الحُب الحلال و جواز الصالونات وجهان لعملة واحده ;))
كل الحكاية اننا مش بنتقبل مصطلح " جواز الصالونات "
و أول حاجة بتيجى فـ بالنا مشهد مارى مُنيب فـ أفلام الأبيض و أسود لما كانت بتخطب لابنها
# انتى عايزة تحبى " حُب حلال " !! صح ؟؟
طيب هيبقى حلال إزاى لو ماكنش البداية من البيت و قدام أهلك !
و متقوليش أتعرف عليه و يجى يخطبنى ! يبقى بتضحكى على نفسك )
و متقوليش عادى شوفت ناس كتير مصاحبة و بيتخطبوا !
هقولك " لا يستويان " متقنعنيش انى بنت حافظت على قلبها و نفسها عشان جوزها و بس ،
حياتها معاه هتبقى زى بنت صاحبت و عاشت و روشت و خرجت و لفت ،
فيه حاجة إسمها بركة ربنا " بركة فـ الرزق و الحُب و الحياة نفسها " ..
الحُب الحلال لما حد يتقدملك و عايزك مراته و حافظ عليكى ،
مش حد يصاحبك و بعد كده أنتى و نصيبك معاه بقى !
لو مش عاجبنا اننا نسميه جواز صالونات ، نسميه " حُب حلال بيرضى ربنا " ..