انا مش شايف اي معني للكلام بالاسلوب المستفز ده
انا شايف ان الاخت ماقالتش اي حاجه غلط
ربنا يهدي
انا مش شايف اي معني للكلام بالاسلوب المستفز ده
انا شايف ان الاخت ماقالتش اي حاجه غلط
ربنا يهدي
انا متفق مع الكلام دا جدا .. لأن كنت اعرف واحدة كدا برضو راحت اتخطبت فى جواز صالونات وقعدت 8 شهور مخطوبة بعد ما استشارت الناس واهلها وسألوا عليه وبتاع .. فى الأخر اكتشفت انه كان بيمثل وطلع مش محترم وفسخت .. ودلوقتى كل اسبوعين ولا حاجة بتقابل عريس جديد ومش بعيد تتخطب تانى وتفسخ تانى وتالت ورابعاقتباس:
بعيداً عن موضوع الحب ..
عيب جواز الصالونات ان الطرفين مش بيشوفوا بعض على طبيعتهم.
وحتى لما بيحصل خطوبة ، كل طرف ببيظهر أحسن ما عنده وصعب ظهور الطباع الحقيقية.
لذلك انا فعلا بحس انه جواز الصالونات دا بيخلى البنت سلعة العريس بيروح يتفرج عليها اكنه داخل معرض عربيات عجبته يدفع العربون وياخدها !
ومع ذلك برضو انا ضد الصحوبية والحب اللى قبل الأرتباط الرسمى تماما لأنها زى ما مشيت مع اللى حبيته دا ممكن تمشى مع غيره وغيره !
يعنى انا ضد النوعين دول من الزواج الصراحة لأنه كل واحد ليه عيوبه .. وفى رأى الأفضل انه تكون واحدة اعرفها من بعيد مثلا وعارف اخلاقها وتعاملها مع الناس ومش شرط اكون كلمتها نهائى وممكن اتقدملها لكن انى اروح امشى مع واحدة او اروح اشترى واحدة هتبقا فيها إهانة ليا قبل ما تكون ليها
وفى الأخر اللى بيحدد اى علاقة هتوصل لفين هى البنت .. هى اللى ممكن تحط قواعد للعلاقة وممكن تفرط فى القواعد دى وترخص نفسها
ياراجل ياطيب بقي اسمي حاجه هي علاقه بين واحد وواحده مبينة علي الأدب والأحترام؟
طيب وحديث الرسول؟
طيب بلاش قال الله قال الرسول
انت ترضي ان اختك تبقي صديقة لشاب والصداقه قائمه علي الادب والأحترام؟
طيب ترضاها لمراتك لما تتجوز؟ تلاقيها كده بتكلم واحد في التليفون وواقفه جنبه بميلون راجل وقلقانه عليه بدافع الصدافه برده؟؟؟؟
طيب لو افترضنا ان جواز الصالونات كل طرف بيبين الحلو فيه
طيب مين اللي قالك ان التعارف العادي زي زيملتك في الشغل او الدراسه بتظهر الوحش والحلو كمان؟ وليه اصلا هتظهر الوحش اللي فيها ؟ اي انسان قدام الناس بيحاول يبان كانه ملاك
ولو وصلت انك تتكلم مع واحده وتبقي علي طبيعتها قوي كده فمليون في الميه العلاقه دي مش حلال
بترد بهدوء لانها صح لانها مبتفكرش هتطلب ايه
ولو مطلبتش او طلبت فحدود الموجود يبقي هي غلط ليه مش فاهم
بس تقريبا وجهات نظر ان لما تاخد اكتر تحس بنفسك طبعا خطأ فالطباع
انما الوجه الاخر بيتكلم بهدوء لانه مبيفكرش هيأخد ايه قبل ما يبدأ بالعطاء
يبني بيت ليه اساس مبني علي ود واحترام كل طرف للاخر مبني كل طرف يتقي الله فالاخر وفالبيت ده
بدون التفكير فالحب وما شابه لان الحب فعلا هو حب الله ورسوله لاني انا شخصيا لما اختار حد بيحب ربنا ورسوله الكريم افضل من اني اخد حد يقولي كل شوية بحبك وكلام من ده
لان الحالة الاولي مدام بتطبق حب الله ورسوله فحياته كأولوية يبقي هيكون بيت في كل شئ
انما كلام عن حب وبعدين اعمل كذا بأسم الحب واسمع الكلام كله ده هيروح مدام اتنسي الاهم
وصدقني اكتر الناس الي بتشجع الحب بتتظاهر ببعض اشياء مش موجودة فالحب الي بيتكلموا عنه
ده اصلا وفالاخر الاشياء الخطأ بتتوظف علي انه صح وتنفع
ثم الي بيحب بنت عارف الطريق الي يرضي ربنا ايه
والبنت اذا فكرت فالحب فبتفكر ازاي طول حياتها بتحافظ علي نفسها وبترضي ربنا اولا واخيرا
وساعتها ربنا يكرمها بانسان يكون راضي عنه ده حب البنت فراي هو عفتها واخلاقها ومحفظتها
علي نفسها مش تقول اصلي بحب بس بحدود وكده وفالاخر تتخانق وتسيب وتحب تاني وبردوا
هيكون حب بجد ..
