انا صراحه اكر حاجه بتغيظني السياراتالدبلوماسيه والعربيات بتاع الخلايجه اللي تمون بنزين مدعم حاجه غبيه اوي يعن احنا ندفع الدعم عشان الاجانب يحوطوا بنزين مدعم
انا صراحه اكر حاجه بتغيظني السياراتالدبلوماسيه والعربيات بتاع الخلايجه اللي تمون بنزين مدعم حاجه غبيه اوي يعن احنا ندفع الدعم عشان الاجانب يحوطوا بنزين مدعم
المشكله الاكبر في الغش والنصب يعني احنا عارفين ان الكثير من اصحاب المحطات بيغشو البنزين يعني دلوقتي الواحد لما يحب يفول ٩٢ مثلا هيفوله اللتر ب ٣ وكسور وفي نفس الوقت هتلاقيه مخلوط ببنزين ٨٠ بعني كأنك عبيت بنزين يادوب محصل ٨٥ وشوف اللتر بقي بكام واكيد حالات الغش هتزيد علشان فارق السعر الكبير ما بينهم هيبقي مغري اكثر للغش
لسه وزير البترول حالا على دريم 2 قايل ان بنزين 95 مدعوم من الدوله فى السنه بـــــ 55 مليون جنيه !!!!!!!!!!
يعنى من وجه نظرى ولا حاجه مقابل دعم بنزين 92 الى يصل الى المليارات
لكل واحد فرحان و بيقول أحسن خليهم يشيلوا الدعم عن بنزين 95 إحنا مالنا أحب أقولهم مقولة ( أكلت يوم أكل الثور الأبيض )
كله هيشترى 126 او اى عربيه ب 3 الاف جنيه وهياخد على قفاه بونات كل سنه ومش بعيد يبيع البونات بسعر حلو على حسها
:))
اعتقد اننا فقدنا الأمل اننا نشوف حكومه مصريه بتفكر على مر العصور وتهتم بالانسان المصرى وتحاول تجعله زى بقيه العالم لكن دائما يجيبوا ناس من كواكب تانيه تحكمنا ده حتى ايام الاستعمار كان يوجد نهضه وبناء على حساب الحريه وأشياء أخرى لكن الأن لايوجد نهضه ولا بناء ولا الأشياء الأخرى... أنا خلاص قربت اجنن من اللى بيحصل :8954[1]:
بصراحة احنا عايشين كابوس
رفع سعر و تخفيض دعم المشتقات البترولية و الوقود ....... مش حيأثر بس على المواطن اللى عنده عربية و اللى حيضطر يحط بنزين لعربيته بمبلغ اكبر من اللى مبلغ اللى هو متعود يحط بيه
لأ
ده حيأثر على أسعار كل شىء حوالينا بمعنى الكلمة ......... الأكل و الشرب و المواصلات و المنتجات الصناعية و الملابس و كل حاجة تقريبا ....... لأن كل شىء بيعتمد على الوقود بشكل او بأخر
و لو تفتكروا لما احمد نظيف و احمد عز زودوا أسعار الوقود من كام سنة ..... أسعار كل حاجة تانية زادت ازاى
موجة غلاء بشعه حتضرب الجميع ......... اللى معاه عربية و اللى ماعندوش
الموضوع ده فكرنى بجملة قريتها زمان
لكن هل حقا ستوجه الحكومة الفارق لمحدودي الدخل؟ بالطبع لا. فالهدف قبل كل شيء هو تغطية عجز الموازنة وتقليص الدين العام الذي هو الهم الرئيسي لكل المؤسسات الدولية المهتمة بالاقتصاد المصري.
