سؤال تقدر يطاوعك قلبك وتشترى عربيه من واحده ست ؟؟؟
المعروف ان الستات مهملين جدا فى عربياتهم خرابيش وتجريح وخبطات وعدم صيانه والصنايعيه يضحكو عليهم ويركبلهم ارخص حاجه ويشتغللهم اى كلام
تقدر بعد ده كله تشترى عربيه من واحده ست ؟؟؟
مع احترامى للمرأه
انا حكمتى بعد تجربه لاتشترى عربيه من واحده ست ولا من راجل كبير فى السن
:00020140:
لا عادى !! ممكن اشتريها
اكيد لا وفي اي مجال لو حبني عمارة مثلا استحالة مهندسة تمسك الموضوع .وفي الطب برضه
ممكن في التدريس يمشي الحال ده اخرهم
بص ياباشا انا اشترى عادى من واحده ست اكتر حاجه هلاقيها فى العربيه انها مخبطه خبطات خفيفه من بره بس مش مدشمله ولو بالطريقه ديه يبقى مش هنشترى مستعمل متاخدش عربيه من تحت ايد شاب برضه هتلاقيها مفرومه يعنى كله هيبقى وحش بس هى فى الاخر نصيب
بالعكس !!
انا مش مع حضرتك في بعض النقاط
حضرتك بصيت للموضوع من الجانب السئ لكن فيه نقاط مش هتلاقيها الا لما تشتري عربية من ست !!
اولا الماتور بحالته تماما وكفاءة عالية جدا لان نادرا لما تلاقي ست بتحرق على الغيارات
العفشة بحالتها لان الستات بيمشو براحة اصلا من غير حاجة
كذلك الفتيس هتلاقي حالته ممتازة لو العربية اتوماتيك لان اخرها هيبقى تجيب ال d وتسبها
الفرامل / الفلاتر ... الخ من قطع الغيار الاستهلاكية هتبقى حالتها كويسة لان الستات عموما استهلاكهم للعربية بسيط وسواقتهم هادية
المشكلة الوحيدة ان في سواقة الستات هي الخبطات
فلو العربية فبريكة وحالة الدهان الخارجية كويسة هتبقى العربية دي لقطة !!
اقتباس:
المشاركة الأصلية كتبت بواسطة eldell
انا معاك فى الخبطات لكن فى الصيانات والاصلاحات كله بيتعمل اى كلام ومفيش خبره فى التعامل مع الصنايعيه والنتيجه فى الاخر شغل عك
واعتقد ان القاعده فعلا كده مع كل الستات
لكن الرجال الاستثناء هو الشاب الى بيفرك وبيجرى وبيفرم العربيه
لو راجل كبير فيها أمل لانه فى كتير من الأحيان بيكون بيسوق من زمان و محافظ على العربيه بزياده كمان . لكن واحده ست أو بنت بصراحه ما اعتقدش هى ممكن تكون بتعمل الصيانه فى التوكيل فما حدش بيضحك عليها فدى مش مشكله قوى و ممكن تكون عامله تأمين فلما فانوس و لا حاجه بتتكسر بيصلحوها لكن المشكله بقى فى صاج العربيه المتبهدل و الحكات و الخرابيش و الخبطات اللى فى اماكن ملهاش تفسير علمى أو منطقى و لو عندها اطفال يبقى الفرش الداخلى كده بالسلامه و طبعا لما تيجى تشترى هتعتبر أنها ما بت تكلمش عربى لما تيجى تسألها عن حاجه فى ميكانيكا أو كهربه العربيه يعنى هتقولك البتاعه اللى قدام فى الموتور أو مصطلحات من عندها و انت المفروض تخمن يا ترى قصدها ايه. انا فاكر قريب. كنت باصلح كاوتش العربيه عند بتاع الكاوتش و جت واحده عايزه تشترى فرده كاوتش علشان بتاعتها نامت و هى فكره ان العجله لما بتنام بتترمى و تشترى واحده تانيه مكانها ... لأ و بتترمى بالجنط بتاعها و بتجيب واحده غيرها جديده على بعضها :coolio: ده مثال صغير بس على اللى ممكن تقابله و ما خفى كان أعظم. :pffft:
اول عربية اشتراها والدى كانت 127 و كان موديلها عدى عليه 4 سنين و كانت بتاعت واحدة ست و كانت عربية زى الساعة قعدت معانا 7 سنين و كانت زى الفل و اتباعت فى اواخر التسعينات, و اللانوس اللى معانا دلوقت المالك الاول بتاعها كانت ست هى كمان و كانت حالتها كويسة.. الفكرة فى اهمال الصيانة يا اما بسبب الجهل بميكانيكا السيارة و دة موجود عند ستات و رجالة كتير و شباب اكتر, يا اما بسبب الظروف المادية اللى مش بتخلى الواحد يعرف يعمل صيانة دورية منتظمة لعربيته .