كلامي مجرد راي شخصي وقد يكون خطأ
تحياتي ..
الاخت المحترمه (menna hassan)
فضلا حضرتك تكتبى رد كبير ومنمق وبالتشكيل فى بعض الكلمات
وعند كتابه الرسول صل الله عليه وسلم حضرتك كتبتى (ص)
فضلا لماذا هذا الاختصار كتبتى مئات الكلمات وعند ذكر رسول الله صل الله عليه وسلم تكتبى (ص) لايصحاقتباس:
عرفنا الخالق الواحد اللى من اهم صفاته انه رحمن ورحيم و(عشان كده حبناه),,
وعرفنا رسولنا ص اللى قهر من الكفار واستحمل العذاب عشان يوصلنا للجنة اللى اطلق علينا لقب احبابه واحنا امنا به وعشقناه من غير ما نشوفه و( عشان كده حبناه),,
تقديرى واحترامى
وعلى فكرة.......انا كمان مش شايفة انى قلت اى حاجة مستفزة
وحضرتك تقدر تراجع كل ردودى.......
والغلط انى اعمم فكرة الحرام لكل اللى اتجوز جوازة غير جوازة الصالونات..
وقلت ان البنت هى اللى فى ايديها تخلى الارتباط ده حلال او حرام..
وضربت امثلة كمان فى ردودى.......ومعتقدش ان الامثلة فيها يا سمح الله اى غلطة تغضب ربنا,,
ولو كده مكانش ربنا تمم عليهم بالزواج والاولاد الصالحين والهدوء والحب والاستقرار النفسى اللى موجود فى حياتهم.........
والمفروض ان صاحبة الموضوع اللى طرحت الفكرة للنقاش واللى حددت ان البنات نوعين بس
النوع اللى مش محترم اللى زى ما هى بتقول بتصاحب ,,وتعيش,, وتروش,, وتخرج ,,
والنوع المحترم اللى بتستنى جوازة الصالون..
تقولى رأيها فى الامثلة اللى انا اتكلمت عليها وتناقشنى فيها وتقولى لو الامثلة دى كمان فيها حاجة حرام ولا ايه....؟؟
بس للاسف ترجع تانى صاحبة الموضوع وتكلمنى عن النوع اللى كلامنا اصلا مش عليه ...
لان بديهيا معروف النوع ده من البنات او الشباب انه مغيب دينيا وتربويا واخلاقيا
واجتماعيا ....ودول ربنا يحفظنا منهم ومن امثلهم ..
دلوقتى بقى حضرتك تقدر تقولى انهى جزء بالضبط كان اسلوبى مستفز فيه..؟
مشكور..
وفى الأخر اللى بيحدد اى علاقة هتوصل لفين هى البنت .. هى اللى ممكن تحط قواعد للعلاقة وممكن تفرط فى القواعد دى وترخص نفسها........
وهو ده اللى كنت اقصد اقوله من كل ردودى فى الموضوع ده.....
ان البنات انواع يعنى فيه المحترم واللى عارفة حدودها ودينها كويس ..حتى لو حبت حد
او عرفت ان فيه حد بيحبها .....
ونوع تانى بتحاول تعمل حدود بس مع الحب ..للاسف مبتعرفش......
