الامبريزا بجد عربية تحفة خصوصا الجديدة مع الموتور ال 1600 مش ال 1500 زي اللي فاتت
عرض للطباعة
الامبريزا بجد عربية تحفة خصوصا الجديدة مع الموتور ال 1600 مش ال 1500 زي اللي فاتت
با انا كنت زيك كده بالضبط من ٩ شهور بس من غير التيوتا علشان انا معايا لانسر اصلان واليباني ومن راي انا فقط الحاجات الي بتنزل مصر منه مقلب واحنا ماشين بنظام القطيع وسوري علي اللفظ، انا المهم لسه جايب الفوكس الهتشباك. الحمد الله. انت اعمل سيرش كويس وشوف الي انت عايزو بالضبط من العربيه وان شاالله ربنا يهديك، الاسكودا مش متافله في المانيا .
مقارنه صعبه وانت الوحيد اللى تحسمها
كورولا: عربيه تقليديه اعتماديه- يابانى- بنزين 92- سحب - تكييف - اقتصاديه - توكيل ممتاز- سعر شرا اقل - سهوله اعاده بيع - اعتقد هتغير الشكل فى 2013
فوكس:المانى - ثبات - امان - شكل - سعر اعلى - قطع غيار اغلى - اعادة بيع ضعيفه - توكيل مقبول- بنزين 95
فانتازيا: تشيكى - ثبات - وسع- امان - شكل تقليدى لم يتغير منذ سنوات - توفر قطع غيار - سعر الشرا اعتقد من 175 اول فئه - سهولة اعادة بيع - سهوله قطع غيار وصيانه - توكيل جيد
الموضوع مرتبط بمتطلباتك يعنى لو عامل الامان والثبات من اولوياتك يبقى تستبعد الكورولا ولو السعر والاعتماديه واعادة البيع هى اولوياتك يبقى الكورولا
ولو ميهمكش اعادة البيع والبنزين يبقى الفوكس
الفانتازيا هى العامل المشترك بينهم جميعا ولكنى شخصيا افضل الكورولا بحكم تجربتى الشخصيه
بالنسبه للفورد فاهيه تصنيع الماني وتأفيل اسباني اما الفنتازيا كويسه بس ماتور ضعيف 8 صباب اما التيوتا يابانى عربيه تحفا
السحب ماشاالله ممتاز والصراحة حوار النتشه مش موجود يمكن علشان السوفتوير الي معايا اخر اصدار، احساس غير عادي وانت بتاخد الملفات وانت دايس بنزين , ال esp اعتقد له ظروف معينه ساعتها تقدر تحكم انه شغال زي الفيديو الي الخوة مشيرينه فوق، التوكيل انا روحته مرة واحده بس في صيانه الالف ناس محترمه جدا والمهندس فاهم العربيه كويس جدا وشكله واخد تدريب كويس وكمان عندهم كل الاكسسوارات الاصليه واسعارها مقبوله جدا بالنسبه انها اصليه ، العربيه تقفيل الماني وليس اسباني مش زي الموديلات القديمه ، خاصيه الاوامر الصوتيه بجد ممتازه بتتحكم في التيليفون والراديو والتكيف بسهوله مش هتصدقها، لسه مكتشف ان عندي ليدات في الفانوس الخلفي وكمان العربيه بتكمل دواره لوحدها زي اليارس التيوتا، التكيف مكنتش متوقع انه فوق الممتاز بالنسبه انه اوربي، سوند سيستم هايل وبعمل sync مع ال اي فون مممممتتتتتااززززززز وبكل سهوله، الصراحه انا جربت اشد مع واحد صحبي معاه فانتازيا هوه قالي بعد ما خالصنا ان مينفعش نقارن تكنولوجيا قديمه وجديده مفيش اي تكافوء ، مكنش شد بمعني الكلمة ده كان اختبار بمعني اتحركنا من الثبات لحاد سرعه 80 والفتيس اوتوماتيك عادي ، الاختبار التاني كنت انا وهوه علي سرعه ٦٠ وبعدين المفروض هنشد لحاد ١٨٠ ونشوف مين هيجبها الاول، الاختبار التالت والرابع نفس الكلام بس هيكون في مطب في نص المسافه علشان نشوف التجميع بعد السرعه والفرامل المفاجهـ، وبعد كده غيرنا المطب وحاتينا ملف ويكون علي كوبري وتعبنا لحاد ملاقيناه علشان لازم يكون رايق واختارنا كوبري الجيش الجديد اللي يطلعك علي طريق المدراعات الي اول شارع التسعين التجمع لو تعرفه، المهم عملنا اعاده لكل الختبارت بس الفتيس في حاله الاستبترونك، بص احنا عملنا مجهود غير عادي علشان نزبت المواعيد و نلاقي شروط الطريق المناسبه ، وطبعا مش هقوللك النتيجه لانها عمليا ونظريا متوقعه جدا وصحبي صاحب الفانتازيا عارفها كويس جدا بس بردو قررانا نخوض التجربه ، عربيتي هاتشباك عمله ٣٠٠ كيلو سبورت اعلي فءه وعربيه صحبي فانتازيا اعلي فيءه و ٤٠٠٠ كيلو البنزين كان ٩٥ , بعد لما خلصنا صاحبي قال كلمه مهمه جدا قالي العربيه دي ممتازه لما اكون عندي حاجه وخمسين سنه ورايح ازور ولادي او مسافر انا والحجه المدام، احنا لسه شباب عايز يدوس انا انشاالله هبيع قريب :) ده بكل بساطه اللي حصل , بس انا قولتله الصراحه الفانتازيا شنططها بحررررررررر وبس ، تحت امرك