و لله الأمر من قبل و من بعد :(
الفكره مش ال ٩٥ فقط لكن ده بس البدايه و عد كده هيطلعوا بقوانين لل ٩٢ و ال ٩٠. اللى الدوله معتبراه غنى ده ما هو بيدفع ضرائب و ترخيص قد كده و كل اللى بيتطلب منه يبقى ليه النظره ليه على انه فرصه لاستغلاله و عقابه بالطريقه دى؟ ما هو بيدفع اللى عليه و زياده و مع ذلك ماشى فى طرق مكسره و مفيش اى حاجه عدله بياخدها ثم انه مش ذنب انه غنى لازم يتعاقب عليه ثم انه فى الأول و الاخر مواطن يعنى المفروض انه ليه حقوق. يعنى يبقى ليه حصه معينه من البنزين المدعم و يتم منع الدعم ده عن الأجانب و الهيئات الديبلوماسيه و ما شابه و بكده يبقى فيه نوع من العداله الاجتماعيه . الفكره اللى مش واخدين بالهم منها ان الغنى ده اللى بيفكروا يستغلوه بجميع الطرق و اللى وارد جدا يكون صاحب مشروعات بتشغل ناس كتير ممكن يزهق و يسيب البلد و يشتغل فى اى حته تانيه أو يفتقر حتى علشان يرتاحوا. نسبه الدعم دى و ان كانت مش هتغنيه لكنها هتحسسه بنوع من الانتماء و ان الدوله عاملاله حساب كمواطن و ليس مصدر للاستغلال فقط و مصدر الدخل فى اى بلد محترمه بيكون مصدره من الإنتاج و ليس من الضرائب و الرسوم و لذلك الحل السليم هو العمل و اللى بمقتضاه ممكن إلا نحتاج دعم أصلا و بالنسبه للبنزين ٩٢ ممكن نوفر جانب كبير جدا منه إذا وفروا وسائل مواصلات ادميه و دى هتبقى اسرع و أأمن و أرخص و ساعتها العربيات ممكن تستخدم فى السفر فقط أو فى مشاوير محدوده زى ما الناس بتعمل كده فى العالم كله فهما بيوفروا مواصلات محترمه و فى نفس الوقت البنزين و الديزل غاليين و الناس ليها حريه الاختيار و مش قدامها غير العربيات فقط كحل للحفاظ على ادميتها زينا
كان يوم مطلعتلوش شمس يوم ما انتخبت مرسي !!!
بجد استهبال اللي بيحصل..
انا عربيتي قديمة و مفروض يتحطلها 95, و بحط 92 عشان السعر.. و قلنا ماشي مش أزمة..
انما لما واحد يكون طلعان عينه و افساط عشان يجيب عربية حديثة لازم تمشي ب 95, يعمل ايه بقى؟؟ يولع في نفسه؟؟
ده غير ان اى عربية جديدة بيبقى مدفوع قد تمنها جمارك, ده غير مصاريف الترخيص و.. و..
مااااااااااااااشي, هو اللي غلطان انه اشترى عربية جديدة, حد قالك تجيب عربية كويسة عشان الناس تنفسن؟؟
طب دلوقتي لما يلغوا الدعم عن ال95, و بعديها بشوية عن ال 92, و الله اعلم هايعملوا ايه بعد كده..
مييييييييييين اللي هايلبس في الحيط؟؟ مش بس اصحاب العربيات, لأ, الناس الغلابة اللي هتلاقي كيلو الرز بدل ما ب 5 بقى ب 8..
و طبعاً كل اسعار السلع هاتولع..
في داهية الغلابة, ييجوا على نفسهم شوية.. المهم البلد تنضف...
أمنا بالله, قلت ادوني 100 يوم هاظبط الدنيا و هاحل 5 ازمات.. ال 100 يوم خلصوا,و والحمد لله ال 5 ازمات بيزيدوا على حسك..
لما اكون بدفع ضرايب و جمارك و رسوم نقل و ترخيص و كل الهبل اللي بيتدفع ده, مفروض اتوقع ان يبقى فيه حاجة قصاده.. فين التعليم؟؟ فين الصحة؟ المستشفيات فيها تعاااابيييييين يا بشر" بالفيديو في المنصورة" !! و مستشفي الحسين الفران و القطط بتمشي فيها ولا كأنها بيت ابوها" شفتها يعيني !!!" .. انتوا بتتكلموا في ايه؟؟ طظ في مرسي وحكومته اللي انتخبناهم و قاعدين يغرقوا في شبر مية !!
اه بالمناسبة, الكهربا هاتقطع في الشتا عن محافظان كاملة عشان مافيش طاقة كافية لتشغيلها..
سلمولي على النهجة و النبي لما تشوفوها..
و مش تضايقوا نفسكوا خاااالص, المهم ان المانجة رخصت,و و ريسنا راااااااااجل..
