دا شئ مؤكد و خصوصا من 1600 سى سى و انتا طالع
معلومة كده علي الماشي لتر البنزين وصل في اوروبا ل 2 يورو يعني لو عربيتك التانك بتاعها 50 يبقي هتقول ب 100 يورو ما يعادل حوالي 700 جنيه
وبسبب كده الناس كلها بتركب عربيات صغيرة وموتوسيكلات وبيستخدمو الموصلات العامة اكتر من العربية
طيب الخبر اللى فى اللينك ده ايه مدى صحته؟
الوطن | "الوطن" تنشر خطة كوبونات الوقود: بنزين 90 بـ3 جنيهات و80 لن يباع في المحطات
ايه اللي حضرتك بتقوله ده!!
شريحة مجتمعية ايه وزفت ايه ياباشا
انت بتتكلم في عربية ب 150 الف جنيه او يمكن اقل شوية لازم تستعمل ال 95
هو انا عشان ربنا كرمني بقرشين وركبت عربية نفسي فيها ويدوبك بدفع صيانتها بالعافية تقولي مرفه ومعرفش ايه؟!!
عندك مثال
الفيات برافو واللينيا والجراند بونتو
دي عربيات رخيصة ولازم وحتماً تستعمل 95 عشان التيربو اللي في العربيات
بلاش دي
عندك مثلا عربيات زي فولكس فاجن بأنواعها دلوقتي لازم تمشي ب 95 ومش شرط تكون جديدة
عندك العربيات القديمة منها مواتير تيربو لازم 95
نبعد عن كدة خالص
تقدر تقولي لو ال 95 غلي وبقه ب 6 جنيه هيجي يوم من الايام ونلاقي بنزين اعلى في الاوكتان نزل مصر زي ال 98 مثلا؟
الموضوع ده من اوله لاخره فاشل بكل المقايس
كدة الناس دي لو حبت تبيع عربياتها سعره اعادة البيع هيبقى اقل بكتير جداً من السعر المعتاد اللي هو اصلا في الارض
خلاصة الكلام
رفع الدعم عن 95 هيمنع نزول بنزين بأوكتان اعلى او انتاجه في مصر زي 98
لان اصلا والصحيح ان ال 92 زفت على العربيات الحديثة من حيث المشاكل الميكانيكية على المدى البعيد وال 95 يعتبر كويس
واغلب اللي بيصنع العربيات بينصح ب 95 او اكتر بس احنا مضطرين نحط 92 عشان سعره
لا معلش بس انا عايزة افهم حاجة.........
هو القرار ده اتعمل ليه.....؟؟
عشان ترشيد منظومة الدعم لضمان وصوله بشكل حقيقى لمستحقيه اللى هما... المواطن الغلبان ,,والكادح والمتوسط,,,,,,,,,,..والكلام الحلو ده..!!
ولا عشان أن صندوق النقد الدولى طلب من الحكومة إلغاء دعم الطاقة تدريجياً....كشرط أساسى للحصول على القرض الذى طلبته الحكومة من الصندوق بقيمة 4.8 مليار دولار......!! ؟
صدقونى الاجابة على السؤال ده تفرق اوووووووووى..!
وللتذكير..مش كل العربيات اللى بتمشى بال 95 بتكون عربيات ال vip والمليارديرات والدبلوماسيين ده بيبقى على حسب الموتور مش اكتر...
فلازم مع اى قرار حكومى يكون فيه حلول لمساوىء القرار ده....
دى وجهة نظرى,,
مشكور على الخبر.........
0000000000
أنا مش غايظني إلا الجمله دي
( نزين 80: بنفس السعر للسيارات المصنعة قبل 1995 فقط ولن يباع بالمحطات )
يعني انا معايا ماروتي 2008 مفروض أمون 90
ومفيش ليا 80 لا بدعم ولا بغيره
طيب أروح بقي أشتري عربيه فيات 132
بـ 15 / 16 ألف أحطها جنب البيت وأخد كوبنات علي رخصتها وأمون بيها الماروتي
ولا الفيات القديم سوقه هيمشي وسعره عيطلع مهو بيتصرف له كبونات بنزين 80
والله ده أحنا في غلب
( أنا مع رفع الدعم جزئيا و وضح حد للإستهلاك المدعوم ... لكن إللي بيتقال ده لو إتنفذ هتبقي مرار طافح وهتشوف سوق السيارات المستعمله بيحصل فيه مراجيح )