الموضوع: رئيس الوزراء ... كلام نهائى ... الغاء الدعم عن بنزين 95

الرئيس قال بنفسه الكلام ده بالامس قمت ترجمت فورا انه بيلمج للدعم على البنزين ككل
وفعلا بعدها شوية قال ان هيكون في آلية لتنظيم وصول الدعم لمستحقيه
يعني مثلا لو شال الدعم من على غير المصريين ده شئ كويس
هو لا بيدفع ضرائب ولا بيعمل اي حاجه ازاي ياخد دعم
ولو النظام الجديد ده قدر يمنع الوسطاء او سوق السودا هيبقى ممتاز
فده كلام جميل جدا وكلنا عايزينه بس ازاي بقى الكلام ده كله يحصل من غير
ما حد من مستحقي الدعم يضر او يطلع عينه عشان ياخد البنزين
اعتقد دي حاجه صعبة لكن مش مستحيلة

المشاركة الأصلية كتبت بواسطة eng f3lix

والله حرام اللي بيحصل ده
عربيات الناس دي سعرها هينزل تحت الارض مش بس هينزل الارض
حسبي الله ونعم الوكيل

سعر ايه اللي ينزل حضرتك واحد بيفهم وعايز يركب حاجه الماني محترمة
هيفكر هيشتري البنزين بكام لا طبعا

المشاركة الأصلية كتبت بواسطة magoda

مهو أصل فعلا فى ناس الحمدلله ربنا فاتحها عليهم فدول ليه ياخدوا دعم يعنى واحد بيقبض 50 ألف جنيه وراكب مرسيدس e350 ب 780االف جنيه ده ياخد دعم على اى اساس ده لو لتر البنزين وصل ل 10ج ولا هتفرق معاه فى حاجه

السؤال الاهم ليه كانوا بياخدوا الدعم ده قبل كده
ممكن هما نفسهم يكونوا مستغربين ليه انا باخد دعم وانا اقدر ادفعه
وشئ اخر اصلا العربيات دي مش بتستهلك بنزين
يعني لو حط بنزين 20 لتر هيمشي بهم اكتر مننا

المشاركة الأصلية كتبت بواسطة mmh666

الخبر النهاردة منقولا من الوطن
بنزين 80: بنفس السعر للسيارات المصنعة قبل 1995 فقط ولن يباع بالمحطات

وفقاً لخطة وزارة البترول، سيتم تحديد كميات البنزين والسولار للمستهلكين من أصحاب السيارات الملاكى والأجرة والنقل، وحددت الوزارة عدد سيارات الملاكى، وفقاً لإحصاءات إدارة المرور بوزارة الداخلية، بنحو 6 ملايين سيارة.

ومن المقرر منح سيارات النقل بمختلف أنواعها 1200 لتر شهرياً، ومنح سيارات الملاكى 120 لتر بنزين شهرياً.

كما تقرر تخصيص بنزين 80 للسيارات المُصنعة قبل عام 1995 فقط، بقيمة 1620 جنيهاً سنوياً، تدفع مقابل الحصول على الكوبون من إدارة المرور التابعة لها السيارة، ويحق لأصحاب تلك السيارات الحصول على أنواع متقدمة من البنزين وخصم القيمة السعرية من الكوبون.

وبحسب الخطة الجديدة لدعم الطاقة، سيتم قصر بيع بنزين «80» وفق نظام الكوبونات فقط بـ90 قرشاً، ولن يطرح للبيع بالسعر الحر، كما سيباع بنزين «90» فى «الكوبون» بسعره الحالى أى بقيمة 175 قرشاً، على أن يطرح للبيع فى المحطات بقيمة 3 جنيهات.

واستقرت وزارة البترول على إلغاء دعم بنزين «92»، وبيعه بالسعر الحر بقيمة 3.25 جنيه للتر الواحد، كما قررت إلغاء الدعم على بنزين «95»، وبيعه بـ4.75 جنيه، مقارنة بـ2.75 جنيه حالياً.

أما السيارات التى تسير بالسولار، قررت وزارة البترول منح كل سيارة نقل «كوبونات» سنوية بقيمة 15 ألفاً و840 جنيهاً، مقابل حصولها على 14400 لتر سولار فى العام بسعر 110 قروش، على أن يطرح للبيع بالسعر الحر خارج الكوبونات بـ2 جنيه.

أما بالنسبة لوسائل نقل الركاب «ميكروباصات» و«أوتوبيسات» ستحصل على 10 آلاف لتر سنوياً فى شكل كوبونات؛ بسعر مدعوم بقيمة 110 قروش، بإجمالى 11 ألف جنيه سنوياً

ايه رأيكو حتى الـ 92 مش هيكون مدعم دا احنا هنهيص

هو مش من يومين رئيس الوزراء قال مفيش الغاء لدعم المنتجات البترولية ايه التخبط ده بقى ثم ان ليه الواحد يدفع ثمن الكوبون مجمع طيب ما انا اخد كارت ذكى وكل مااروح امون ادفع ثمن المسحوب وخلاص يعنى اروح ارخص 3 سنوات يبقى ادفع 5000 جنيه كوبونات طيب هو ايه الكلام على الغاز الطبيعى لو كده نقلب غاز بقى