أنا بقى ما أنتخبتش مرسي بس مش واقفله على الواحده
غلطته الوحيدة أنه وعد ...... وعد صعب تحقيقه بل مستحيل .
إنما و لا أي حد مكانه يقدر يعمل أو يصلح الخراب اللي في البلد قبل جيل كامل يعين على الأقل أقتصاديا محتاجين 5 سنين .
أنما الخراب اللي في دماغنا أحنا المصريين محتاج على الأقل 20 سنة علشان يتغير .
مرسي محتاج وقت طويل و الناس كل لما تشوف حاجة تقول مرسي
مع ان الخراب اللي في البلد نتيجة طبيعية لسنوات من الفساد .
أفسدت عقولنا قبل أي شئ .
و كل شئ موجود هو عمل أيدينا أحنا في الأساس .و على فكرة .... طيور الظلام شغالة ضد أي عمل صحيح .
منير قالها حكمة.. خايف اوعدك موفيش اقلك فيه تلاقي مفيش :biggrin:
هوا ده اللي مرسي عمله.. وعد و هو مش بايده حاجة..
كان اكرمله مايوعدش مادام عارف انه مش هايقدر, و لا كان تزويق عشان الناس تنتخبه؟؟
و لو مكانش عارف ان البلد بايظة كده, يبقى هل مفروض نرضى برئيس جاهل؟؟
اه البلد خربانة, بس البلد فيها موارد اقتصادية محدش يقدر يتخيلها..
ابسط حاجة الفلوس اللي مسروقة مرجعتش ليه لحد دلوقتي؟؟ حكومات الدول بتلالي يا جماعة محدش اتقدم بطلب رسمي لوقف حسابات الحرامية في البنوك..
مرسي لا يصلح انه يبقى رئيس دولة للأسف.. ممكن كان يبقى افيد في منصب تاني.
دعم الطاقة يلتهم ربع ميزانية مصر بما يعادل 125 مليار جنيه سنويا في حين أن الصحة والتعليم والأمن يتم صرف نفس المبلغ عليهم مجتمعين ....
لو عاوزين نكون دولة محترمة ومتقدمة لازم الدعم يتلغي عشان تتوجه الأموال دي للصرف على البنود الأخرى الأهم من دعم الطاقة
لكن يجب أن يكون ذلك ضمن حزمة إصلاحات إقتصادية شاملة تضمن إستقرار مستوى الدخل للأسر ... وهذا موضوع به تفصيلات كثيرة جدا وتحتاج لدراسة عميقة ووافية للخروج بأفضل الحلول الممكنة ...
شخصيا مقتنع أن رفع الدعم بالكامل من على بنزين 95 هو أحد الخطوات في الإتجاه الصحيح بل وأطالب الحكومة بإسترداد أموال الدعم التى صرفت على هذا النوع من البنزين في السنين المااضية عن طريق مضاعفة سعره :)
العالم كله بيتقدم وبيلاقي حلول لمشاكله الا مصر تعيش في حلقة مفرغة وبتلف وتدور حول نفسها الشعب المصري هو شعب الفهلوة( دلوقتي النيجريين بقو زينا) كل حاجة عاوز يطلع منها مصلحة ولو فيه دور يبقي هو يقف اول واحد (امال مين اللي هيقف التاني) مشكلة الوقود مش في دعمه مشكلته في الشعب اللي منقسم بالغصب لطبقتين طبقة المستهلك المغلوب علي امره وطبقة اغنياء الحرب (اقصد اغنياء الدعم) صائدي الكوارث والازمات وهم دول اللي سوءو سيرة الدعم تلاقيهم في كل مكان فيه دعم في الفرن اللي بيسرق الدقيق - في العامل اللي بعطي الخبز لصاحب مزارع البط والفراخ - تلاقيه في الموظف اللي ياخد ب 10 عيش عشان يعلف طيور العشة - تلاقيه في الست اللي متعرفة علي اللي شغالين في الفرن وتنقي العيش الكويس وتبيعه بدل ال20 بجنيه يبقي 10 بجنيه والضحية المستهلك المسكين اللي رايح يجيب بجنيه عيش يطلع محروق ومليان حشرات ولايصلح لاستهلاك الادمي او الحيواني -