يعني الشاب هو الي حلو
ده بيكون بهدل كل شئ فالعربية
طبعا انا ضدد المبدأ ده
مجرد راي ..
طبعا لا مشتريهاش دى العربية بتبقى صفيحة زبالة منهم
اقتباس:
المشاركة الأصلية كتبت بواسطة Ahmod
عن تجربه واللى سقتها بعد كده بنت برده ( أختي ) وبعدين أنا
لا يمكن أفكر حتى مجرد التفكير فى كده :@
بعد اللي بشوف أختي بتعمله في عربيتها.... وشششش لأ طبعاً!!
حاجة مشتركة في كل عربياتهن لازم يكون الأكصدامين بالرفارف فيهم كل أنواع الخرابيش و الخبطات!! و ده تقريباً علشان فكرة أستخدام مرايات العربية لغرضها الرئيسي في متابعة الطريق مش موجودة أصلاً..
+111111111111111111111
اقتباس:
المشاركة الأصلية كتبت بواسطة land_cruiser
انت كده قولت الى انا عايز اقوله من واقع رؤيه فعليه
ههههههه بس مكنتش متصور للدرجه دى فيه ستات ساذجه
انا كنت بشوف ميجان وكانت مع واحده ست وكنت رايح اشوفها على اساس انا مارشتش اطلاقا المهم رحت شوفتها لقيتها راشه جنبين والجنبين لونهم مختلف عن السقف والكبوت والشنطه وطبعا بدون حضورها رمتها عند البوهيجى وخلاص متعرفش حاجه راحت استلامتها منه بعد ما اتصل بيها وقال لها خلصت يا مدام
والعجيب انها استغربت لما قلت لها واضح انها رشه حزام ... بصتلى بستغراب وقالتلى ايه بتقول ايه يعنى ايه رشه حزام !!!!!!!!!!!!!!
ردت انت ياحسين ههههههههههه
عربيتى المالكه الاولى سيده
وبسم الله ما شاء الله العربيه تُحفه وملهاش حل
الله ينور ياحسام بك....بس السؤال بقي يعني ايه راشة حزام يعني الجنبين برفارفهم ؟
انا للأسف الشديد شاري عربيتي الحالية من المالك الأول (اول يد) وكانت سيدة
وفي الموضوع دة انا مؤيد ومعارض
للأسف السيدة - بترمي العربية عند الميكانيكي (غالبا اقرب ميكانيكي للبيت) ولا تعلم ما يتم في سيارتها ولا تهتم ان كان الميكانيكي متخصص في نوع سيارتها ام انه من النوعية الgeneric
كذلك الكهربائي - المهم الزجاج بيفتح ويقفل - الأنوار بتنور - التكييف شغال - لكن هو عمل ايه او لغي ايه
كذلك العفشجي
كذلك البوهيجي والسمكري
بس تعال شوف حاجة تانية
هتلاقي الصالون بحالة جيدة غالباً
لو فتحت شنطة العربية لن تري اثار لزيوت او ماشبه
كل الفبرات والحليات كاملة وفي مكانها
لن تري تعديلات سواء في الموتور (تسقيط وخلافه) او في الجنوط او في البودي او تغيير للألوان الصالون والتابلوه وفرش الأبواب
لن تجد حادث أليم أدي الي تغيير نص او ربع او حتي وصلت لحموات - بحد أقصي خرابيش وتريحات بسيطة
بنسبة كبيرة لو كانت السيارة موديل حديث ستجد الموتور بحالة الفبريكة وكل ماهونالك عايزة اسطوانة وديسك وتيل وكلام من دة
اعتقد انا ممكن اركب سيارة من بعد سيدة ولكن يشترط الموديل الحديث وتوافر فواتير التوكيل
تحياتي
الحزام - هو كل العربية ماعدا السقف والكبوت وباب الشنطة اي (رفارف وابواب واكصدامات)اقتباس:
المشاركة الأصلية كتبت بواسطة windofchange
انا عربيتي شاريها من واحدة ست فعلا
وزي الفل
لكل قاعدة شواذ
لكن فيه اسباب خلتني اشتريها وانا مطمئن
بغض النظر عن الكومنتات اللي فوق دي كلها اللي انا ماقرتهاش .. خالتي اقرب مثال عربية دايو لانوس موديل 2000 تعالي اتفرج علي حالت العربيه المتور بيكب ميه مش بينطر ( اقسم بالله قدام عيني تحس واحد قاعد جوه الجاكمان وبيكب ميه لبره العربيه اترشة عشان شوية خدوش قال وماغيرتش في العربيات غير كوتشاتها وشويه كوتشات في العبشه عشان نشوف مش اكتر والعربيه دلوقت عامل 40000 كيلو لدرجة ان واحد شافها قالي دي موديل 2010 ولا 2011 قولتلو دي موديل 2000 سابني ومشي فاكرني بهزر
ولا شاب صغير ولا ست الا من رحم ربى .. راجل كبير لازم تكشف وحتلاقى حاجة من اتنين
يا ئما العربية مافيهاش غلطة او حتلاقيها خردة
ممكن طبعا ومستحيل اشتريها من شاب لان غالبا الموتور هيبقي مودع
من الست غالبا الموتور كل اللي عايزه هيبقي اسطوانه وديسك عشان مش بيشيلو رجليهم من علي الدبرياح
وفي بنات كتيير مش بتتعامل غير مع التوكل عشان برده تريح دماغها
مينفعش تعمم كل حاجة.. ماهو وارد الواحد يروح يشتري من راجل ويكون مبهدل في العربية, و ممكن تروح تشتري من ست و تبقى محافظة عليها..
