الموضوع: كريستالتي مش هتقدر تغمض عينيك

المشاركة الأصلية كتبت بواسطة som3aa

تعليقا على الرقم رهييييييييييب
بالنسبة للارقام اللى زى دى لو حبيت تنقل الرقم لواحد تانى لازم موافقة وزير الداخلية شخصيا!!!
الصراحة انا مش مصدق !! 23؟؟!!!
يعنى 3 ارقام كانت تبقى معقولة شوية بس رقمين بس و 23 كمان
الصراحة انا نفسى اعرف عمرك اتاخدت مخالفة و لا اتمسكت قى رادار؟
الرقم تبع مرور العتبة صح؟ يا ترى انت ساكن فى منطقة ترخيصها العتبة؟

معلش على اسالتى الكتير بس الصراحة الرقم بهرنى.

انا شفت ملاكى القاهرة 33 على فورد escort
و شفت 97 على مرسيدس موديل 70 و شفت 5 ملاكى القاهرة على clk amg و طبعا مصورها و شفت ملاكى القاهرة 56 على مرسيدس موديل السبعينات برده.
دا غير حاجات تعبانة خمس ارقام زى 12345 (على هيونداى اكسيل) و 4444 (على مرسيدس c180 موديل 2000) :)و مدير مرور مدينة نصر السابق عنده 210 و 553(او 557 مش فاكر بالظبط) و شفت 110 على لانسر 2007 و شفت 3 ارقام كتير بس بعد 23 دى كفاية اوى.
96 ملاكى القاهرة مرسيدس c200 الشكل اللى فات.
بس الصراحة رقمك معدى اوى بعد 5 طبعا.
كل النمر اللى فاتت دى ملاكى القاهرة طبعا.
أنا بفكر اجمع البوم باول مائة رقم او الف رقم بمساعدة الناس طبعا , يعنى كل واحد يشوف رقم 3 ارقام او رقمين او رقم يصوره.
شفت صورة passat ملاكى القاهرة 6 (بس مش انا اللى صورها)

بالنسبه لنقل الرقم طبعا مش محتاج وزير الداخليه هو فاضي علشان يوافق علي النمر هي بس المشكله في المرور لأنهم بيعتبرو النمر دي كنز (بياخدو من اللي عايزها قرشين حلوين) رغم ان اي حد ممكن ياخدها وانا مش مرور العتيه انا مرور الجزيره والرقم ده معايا من زماااااااااان قوي وغيرته علي 9 عربيات وهو هو باردو لسه معايا لأن ده من حقك طبعا انك تاخد رقمك لو هتغير العربيه بس بشرط ان المشتري لازم يجدد الرخصه في ساعتها وانت كمان يكون عندك عربيه يعني مش تاخد الرقم تروح بيه يعني
وبالنسبه للمخالفات لالالالالالالالالالالالال الالالالالالالالالالالالا لا ولا مخالفه الحمد لله
حتي في يوم كنت بجري والرادار صورني وعداني علشان الرقم
والرقم ده اللي جابهولي كان لواء في المرور وكان ساكن قدامنا واحنا بنرخص فقال لوالدي هجيبلك الرقم ده بس تدفع فيه شويه طبعا والدي رفض علشان المبلغ كان عالي
بس اقتنع لما عرف انه ما بيتخدش مخالفه او اي حاجه (كوسه بقي)
بس بجد احنا تقدر تقول العيله كلها ارقامها حلوه لأن والدي 4 ارقام والاربعه زي بعض واخويا رقمه 22333 طبعا رقم تحفه وده ب 50 جنيه بس
يعني وانت بترخص كل ما تشخلل جيبك هتاخد ارقام زي الفل
وعلي فكره ساعات الناس بتاخد ارقام حلوه من غير فلوس علشان بيكون مافيش ارقام والراجل مضطر يطلع النمر غصب وانا الموضوع ده حصل مع واحد صاحبي خد نمره من 3 ارقام والراجل كان هيعيط علشان طالعه من غير فلوس بس انا اديتله 20 جنيه
هي دي مصر حط ايدك في جيبك واطلع با اللي فيه النصيب

ماشاء الله ربنا يحفظهالك