نفس بتاع مستودع الغاز اللي بياخد الانبوبة ب 2.5 ويبيعها للسريحة البلطجية اللي واقفين علي باب المستودعات ب4 جنيه مانعين حد ياخد غيرهم ويطلعو يبعوها في الشقق علي حسب الحالة الاجتماعيه ب10 او ب20 او ب30 او 40 علي حسب والمسكين اللي محتاجها مشلاقي ياكل عشان مش لاقي غاز - تلاقي اصحاب المطاعم مستغلين انابيب غاز الطبخ بتاعة البيوت عشان يكسبو اكثر - تلاقي مطاعم كتير وعالميه بستغل الدعم اسوء استغلال واسمهم مستثمرين - صاحب محطة البنزين بيتصل عليه سواق سيارة نقل البنزين ويساله علي المحطة ولا بره بره هو متفق مع ناس هتاخد الحمولة تتصرف فيها في مقابل الف والفين جنيه زيادة والسواق مش لاقي سولار فيرفع الاجرة والراكب المسكين هو الضحيه والكل يعبي كرشه تعرفو ياسادة ان سواقين لاجرة بيفرحو بازمات الوقود عشان يغلو الاجرة وعمركم سمعتم ان اجرة ميكروباص ولابيجو غلت مع الازمة ونزلت مع انفراج الازمة - دا غير مهربين السولار بره مصر لغزة والاردن ولبنان وكذلك البنزين - ياسادة انت زعلانين ان انتم ربنا فتح عليكم وعندكم سيارات بتقولو ان الدعم ويخربيت وبتتعصبو ياعني اهاليكم ملهمش حق عليكم اهاليكم الغلابة اللي معندهمش سيارات فيها ايه لما يزيد مثلا عليك 50 جنيه في الشهر انا مش شايف مشكله وبعدين البلد اللي انتم زعلانين منها دي ياما عملتلكم --ولو مشينا بمنطق مليش دعوة وانا مش مسئول عن الدعم وانا دفعت ضرايب علي السيارة ومصاريف ادارية ياما ومليش دعوة طيب دفعت تكاليف تعليمك - دفعت تكاليف علاجك - دفعت ايه بس قوللي لو كل واحد فينا دفع مصاريف تعليمه الحقيقية محدش فينا كان هيدخل كليات اصلا وياعالم ممكن يعرف يشتري سيارة ولا لا البلد عطت كتير لازم نساعدها عشان تقدر تساعدنا لازم نساعد في الحل هناك الف حل عشان تقليل الاثار السلبية للتحكم في الدعم وترشيده يجب ان احنا نطرحها علي المسئولين كل واحد متضرر من ترشيد الدعم يفكر في حل لمشكلته قبل ما يتعصب ويقول مايكره ويكرهه الشعب بدل الوقفات الاحتجاجية والاضرابات والاعتصامات نقدم حلول لمشاكلنا ونشارك في حلها والدعوة ليكم كلكم افكاركم ايه لترشيد الدعم وكذلك التقليل من سلبياته علي المجتمع واسف اذا كنت طولت عليكم
انت كلامك 100 100, بس الفكرة اني لما بشوف ان مفيش حاجة بتتصلح طبيعي ان اى حد يتعصب.. لو انا عارفة ان الدعم هيتشال و يتصرف صح كنت هاقولك ماشي تمام شيله و مش عايزينه..
بالمناسبة السعيدة دي, لو حضرتك فاكر ان "التعليم و الصحة" اللي عندنا دول تعليم وصحة بجد يبقى حضرتك مش عايش في البلد =) احنا لا عندنا تعليم عشان اقول البلد ادتني تعليم " انا خريجة جامعة خاصة ومدارس خاصة عشان اتعلم صح" .. و بالنسبة للصحة, و الله العظيم المرة اللي رحت فيها ازور واحدة في مستشفى عام كنت طالعة منها بسب و بالعن في البلد و اللي وصل الحال لكده..
و بالنسبة لان الواحد دفع, فاه احنا بندفع مصاريف ادارية كتتتتتتتتتير جداً.. ده الواحد بيروح البريد 10 جنية مصاريف مش عارفة ايه, يروح يطلع جواز سفر يدفع اد ايه, رقم قومي نفس الحكاية.. توكيل عقد.. أى حاجة بتتعمل.. و حضرتك اكيد أدرى مني بكمية التعاملات اليومية.. الحكومة بتكسب من المصاريف دي بالهبل..