ونوع تالت..صارمة جدا لدرجة انها مبتعرفش تفرق ما بين اللى بيقولها انا بحبك بغرض الزواج فعلا او بغرض تانى مش محترم فعندها كلهم سواسية.....
اما انواع زواج الصالونات ده كتييييييييير جدا..
1- بنت سنها كبر فمفيش حل تانى غير كده........
2-بنت حياتها مغلقة جدا فبتكون عايزة تخلص وخلاص..
3-واحدة اتشافت فى فرح او اى مناسبة وحصلت حكاية الصالون دى
4- او واحدة اتكسرت فى حب قبل كده فبقى عندها كل الجوازات زى بعض..
5-او بنت ربنا كاتبلها الزوج الصالح فى جواز الصالونات دى..
يعنى زى ما فيه الخير فيه الشر..زى ما فيه جواز صالونات مش موفق.. فيه زواج صالونات بيعيش وبيكبر بكل حب ووفاق وهدوء نفسى...
وهو ده اللى كنت عايزة اقوله لصاحبة الموضوع ان حرام فكرة التعميم فى حرمانية كل اللى اتجوز خارج الصالون.......!!
لو حضرتك بتتكلم عن ان مفيش حاجة اسمها علاقة صداقة بين رجل وامرأة.........
فأنا مع حضرتك فى الكلام ده جدا ..لان يوم ما اشوف جوزى بيتكلم مع واحدة وبيدافع عنها ولا حتى بيتصل مخصوص عشان يسلم عليها.......... هيكون فيه كلام تانى تماما..
ونفس الكلام..يوم ما اشوف ان فيه واحدة متجوزة بتتكلم فى التليفون مع واحد بعشم اوى
وفى الاخر تقول ده صاحبى.......sorry .. لا تعليق..
تحياتي
اولا..لو كلام حضرتك ده رأيك الشخصى ومش معروض للمناقشة......فأنا اتقبله بكل احترام..!
انما لو ده رد حضرتك على مشاركاتى فى الموضوع هنا..
فاحب اقولك ان ردودك ملهاش علاقة بالموضوع اصلا..يعنى ايه..
بترد بهدوء لانها صح لانها مبتفكرش هتطلب ايه
ولو مطلبتش او طلبت فحدود الموجود يبقي هي غلط ليه مش فاهم
بس تقريبا وجهات نظر ان لما تاخد اكتر تحس بنفسك طبعا خطأ فالطباع
انما الوجه الاخر بيتكلم بهدوء لانه مبيفكرش هيأخد ايه قبل ما يبدأ بالعطاء
يبني بيت ليه اساس مبني علي ود واحترام كل طرف للاخر مبني كل طرف يتقي الله فالاخر وفالبيت ده........
وكمان يعنى ايه............
ما هو علشان الكلام صح يبقي لا
هو ده الاختلاف
ان تلاقي انسان يفكر يدي واجباته قبل ما ياخد اي مقابل
وجهات نظر وكل انسان حسب ما اتعود
مش فاهمة حضرتك بتتكلم عن عطاء وتضحية ويدى واجباته ومبيفكرش هياخد ايه......!!!!
واحنا موضوعنا عن حاجة تانية خاااااااااااالص ..
وبعيد عن طريقة حضرتك الغليظة اللى مينفعش تتكلم بها مع حد متعرفهوش..بس انا هرد على حضرتك واقولك ......ان نقطة اعتراضى مع صاحبة الموضوع على فكرة انها حددت فكرة الجواز الحلال بس فى زواج الصالونات..........وده طبعا مش مضبوط تمااااااااااااما..
لان ربنا هو اللى بيقدر الموضوع ده مش اى حد تانى وبيكون كاتبه للبنى أدم من يوم ولادته واللى يأكد كلامى ..
اننا بنسمع عن جوازات كتيييييير جدا بتحصل بطريقة غريبة عجيبة ومش محسوبة ..
وثانيا.. ان مش كل الجوازات جوازات صالونات.....وبتكون جوازات محترمة جدا برضه.
ثالثا ..ان مش كل زواج الصالونات زواج ناجح..لا فيه كتير منه بينتهى بالطلاق..
هى دى نقطة اختلافى ........ومعتقدش ان رد حضرتك فيه اى علاقة باللى انا بتكلم فيه..!
عامة مشكور على وجهة نظرك..
وجزاك الله خير..