سؤال تقدر يطاوعك قلبك وتشترى عربيه من واحده ست ؟؟؟

**hossam_elwani** · 07-10-2012 12:44 AM

سؤال تقدر يطاوعك قلبك وتشترى عربيه من واحده ست ؟؟؟

المعروف ان الستات مهملين جدا فى عربياتهم خرابيش وتجريح وخبطات وعدم صيانه والصنايعيه يضحكو عليهم ويركبلهم ارخص حاجه ويشتغللهم اى كلام

تقدر بعد ده كله تشترى عربيه من واحده ست ؟؟؟

مع احترامى للمرأه

انا حكمتى بعد تجربه لاتشترى عربيه من واحده ست ولا من راجل كبير فى السن

**matrix_it** · 07-10-2012 12:57 AM

لا عادى !! ممكن اشتريها

**ali_333** · 07-10-2012 01:10 AM

اكيد لا وفي اي مجال لو حبني عمارة مثلا استحالة مهندسة تمسك الموضوع .وفي الطب برضه

ممكن في التدريس يمشي الحال ده اخرهم

**eldell** · 07-10-2012 01:18 AM

بص ياباشا انا اشترى عادى من واحده ست اكتر حاجه هلاقيها فى العربيه انها مخبطه خبطات خفيفه من بره بس مش مدشمله ولو بالطريقه ديه يبقى مش هنشترى مستعمل متاخدش عربيه من تحت ايد شاب برضه هتلاقيها مفرومه يعنى كله هيبقى وحش بس هى فى الاخر نصيب

**Ahmod** · 07-10-2012 01:22 AM

بالعكس !!

انا مش مع حضرتك في بعض النقاط

حضرتك بصيت للموضوع من الجانب السئ لكن فيه نقاط مش هتلاقيها الا لما تشتري عربية من ست !!

اولا الماتور بحالته تماما وكفاءة عالية جدا لان نادرا لما تلاقي ست بتحرق على الغيارات

العفشة بحالتها لان الستات بيمشو براحة اصلا من غير حاجة

كذلك الفتيس هتلاقي حالته ممتازة لو العربية اتوماتيك لان اخرها هيبقى تجيب ال d وتسبها

الفرامل / الفلاتر ... الخ من قطع الغيار الاستهلاكية هتبقى حالتها كويسة لان الستات عموما استهلاكهم للعربية بسيط وسواقتهم هادية

المشكلة الوحيدة ان في سواقة الستات هي الخبطات

فلو العربية فبريكة وحالة الدهان الخارجية كويسة هتبقى العربية دي لقطة !!

**hossam_elwani** · 07-10-2012 01:23 AM

المشاركة الأصلية كتبت بواسطة eldell

بص ياباشا انا اشترى عادى من واحده ست اكتر حاجه هلاقيها فى العربيه انها مخبطه خبطات خفيفه من بره بس مش مدشمله ولو بالطريقه ديه يبقى مش هنشترى مستعمل متاخدش عربيه من تحت ايد شاب برضه هتلاقيها مفرومه يعنى كله هيبقى وحش بس هى فى الاخر نصيب

انا معاك فى الخبطات لكن فى الصيانات والاصلاحات كله بيتعمل اى كلام ومفيش خبره فى التعامل مع الصنايعيه والنتيجه فى الاخر شغل عك

واعتقد ان القاعده فعلا كده مع كل الستات

لكن الرجال الاستثناء هو الشاب الى بيفرك وبيجرى وبيفرم العربيه

**truss** · 07-10-2012 01:25 AM

اول عربية اشتراها والدى كانت 127 و كان موديلها عدى عليه 4 سنين و كانت بتاعت واحدة ست و كانت عربية زى الساعة قعدت معانا 7 سنين و كانت زى الفل و اتباعت فى اواخر التسعينات, و اللانوس اللى معانا دلوقت المالك الاول بتاعها كانت ست هى كمان و كانت حالتها كويسة.. الفكرة فى اهمال الصيانة يا اما بسبب الجهل بميكانيكا السيارة و دة موجود عند ستات و رجالة كتير و شباب اكتر, يا اما بسبب الظروف المادية اللى مش بتخلى الواحد يعرف يعمل صيانة دورية منتظمة لعربيته .