تاني حاجة احنا عندنا موارد مهدرررررة.. ازاي يعني دبي اللي مبقلهاش 30 سنة تبقى السياحة فيها اكتر مننا اللي مفروض عندنا تلت اثار العالم؟؟ يعني مش عارفين يعملوا دعاية عدلة.. فاكرين حملة نورت مصر, اهي دي اللي طفشت الناس من ساعتها !!
مش هاتكلم عن دخل قناة السويس.. اكبر سفينة حاويات في العالم لسة معدية من كام يوم دخلت للقناة 4.7 مليون جنية, و احنا قاعدين.. دي سفينة واحدة !!
بص, مش بقول اننا منحسش بالغلابة, بس زي ما قلت, رفع الدعم = رفع اسعار كل حاجة.. و انا لو عارفة انهم هايرفعوا الأجور عشان تواجه الغلاء ده هاقولك ماشي مفيش مشاكل.. بس للأسف الاجور مش بتزيد و كل حاجة بتغلى.. و اللي بيقبضوا 800 جنية و عايشين بيهم بالعافية مش هايعرفوا يعيشوا بعد كده.. ده اللي بيبقبض 3000 بيبقى عايش بالعافية !!!!
انا اسفة, انا ارفض رفع الدعم.. الدولة ليها موارد تانية تتشقلب كده و تطلعها و تصلح الاقتصاد.. انما متجيش على المواطنين اكتر من كده.. يروحوا يتمختروا كده و يجيبوا المليارااااااااااااات اللي اتسرقت و بعدين نتكلم في الدعم و لا اللي مش دعم..
لا ياباشا معاليك فهمتني غلط ....أنا بتكلم على أساس انك متبني الدعم كاستراتيجية اقتصادية ...يبقى كله يتلقى الدعم ....انما تدعم واحد وواحد لا !!! يبقى أنت عملت مواطن ومواطن بشرطة ...ياتدعم كله وكله يستفيد من يخر الحكومة ...ياتشيل عن كله وكله مايستفيدش من خير الحكومة ...أنا شخصيا رافض الدعم كليا وجزئيا لأنه مشروع فاشل ويجر فساد إداري غير عادي ...بس لو هتدعم وخلاص يبقى عالكل مش تدعم حد وتسيب حد ...يعني ايه تدعم فقير وتبيع غني ...يعني الفقير ده أنت بتشجعه على الأنتخة !!!!! أنتخ وأنا هدعمك !!!! ده نظام ابن تيت
انا مش فاهم بجد الموافقين على رفع الدعم ....... موافقين على اساس ايه ؟؟؟؟!!!!!
اسعار الوقود فى مصر بتأثر تأثير مباشر على أسعار كل حاجة حوالينا ...... كل حاجة بيحتاجها الفقير و الغنى
يعنى ببساطة انت ترفع الدعم عن بنزين 95 و 92 على اساس انك بتاخد من الغنى ....... تقوم اسعار كل حاجة تانيو من مأكل و ملبس و مشرب و منتجات صناعية تزيد على الكل غنى و فقير
يبقى الغنى أخدت منه فلوس برفع الدعم عن بنزين سيارته الفارهة ...... و الفقير مضطر يدفع فلوس زيادة عشان كل حاجة تانية غليت !!!!!!!!!!!
و فيه نفس الوقت مستوى الدخول و الرواتب ثابت لا يتغير ...... فنتيجة طبيعية لكل ده التضخم يزيد و قيمة الجنيه تقل
و ماحدش يقولى ان فرق الفلوس ده حيروح للفقراء ......... ابقوا قابلونى
فرق الفلوس حيروح لتغطية عجز الموازنة و تخفيض حجم الدين المحلى و سداد قرض البنك الدولى
و كان الله بالسر عليم
+1
هذا بالاضافه انه اخد جمارك 3 أضعاف من الغنى على السياره والمفروض يوجه النقود دى للدعم أو يخفض الجمارك بنسبه كبيره وبلاش يلغيها علشان الناس اللى عندها حساسيه ويخفض الدعم ايضا
وكمان المحافظه على البيئه لأن المواتير اللى بتستخدم بنزين 95 انبعاثتها أقل وقدرتها اعلى وكمان استهلاكها للبنزين اقل يعنى لو العربيات اللى فى مصر معظمها أصبح حديث سيقل استهلاك مصر من البنزين 92 و90 اللى بياخدوا اعلى نسبه دعم سوف يقل بنسبه كبيره تتعدى 35% واحسبها انت بقى فلوس اد ايه و طبعا ده ممكن يحصل لما يخفض الجمارك لكن كل هم حكومات مصر المحروسه سواء قبل أو بعد الثوره هو الجبايه فقط لاغير من اى سبوبه..... نفسى أسال سؤال - الوزراء الأفاضل الدكاتره والباحثين والعالمين بكل الأمور حصلوا على الشهادات العلميه الخاصه بهم من اى كوكب ؟ (أعتقد ده سر لأن مصر فقط هى اللى بتتعامل مع هذا الكوكب) ..
