فين التوفيقية دي

**Sailor** · 06-07-2008 12:38 AM

لو سمحتوا يا جماعة حد يقوللي فين التوفيقية دي بالضبط و لو بعيدة هل مستاهلة المشوار ولا شارع دمشق و خلاص.أنا عايز أجيب فرش جلد نظيف لو حد عارف السعر.... شكرا

**mokelanos** · 06-07-2008 12:41 AM

التوفيقيه فى شارع رمسيس بعد محطه الأسعاف بجانب دار القضاء العالى وممكن تركب مترو الأنفاق وتنزل محطه جمال عبد الناصر

**Sailor** · 06-07-2008 12:51 AM

ألف شكر علي الافادة بس هي أرخص فعلا ولا مش مستاهلة. الفرش الجلد الكويس يبقى في حدود كام

**theking2690** · 06-07-2008 12:52 AM

هتلاقيها ورا شركة مصر البترول

**mohamed ibiza** · 06-07-2008 01:07 AM

والله التوفيقية فيها كل حاجة و حسب شطارتك و قدرتك علي اللف و التدوير انا عن نفسي جبت فرش المرسيدس 280 كنبة و كرسيين ادام و كسوة المسند اللي بين الكرسيين و 4 كسوات لمساند الراس بس حاجة نضيفة هما صيني طبعا بس الخامة بتفرق شوية جبته ب 340 جنيه من 420 بس برضه يعني لو كانت ست اللي بتشتري هتطلع عينهم و تاخدو بسعر اقل نصيحة خد معاك اختك او مراتك او والدتك هتعرف تتعامل معاهم احسن مننا لانهم دباحين برضه

**Sailor** · 06-07-2008 01:28 AM

ماهو مش معقولة أسحبهم معايا في كل حاجة عايز اشتريها ..... ياعني أخسف بالتمن الأرض عشن أخد سعر كويس؟

**mohamed ibiza** · 06-07-2008 01:31 AM

المشاركة الأصلية كتبت بواسطة Sailor

ماهو مش معقولة أسحبهم معايا في كل حاجة عايز اشتريها

..... ياعني أخسف بالتمن الأرض عشن أخد سعر كويس؟

لا خد شخص واحد بس مش لازم كلهم لو كلهم البياع هيديهملك ببلاش هههههه:)

انت حاول معاهم لاقصي درجة لانهم بيضربوا السعر في العالي لازم تقصهم جامد و مهما قصيتهم برضه كسبانين

**cobraa2008** · 06-07-2008 02:34 AM

بس التوفيقية سهلة خالصة انت هي عند الاسعاف ادام سنترال رمسيس
واذا انت عايز تروح هناك انت ممكن تنزل وسط البلد ويدلوك او تعمل زي ما انا عملت ركنت تحت الكوبري وخدتها مشي ومليون مين يدلك

**Sailor** · 06-07-2008 02:59 AM

شكرا جزيلا علي الإفادة و ربنا يباركلكم

**moshax** · 07-07-2008 08:28 AM

دى فى وش سنترال رمسيس واشهر شارع فيها شارع ذكى هى طبعا ارخص بكتير من دمشق ودة فرق الايجار والمكان واغلب التوفيقية بيع جملة ...؟؟ لو عاوز حاجة من هناك انا تحت امرك انا ليا قرايبى كتير فاتحين محلات هناك ممكن اسالك عن اى حاجة انت عاوزها؟؟