ده غير ان معظم الحوادث الكبيرة بتحصل لرجالة عشان السواقة بسرعة, بالنسبة للستات اه هتلاقي خرابيش.. بس بذمتك مين في مصر عربيته خالية منها؟؟ ده انا ركنت العربية تحت العمارة مرة رجعت لقيت واحد واخدلي الكبوت بالعرض بمفتاح !! و بالمناسبة السعيدة دي, انا شارية العربية من صاحبها أول يد مليانة خرابيش, الراجل ملمسش دهانها من 2004 عشان يتضفها شوية..
كل حاججة فيها الكويس والوحش, مش كل الستات سواقتهم وحشة و كل الرجالة مايكل شوماخر.. بلاش التعميم.
+1111111111111اقتباس:
المشاركة الأصلية كتبت بواسطة syd
مهو فى الخبطات والاصلاحات والصيانه اغلب البنات او الستات بيرحو دماغهم ويروحو التوكيل يعنى كل الى بيبقى متبهدل العربيه من بره ومن جوه هتلاقيها محل دباديب ههههههههاقتباس:
المشاركة الأصلية كتبت بواسطة hossam_elwani
ولو راجل كبييييير برضه هتلاقيه نفس الموضوع العربيه ممكن تبقى مبهدله من بره علشان حكم السن وكده بس مش كله وفى عربياتهتلاقيها زيرو لاكن شبااااب اوووووووووووعى هتلاقى مكنه رايحه فى داهيه
انا ليا تجربتين في المجال ده لأن العربيتين اللي اشتريتهم في حياتي كانوا من ستات :))))))))))
العربية الأولى (لانوس 99) كان سايقها قبلي شاب اتعلم فيها ( !!!! ) و بعدين راح جاب عربية زيرو , و قبله كانت واحدة ست
و العربية التانية (ميجان 2010) كانت بتاعة واحدة ست برده
العيوب المشتركة :
- اهم عيب مشترك ان العربيتين من برة كان فيهم بعض الخدوش , اكصدامات اللانوس كان الدوكو متبهدل خالص لما جبتها , و العربية اصلا كانت راشة برة كلها و الصنايعي ما كانش قد كده خالص , المهم شوية كده و رشيت الاكصدامين و لمعت العربية و بقت حاجة تانية خالص
- الكاوتش في الاتنين كان في الضياع و غيرته
انا ما اكتشفتش عيوب تاني في الميجان لحداثة الموديل طبعا ,
لكن ممكن اقول في اللانوس
- الصيانة الدورية سيئةةةةةةةةةةةةةة جدا جدا جدا, كأنها ما بتتعملش لدرجة ان العربية كان في الردياتير مياة حنفية , و طبعا غيرتها
- قطع الغيار اللي متغيرة في العربية زي طرمبة البنزين مثلا اغلبها مضروب , طبعا واضح السبب
- غيرت طقم دبرياج (ممكن اكون انا السبب لأني كنت باسوق جديد) , و عفشة بقى مساعدين ببطاجان بكوبايات بصرر ببلي عجل :))) , و العفشة بقت تمام التمام
المميزات في الاتنين :
- حالة الصالون ممتازة , اللانوس كانت معمولة جلد نضيف كانت حالته كويسة جدا و فضل بحالته 3 سنين لحد ما بعتها و حالة التابلوه و الابواب كأنها عربية زيرو , و الميجان كان صالونها كأنها جديدة
- الكيلومتر قليل في الاتنين , كنت شاري اللانوس عمرها 10 سنين و كانت عاملة 73 الف كيلو , و الميجان كانت عاملة 20 الف كيلو في سنتين و شوية عملت قدهم في 8 شهور
فيما عدا اللي ذكرته كانت حالة اللانوس مثلا كانت كويسة جدا و لما جيت ابيعها اكتشفت ان ناس كتير من اللي حواليا كانوا منظرين عليها و كل ما ادخل بيها عند صنايعي يبقى طمعان ياخدها :))
فعلا موضوع الكيلو متر القليل دة - ميزة في عربية الستات
انا عربيتي شاريها موديل 99 من سنة ونص يعني بعد 12 سنة من تاريخ الصنع - ومع ذلك كانت عاملة 117 الف شرعي وانا عملت 20 الف في سنة
وفي عربية تانية بتركن عند الشغل عندي - هموت واشتريها - ولما كلمت بتاع الجراج قالي انها عربية مدام ساكنة في نفس العمارة اللي فيها الشركة اللي انا شغال فيها
العربية مش بتخرج غير الصبح بدري تروح المدرسة بالأولاد وتتركن لحد ميعاد الخروج وتروح تجيبهم وترجع تتركن
طول فترة اجازة الصيف العربية مش بتتحرك من مكانها
العربية بودي وصالون وتابلوه وفرش وكل حاجة زيروووووووو
ربنا يباركلها فيها ويحفظهالها
أشتريها من شمبانزي.............لو حالتها حلوة.
