شكرا لاهتمامك
ممكن تشرح وجه نظرك بستفاضه شويه لو سمحت
معلش هتقل عليكم
عرض للطباعة
سكودا اوكتافيا طبعا ... اولا عربية ينطبق عليها مبدأ (best Value for money) انت تقريبا راكب فولكس فاجن جيتا بس مدفعتش فوق 200000 جنيه عربية متينة و صاجها ناشف و محمل .. موتور محترم غالبية مكوناته الماني... صالون محترم و واسع .. شنطة بحر ... عفشة جبارة...شكلها حلو (ازواق)... مصفحة من تحت... منتشرة و سمعتها معروفة في السوق المصري يعنى قطع غيار متوفرة جوة و برة التوكيل جديد و مستعمل وليها ورش بتشتغل فيها .. سعر اعادة بيع عالى بعكس فورد الفوكس (الماني مش امريكي لانها من مصانع فورد اوروبا و دي بطلع موديلات حجمها مناسب لشوارع اوروبا) انا معرفش عنها حاجة اتوقع ان عربية محترمة جدا لكن اولا علشان مش منتشرة قطع غيار غالية و انت تحت رحمة التوكيل في السعر و مدى توفر قطغ الغيار من عدمه (طبعا غالبية توكيلات مصر ناس ذوق ذوق ذوق الصراحة !!!! ) و كمان مش معروفة في السوق يعني يوم ما تبيع حاتخسر مبلغ كبير ولازم يكون الشاري شخص ركيب و بيحب العربيات مش اي حد حايشتري ... التويوتا عربية محترمة لكن انا شايف ان سعرها اعلى من امكانيتها عربية متينة و صاجها محمل لس مش زي الاسكودا .. موتور محترم و سمعة تويوتا معروفة... صالون محترم و واسع بس افقر من الاسكودا (انا ركبت المانيوال) .. شنطة بحر ... عفشة كويسة...شكلها حلو (برضو ازواق)... منتشرة يعنى قطع غيار متوفرة جوة و برة التوكيل جديد ...توكيل تويوتا محترم جدا على ما سمعت من كذا حد .. سعر اعادة بيع عالى بس في النهاية اكيد الالماني يكسب الياباني حتى لو كان الماني مضروب (تشيكي)
لازم بنزين 95 عشان نسبة الانضغاط 11
الفورد ليها فرعين واحد فى امريكا والتانى فى المانيا كل واحد ليه موديلات معينه , هاتلاقى فى الامريكى العربيات ال SUV وال Trucks مع ال Mustang وكام موديل تانى , الالمانى بيعمل موديلات الفوكس والفييستا والمونديو وممكن يتقفلوا فى المانيا وممكن لأ , لكن الفوكس الجديده المانى بالكامل
الكورولا موتورها اقوى والفانتازيا اثبت والاختيار ليك :)
حلو برضه الاقتراح دا بس يارب تنزل بمواصفات وسعر كويس , وممكن تمشى ببنزين 92
http://imageshack.us/a/img842/4516/o...n2013800x6.jpg
http://imageshack.us/a/img337/4516/o...n2013800x6.jpg
حسب موقع (wikipedia) بتتصنع في
AssemblySaarlouis, Germany
Vsevolozhsk, Russia
Wayne, Michigan, United States
Rayong, Thailand
Chongqing, China
وانا شوفتها على ويب سايت فورد الامريكي بس اتوقع اللي بتجلنا الماني مش امريكي اسأل التوكيل
الثبات مطلوب جدا في مصر على كل طرقها سواء جوا المدن او برة على الطرق السريعة بسبب سوء حالة الطرق من بلاعات و حفر و مطبات وخلافه او بسبب سوء سلوكيات السائقين فى مصر بالتالي عامل امان سلبي مهم لانك حاتضطر تتعامل مع مواقف مفاجئة كتير
جزاءك الله كل خير
