السلام علسكم اهل المنتدي الكرام
اخوكم محتار حيرة ما بعدها حيرة كنت محتار ما بين النيو اكسنت و الكليو و الأفيو
ممكن اي حد من اهل الخبرة يفيدني ايهما افضل من حيث المتانة و اسعار قطع الغيار و اي عيوب كل واحدة فيهم
لكم مني اطيب التمنيات
السلام علسكم اهل المنتدي الكرام
اخوكم محتار حيرة ما بعدها حيرة كنت محتار ما بين النيو اكسنت و الكليو و الأفيو
ممكن اي حد من اهل الخبرة يفيدني ايهما افضل من حيث المتانة و اسعار قطع الغيار و اي عيوب كل واحدة فيهم
لكم مني اطيب التمنيات
انا من رأى النيو اكسنت عشان انا كنت فى نفس المقارنة دى و زيادة عليهم الماتريكس لية بقى النيو اكسنت ؟؟؟
العربية لسة جديدة يعنى مانتشرتش مش زى الكليو مثلا القاعدة بتاعتها و الدواخل افضل بكتير من الافيو موتور النيو اكسنت بصراحة مالوش حال لسة تكنولوجيا جديدة صوتة نعم جدا نقلات الفتيس متحساهاش خالص العربية بصراحة ممتازة بس فيها عيب واحد وانا بتعاقد مع المعرض قالولى علية ة قالولى غير رائيك ان العربية مش ثابتة بعد ال140 وانا مش شايف ان دة هيكون عيب طالاما الواحد مش بيجرى و لو بيجرى الحل معروف انك تركب جنوط اكتر حاجة عحبتنى فيها ان العربية مالهاش صوت وهى واقفة و مبتتهزش يعنى انا قاعد جوة معرفتش ان العربية دايرة غير لما ببوس على الrpm لو اسة محتار انا شايف انك تستبعد الكليو و تقارن بين الافيو و النيو اكسنت
استبعد الكليو خالص وبعدين قارن براحتك... الكليو مع واحد صاحبى موتورها حلو وعفشتها قوية اى نعم بس فيها عيبين وحشين: 1-ضيقة جدا من جوة ...بتنافس 128 ...وقعدتها مش مريحة......تصميم سىء مش مدى اى مساحة رغم كبر الشنطة..... دماغك وانت قاعد لازقة فى السقف....
2- صيانتها صعبة وغالية جدا وكذلك قطع الغيار........هتبقى تحت رحمة التوكيل....
من حيث المتانة كلهم زى بعضاقتباس:
ضيقة جدا من جوة
الكليواقتباس:
صيانتها صعبة وغالية جدا وكذلك قطع الغيار
الافيو سعرها مبالغ فية اوى لانها تصنيع مصنع شيفرولية كوريا اما النيو اكسنت عربية اقتصادية اوى وبها جميع الكماليات انصحك با1- رينو كليو 2- هيونداى نيو اكسنت - افيو
خليك فى النيو اكسنت يا باشا
متشكر جدا علي اهتمامكم الكبير برسالتي
انا بصراحة ما ركبتش النيو اكسنت و معرفهاش لكني ركبت الكليو 2007 وطبعا عجبتني بس المشكلة الكبيرة في الصيانة بتاعتها و بعدين حوض الموتور بتاعها ضيق جدا و حاجة كدة ما تعرفلهاش معالم و تخوف شوية في موضوع اعطالها خاصة و انا من ابناء الصعيد (فنا ) ما لهاش توكيل و مراكز خدمة عندنا
اما الأفيو فانا سالت عليها عشان اشوف رايكم فيها و الواضح انها مش مرغوبة
و لكن الظاهر ان النيو اكسنت كويسة انا هحاول اركبها حتي ولو اتأجرتها و اشوفها و بعد كدا احكم عليها
مرة تاني شكرا لكل من رد عليا
الحقيقة انا كانت معي سيارة رينو كليو موديل 2005 و بعتها و جبت الماتركس
الحقيقة الرينو كليو سيارة ممتاذة جدا, يكفي انها فرنساوي و موتورها قوي جدا و ملوش حل و سريعة جدا
يعني انا بقول عليها سيارة اصلية
اكيد افضل من الكوري و لكن بها بعض العيوب كما ذكر بعض الاخوة:-
1- ضيقة و خصوصا الكنبة الخلفية.
2- انا اصتصغرتها كسيارة.
3- قطع الغيار غالية جدا و الصيانة غالية.
من المميزات ان التوكيل محترم جدا جدا و صيانة ال 10000 تكون بفلوس اما صيانة ال 5000 ببلاش
سوف تصرف عليها لو بتعمل في السنة 20000 الف كيلو حوالي 1000 جنيه في السنة
مسألة ضيق حوض الموتور انا معاك حتي مقاس الزيت صعب توصل له
بس بها كمبيوتر يبين لك في حالة وجود مشكلة في الزيت او المياه
للاسف تسمع صوت الشارع في هذه السيارة يعني تسمع صوت الاطارات و دي كانت مضيقاني
التكييف بتاعها مش في نفس كفاءة تكييفات السيارات الكوري أو الياباني.
سعر اعادة البيع مش كويس و ثقيلة شوية في بيعها
اتمني ان اكون قدمت بعض المعلومات المفيدة و تحت امرك في اي استفسار عن الكليو
محمد فاضل
شكرا جزيلا استاذ محمد فاضل علي ذوقك الرفيع و ربنا يكرمك علي مساعدتك لي
فعلا انا معاك ان الصناعة الأوروبية افضل من الكورية و رينو دي فرنساوي و شركة لها سمعتها في السوق بس المشكلة ان العربية زي ما حضرتك قلت ضيقة شوية و انا عن نفسي شفت حوض الموتور بتاعها و لقيته ضيق جدا و العربية تصميمها من ناحية شكلها الخارجي تحسها ملمومه جدا بس بصراحة الشنطة واسعة جدا
اللي انا عاوز اسال عنه هو لما يكون معايا افراد في العربية هل بتحك في المطبات ولا لا يعني بتوطي ولا كويسة
هل الكمبيوتر بتاعها له اعطال كتير و لا معمر و مالوش مشاكل
شكرا تاني لك يا باشا
New accent then Aveo then then Clio
هي فعلا الشنطة كبيرة جدا و دي ميزة كويسة جدااقتباس:
المشاركة الأصلية كتبت بواسطة mostafabakry
بالنسبة لان حوض الموتور ضيق فأنت لن تضطر الي عمل اي حاجة لان التوكيل حافظها و مش مشكلة بالنسبة لهم لكن لو انت بتفكر تبعد عن التوكيل فهذا شيء اخر لان العربية دي علشان تكون مظبوطة معاك لازم متابعة مع جدول الصيانة بالتوكيل في المقطم
الصراحة هي لما بتكون السيارة محملة جميع الافراد الصراحة بتحك في المطبات
الكمبيوتر الخاص بها ليس فيه اي مشكلة نهائيا انا عملت بيها حتي 33 الف كيلو مكنش في مشاكل في الكمبيوتر
السيارة الوحيدة اللي مشيت بها علي 200 كيلو في الساعة و كانت ثابتة الصراحة
تحت امرك
محمد فاضل