الموضوع مش مقياس و فيه أختلافات كتيييير من واحدة للتانية.
و بعدين الست لو متجوزة أو ليها أخوات.........المفروض يعني أنهم هما اللى بيتعاملو مع الصنايعية مش الست.
السؤال الصح ...... هل يطاوعك قلبك تشتري عربية مستعملة من ورا مصري/مصرية ؟
بلاش التعميم ............ كلنا زفت الزفت
الرجالة فاكرين نفسهم مايكل شوماخر في زمانه .......... و الستات بتسوق على ما تفرج .
و الكل زفت إلا القليل .......... القليل .......... والقليل هنا رقم صغير قوي .
نسبة كبيرة منهم لكن في ستات ممكن تشتري منهم فعلا منور يا ابو علواني يا كبير
ما ممكن تشترى من راجل بردوا معندوش خبرة انت يعنى ضمنت انه خبرة منين هو انت تعرفه قبل كده الراى الصح انى اجيب جديد لو رخيص وامكانيات محدودة ومجبش غالى مستعمل مكان حد الله اعلم عامل ايه وبعدين موضوع ست وراجل ده بقى قديم اوى انا شخصيا بروح التوكيل يعنى مفيش صنايعى بيضحك على والحاجات البسيطة بعملها بنفسى تغيير عجلة تغيير لمبات اشارة جانبيه الحاجات دى بعرف اعملها بعينى اللى له عين وراس يعمل زى الناساقتباس:
المشاركة الأصلية كتبت بواسطة hossam_elwani
اقتباس:
المشاركة الأصلية كتبت بواسطة ahmed a.maksoud
ههههههه حلوه حتة شامبنزى دى وفعلا كلامك منطقى
اقتباس:
المشاركة الأصلية كتبت بواسطة tutankhamoun
كلام سليم
يعنى الشباب الى عدلين انا اعرف ناس معاهم اولبترا 2009 لو شفتها دلوقتى متشتريهاش ب50 الف من الى بيحصل فيها
كل عيوب الستاتا الخبطات يعنى ممكن تسترى عربية من واحده ست و ترشها وا تكون مرشوشه قبل كده بس هما بيمشوا بالراحة ده العادى فمش هتلاقى تخييش فى الشاسيه او ما الى ذلك
و الصيانات اعتقد 0% من الستات بيخلوا اخواتهم اجوازهم هما الى يعملولهم الصيانه نادر جداا ماا الاقى واحده ست هى الى بيعمل صيانه عند عفشجى او ميكانيكى
ملحوطة عربيتى القديمة كانت بتاعت واحده ست
على حسب ياباشا ما انت برده مش هتشتري عربيه اسف في الكلمه عمياني عشان هي بتاعت وحده ست
كده كده هتبص عليها وتفحصها كويس عجبتك هتشتري معجبتكش بلاش منها وخلاص
يعني هي المساله فييها عيوب ومميزات عيوب زي انهم غالبا مش فاهمين في ميكانيكا وعفشه وكده يعني
لكن غير كده تلاقيهم مش بيجروا ويحرقوا على العربيه وكده يعني
على عكس لو اشتريت من شاب تلاقيه اه مهتم بالصيانه وكده(ومش كلهم برده) بس تلاقيه هالك العربيه سفر وشد وتوجيب في الافراح والزفات واعياد الميلاد والطهور من تخميس وفرك وامركه وبيرن اووت
فكده كده الواحد لما يشتري مستعمل هيتفرج على العربيه سواء صاحبها ست او راجل
لاااااااااااااااااااااااا اااااااااااااااااا
و عن تجربة مؤلمة للأسف