليس فِعْلاً اختيارياً، ومن المعلوم أنّ الأوامر في الإسلام مرتبطة بما في وسع الإنسان حيث يقول تعالى: "لا يكلف الله نفساً إلا وسعها" والشرع لا يقول لك "لا تحب" ولكن يقول لك إذا أحببت فلا تَنْجَرف إلى الحرام.
ولا يقول لك "لا تكره" ولكن يقول إذا كرهت فلا تَظْلم، ولا يقول لك "لا تجوع" ولكن يقول إذا جُعْتَ فلا تَسْرِق.
وهناك فرق بين أن تكون قادراً على تحويل الحب إلى علاقة زواج وبين أن يكون الحب عذاباً لنفسك ولقلبك. فإذا حدث الحب وكنت قادراً على تحويله إلى زواج فإنني أقول لك "لا أرى للمتحابين إلا النكاح" أما إذا حدث الحب مع عدم القدرة على الزواج فاكتمه واصبر ولا تتخذ خطوات تقودك إلى سراب أو حرام.

ولأهمية الحبّ في الحياة، وقيمته في سعادة الفرد والأسرة والمجتمع ، اعتبر الإسلام الحبّ قيمة

عُليا في رسالته ، وهدفاً سامياً من أهدافه..

دعوة إلى الحب ..كما يحبه الله ويرضاه.....

مشكورة..

انا لا اقصد الحب بمعناه العام ولكن اقصد الحب الذى يزعمه فتى مع فتاه بحجه انهما سيتزوجان فى المستقبل
ونفترض انه اذا تمت الخطبه بينهم فلا يجوز لهما الانفراد ببعضهما الا فى وجود محرم لقول الرسول عليه الصلاه والسلام ما اجتمع رجل وامراه الا كان الشيطان ثالثهماوانا هنا بتكلم شرعا
تقولى ايه انتى باه فى اللى بيقابلوا بعض تحت ستار الحب
ومفيش حاجه اسمها يقابلوا بعض من ورا اهاليهم
اللى قصده خير يدق الباب من بابه على علم من الاهل والاقارب

احب اقول رأي اذا سمحتولي انا شاب عندى 25 سنة واتقدمت لخطوبة فتاه جواز صالونات وزى ما ف عضو محترم بيقول ان جواز الصالونات مش بيبين صفات كل طرف للتانى فكلامه بالفعل صحيح للاسف الخطوبة الانسان فيها بيبين اجمل ماعنده بعكس لما تكون عارف واحدة ع اساس الصداقة العادية بيكون احسن من الصالونات ف معرفتك بها وده كان سبب انى سبت خطيبتى بسببها وسبب ابوها واحب اقول لمن يحرم كلمة الصداقة بين رجل وامرأة فأحب اقوله ان من اسمى انواع الصداقات ع وجه الارض صداقة الرجل والمرأة مادام مبنية ع الاحترام والادب وده طبعا بيتوقف ع البنت عشان هى اللي بتحط حدود للعلاقة اما اذا كانت تلك الصداقة مبنية ع عدم الاحترام فمتبقاش صداقة زى مابنلاقوا ولد يمد ايده ع بنت ع سبيل الهزار
انا اعرف بنت وقفت جنبي احسن من مليون ولد وقفت جنبي ف دراستى عشان ظروف عملي ووقفت جنب اختي عملت اللي مفيش حد من اصحابي الولاد عملوه والحمدلله اى طلب تطلبه منى ف الحياه بكون جنبها وبساعدها مادام ف استطاعتى
اما بالنسبة لحوار الجواز عن حب فالحب مش بمزاج الانسان ممكن تحس بيه اول ماتشتغل وانت مش بنيت نفسك وتروح تتقدم تترفض
اللي عايز اقوله مادام الانسان حب حد يبقى يحافظ ع اللي حبه ويحميه مش يمسك ايدها ولا يحط ايديه ع كتفها زى مابنشوف ف الشارع اللي بيعمل التصرفات دى بيكون غرضه التسلية ومش جواز لكن لو بيحبها مش هيخلي منظر حبيبته قدام ربنا والناس وحش ولا هيلمس شعرة منها وبرده الحب السليم لابد وحتما يكون فيه احترام زيه زى الصداقة