حد يلحقنى ياجدعان (خبراء الاوكتافيا 2008)

**medhatr** · 06-10-2012 08:46 PM

السلام عليكم
عندى مشكله ومش عارف اعمل ايه
اناسيبت العربيه تتغسل فى محطه بنزين وقولتله روقلى العربيه لحدماوصل مشوار
رجعت لقيته غسل المكنه جيت أمشى بالعربيه لقيتها بتنتش وصوتها عالى رحت لواحد كهربائى قعد يفك فى الفيش وينضفها بالهواء وبمزيل الصداء وقالى سيبها تنشف وهيا هترجع كويسه وراح فاصل فيشه بيقولى دى بتاعه الهوا المهم سيبت العربيه عند البيت يومين وبعدكده ركبت الفيشه الى كان شيلها ودورت العربيه لقيتها عماله تقطع شويه وتبطل بعد كده حاولت كذه مره وبرضه نفس المشكله شيلت الفيشه راحت ماشيه بس مابتسحبش خالص ولمبه التزحلق منوره قولولى أعمل أيه ياناااااااااااس

**ahmadmidoo** · 06-10-2012 10:52 PM

غالبا في ميه جت علي لوحة الكمبيوتر المفروض المطور يتغسل بالفوم مش بالميه

عموما هتروح لحد عنده كشف كمبيوتر يلخص لحضرتك الاعطال

ولو ثبت عطل الكمبيوتر بلاش تصلحه حاول تشتري واحد استيراد او جديد

**ahmadmidoo** · 06-10-2012 10:54 PM

وبالنسبة للفيشه هتلاقيها فيشة حساس ممكن علبة البيئه ممكن اي حساس ياريت صورة وانا مش عارف ايه لمبة التزحلق دي

**M.Al-Hefnawy** · 06-10-2012 10:55 PM

حط العربية على إسكانر ... ممكن يكون الكنترول وصله ميه.

**benmatar** · 07-10-2012 04:25 PM

فك البطارية وركبها تاني
حصلتلي ولمبة الدركسيون فضلت منورة وطفت بعد ما عملت كده ومكانش فيه اي مشاكل
بس اتأكد إن كل الفيش ركبت كويس، عشان مرة نظفت الموتور بالهوا بس والعربية مشيت 3 بسبب إن فيشة اتهزت وكانت موصلة كهرباء ل 3 سلندر وبتقطع روحت لمحمد أصلان هو اللي اكتشف الفيشة المفكوكة واتحلت في 10 دقايق بعد ما قطرتها من المهندسين لعنده

**medhatr** · 07-10-2012 07:40 PM

شكرا لحضراتكم
أنا أول حاجه عملتها فكيت البطاريه
واللمبه الى بتنور اسمها asr
أن شاء الله بكره هصورلكم الفيشه بتاعه الحساس وارفعها
بس عاوز اعرف تمن الكمبيوتر كام تقريبا

**طارق _عبد السلام** · 07-10-2012 09:46 PM

اكبر خطأ يقع فيها اغلبنا هو غسيل الموتور بالمياه القويه وترك عامل الغسيل يغسل الابواب من الداخل
=========
غسيل الموتور ممكن يجيب مشاكل كثيره اكبر هذه المشاكل الباور وده غالى
=========
ومشاكل غسيل الابواب من الداخل تخريب ازرار الزجاج
============
الافضل الموتور بالفوم او نظف الموتور
والابواب من الداخل تنظف بفوطه مبلله

**bmya** · 15-10-2012 12:48 AM

ربنا معاك
المشكله ان العامل بتاع البنزينه يحسسك انه عبقري زمانه ومتخافش يا بيه ده انا لسه غاسل مرشيدس من شويه وعادي وبتاع و لما تحصل المشكله متلقيش ابن اللذينه ده جمبك
ربنا يعينك