مرسي لا يصلح انه يبقى رئيس دولة للأسف.. ممكن كان يبقى افيد في منصب تاني.[/quote]
امام مسجد الجمعية الشرعية فى رمسيس ....مع كل الاحترام
شوف يا محمد ... أولا مصدر المعلومة دي ممكن بسيرش صغير قوي كده تعرف ميزانية مصر المعتمدة من المجلس العسكري للعام 2012-2013 وتبص على الأرقام
وكونك بتوصف رئيس الجمهورية بإنه مصدر "غير محترم" و "غير موثق" لمثل تلك المعلومة فحاجة من إتنين إما أنت فلول أو من بتوع لا دين في السياسة ولا سياسة في الدين ... وفي الحالتين مش فارق عندي كلامك :)
شكرا لردك "المحترم"
أقول لحضرتك ... لما يكون في مصر بالمتوسط 2 أو 3 مليون مقيم من غير المصريين "عرب،أجانب،بعثات دراسية، لاجئين ، بعثات دبلوماسية، إلخ .." هنقول إن في 200 ألف معاهم سيارات من الناس دي ... يبقى الناس دي لما بتحط بنزين مدعم معناها إن إحنا بنصرف عليهم وبنشجع ناس تانية يجيوا يستوطنوا هنا في مصر ويعيشوا على قفا الشعب ويشفطوا جزء من الدعم اللي هوا من جيبي وجيبك .. ده واحد
لما يكون في حد دخله الشهري فوق ال50 ألف جنيه وبيحط بنزين للسيارات التى يمتلكها بجوالي 3000 جنيه فقط ويشفط من أموال الدعم ضعف المبلغ ده شهريا أو أكثر ... إضرب الرقم ده في مليون على الأقل ... شوف الرقم اللي طالع كام
يبقى لما حضرتك نخلي في أحد أنواع البنزين غير مدعوم بأي قرش بل ويتم مضاعفة سعره ليتم إسترداد ما تم "شفطه" خلال السنين الماضية من هذه الفئات فده خطوة في إتجاه حل المشكلة ...
لأنك ساعتها ببساطة هتعمل نشرة على محطات البنزين إن أي سيارة دبلوماسية أو جمارك أو مرسيدس إس وإي كلاس وبي إم الفئة السابعة والخامسة ممنوع تحط أي نوع بنزين غير 95 اللي هوا ما عليهوش دعم وكمان بتسترد عن طريقه مبالغ تم هدرها في السنين الماضية على دعم فئات لا تستحق أي نوع من الدعم نهائيا
يبقى إزاي ما اقتنعش إن ده شئ في صالحنا جميعا كمصريين وهيوفر مبالغ ضخمة يتم توجيهها لمسارات أخرى نحتاجها جميعا لإصلاح أحوال البلد ... وللا إيه رأي حضرتك :)
مش عارف أيه العلاقة بين الضرائب و الدعم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟
أي مواطن بيتشغل أو بيتشري سلعة بيدفع عليها ضرائب علشان يحصل على خدمات حكومية زي الطرق و المستفشيات و المدارس و
(مش دعم فلوس )
دعم الفلوس في الدول المتقدمة و اللي ناسها متحضرة ....... له ضوابط و بيورح لفئة معينة محتاجة فعلا .
و الغني هو اللي بيدفع للفقير عن طريق الضرائب الأكتر اللي بيدفعها الغني نتيجة أن دخله أكبر .