تقريبا كده التنافس بقى بين الفوكس و الاوكتافيا
انا مركبتش الفوكس الجديده لكن ركبت الفانتازيا , بس من كلام اللى جربوا العربيتين الاتنين ثابتين او الفرق بسيط نقدر نقول انهم متساويين فى النقطه دى
الموتور تفوق واضح للفوكس بس فى المقابل لازم بنزين 95
العفشه الاتنين نظام تعليقهم محترم بس معرفش مين انعم من التانيه ومين هاتبقى مريحه اكتر
الشكل اذواق بس اعتقد ان الاغلبيه شايفين ان الفوكس احلى ولسه شكل جديد , الفانتازيا هى هى من 2004 متغيرش فيها حاجه غير فى 2010 لما غيروا الفوانيس الاماميه , ومن جوا غيوا الطاره والعدادات
التوكيل بتاع فورد حاليا اسمع انه احسن من القديم , وقطع الغيار كانت مفاجأه بالنسبه لى انها تعتبر رخيصه على عربيه المانى
http://www.nilemotors.net/Nile/309717-2012.html
الفانتازيا طبعا موجوده بقالها فتره ومنتشره وحاجتها متوفره ومطلوبه فى السوق واعادة بيعها احسن
بص انا عارف ان الموضوع محير والمبلغ مش صغير وانت مش هاتشترى عربيه كل يوم
ماتعتمدش على رأيى ولا رأى اى حد حاول تسمع من كل الجوانب وبعدها انت حدد اختياراتك حسب احتياجاتك
رأيى لو تقدر على بنزين 95 ( فى كلام ان هايتشال من عليه الدعم والله اعلم هايوصل لكام ) ولو مش فارق معاك اعادة البيع الى حد ما يبقى انصحك بالفوكس
شكل وتصميم جديد , المانى 100 % , موتور اقوى من الفانتازيا وكمان الفتيس ال PowerShift مخليها تجرى احسن ( فى بعض المشاكل ظهرت فيه بره مصر بس لحد دلوقتى فى اتنين من زملاءنا فى المنتدى معاهم العربيه ومفيش مشاكل الحمد لله ) , عفشه وتعليق محترم , اسعار وكماليات احسن من الفانتازيا ( ب 180 الف تجيب فئة Sport فيها كل حاجه لكن الفانتازيا اول فئه ب 175 ) , اسعار قطع الغيار والصيانه مش غاليه
لو عايز تخليك فى المتجرب والمعروف يبقى فانتازيا , مطلوبه ومحبوبه فى السوق واعادة بيعها كويس , تمشى ببنزين 92 , شكلها شيك , عفشتها وتعليقها برضه كويس , ثابته , شنطه واسعه جدا
ولو فى اى اضافه من ملاك العربيتين ياريت عشان الكل يستفيد
وبالتوفيق فى الاختيار ان شاء الله
يااخى جزاك الله الف خير
تقريبا كده الفوكس تتفوق فى الموتور فقط باعتبار ان الشكل ازواق (يعنى لو حد عاوزها شبابى يبقى للفوكس لو حد عاوز فخامه يبقى الاوكتافيا)
اما الثبات بحس رأى معظم الناس هيكون تفوق لل الاوكتافيا رغم ان الفوكس برضه المانى
بس من كلام المعارض ان الاوكتافيا اتقل فى الوزن ومصفحه من تحت الموتور فده هيخليها اقوى ف الثبات
الصلابه الاوكتافيا و الفورد معرفوين بصلابتهم رغم ان الاوكتافيا ممكن تكون اعلى شويه لانها عربيه كلاسك يعنى الامان فيها اقوى من اى سياره سبورت لان المهم فالسبورت السرعه اكتر من قوه الصاج علشان تجرى اسرع .
لكن من جوه الاتنين فظاااااااااااااع واحده سبورت بجد والتانيه اناقه وشيكاه اووووووى
يبقى موضوع التوكيل معرفش عنهم حاجه خالص
لو حضرتك تقدر تنشر الموضوع اكتر علشان
بجد فعلا لازم اللى اشتروا الاتنين يفيدونا