و في أوروبا
العربيات الكبيرة عليها ضرائب أكبر من العربيات الصغيرة و عادي كله بيدفع ثمن البنزين الحقيقي و معندهمش دعم .
بالنسبة لأرتفاع أسعار السلع لما أسعار الطاقة تزيد .
ده المفروض بيكون تدريجي ....... ثانيا يكون فيه رفع دائم عن الطاقة مقابل تقديم خدمة أوتوبيسات و قطارات بأسعار معقولة للناس عموما .
أنا عندي فلوس الدعم دي تروح لتجويد الخدمات و بناء المصانع أحسن 100 مرة من أن أنا أخد دعم على البنزين .
علمني الصيد و مش عايز منك سمكة .
أرجوكم عايزين نبص للموضوع شامل ......... و مش عايزين نبص تحت رجلينا .
معلش انا اختلف مع حضرتك مش كل اللي بيحط 95 يبقى مرفه و معاه فلوس و برضو مش كل اللي بيحض 80 و 90 و 92 يبقى غلبان, اللي يفكر في موضوع الغاء الدعم لازم يشيل فكرة نوع و موديل العربيات من دماغة عشان دي حاجات مش نمطية.
على سبيل المثال:
- في مرسيدس و bmw بيحطو 92 و في عربيات اققل بيحطو 95.
- في ناس اعرفهم معاهم عربيات عادية (مش تربو) و بيحطوا 95 رفاهية و معتقدين انهم بيحافظو على الموتور.
-شوفت بعيني ناس بتحط في كارينز و تويوتا افانزا 80 و شغاليم ليموزين.
يبقى ملناش دعوه بنوع و لا موديل
تحليل ذو نظره ضيقه وغير موضوعيه لموضوع ذو جوانب متشعبه وأنا احترم راى وعقليه حضرتك فبرجاء اعاده قراءه الموضوع بالكامل للتعرف على وجهات النظر الأخرى الجديره بالاحترام والتى من شانها تحقيق التوازن وأنا واثق على ضوء معلومات حضرتك انك سوف تكون راى آخر اكثر استيعابا لأبعاد المشكله ولا يقتصر فقط على نوع السياره وعدد المستهلكين وتكون المناقشه أكثر اثراءا وتنوعا وشكرا لسعة صدركم
يا فندم أنا بأتكلم على نقطة واحدة فقط في الموضوع مش بأتكلم على موضوع الدعم ككل ... لو عاوز تتكلم في موضوع الدعم ككل مش جزئية صغيرة فيه فده محتاج عشرات \إن لم يكن مئات الصفحات من مناقشة الموضوع بكل جوانبه والمسائل المتعلقة بيه ...
وبالمناسبة أنا لما بأتكلم بأحاول أبسط الكلام عشان يكون مفهوم لكل العقليات اللي موجودة فآسف إن كان التبسيط الشديد أخل بقوة الفكرة ...
تحياتي لك على هذا الموضوع الثري بأشخاصه وأفكاره
برضه
انا شايف ان قناعتك متكونه فقط من انك لا تستخدم النوع ده
و مقتنع انه للناس الاغنياء و دول حرام فيهم الدعم
عايز توفر فلوس الدعم
يبقي بتوفير مواصلات سهله و ادميه و مرفهه كمان و تغطي جميع انحاء الدوله
و حبه حبه تقلل الدعم من البنزين و ده يسري علي كل الناس
و اوتوماتيكيا هتلاقي الناس بتقلل من استخدام العربيات و بتتجه للمواصلات الاريح و الارخص و بكده هتقدر تلغي الدعم من علي البنزين من غير ما ناس كتير تتاثر او حتي تعترض
و يا جدعان هو احنا لازم تعيد اختراع العجله
منشوف الناس التانيه عملوا ايه و نعمل زيهم
و لا احنا فالحين نقلدهم في الهلس و الكلام الفاضي و بس
مش عارف بس احنا بنهري في ايه
و تظل المشكله الازليه ان كل واحد بينظر للموضوع من مكانه و من خلال وجه تظره و قناعاته الداخليه
و معندوش استعداد يسمع او يفهم الناس التانيه رايهم ايه
و بكده عمرنا ما هنتقدم ولا يكون لينا مستقبل اصلا