مفيش حل يا جماعه للتقل التقيل اللى ماشى على الدائرى 24 ساعه فى اليوم

السلام عليكم و رحمه الله و بركاته

انا تعبت و الله العظيم و اعصابى باظت من عربيات النقل التقيل و المقطورات على الدائرى 24 ساعه فى اليوم

.... هوا مش المفروض ان النقل التقيل ميمشيش على الدائرى الا بعد الساعه 12 باليل ....

.... و مش المفروض يمشى فى اقصى حاره فى اليمين ....

.... و مش المفروض ميعديش سرعته 60 كيلو متر فى الساعه ....

انا اتقلبت الشهر اللى فاتت بسبب مقطوره و العربيه total loss و خسرت تمنها كلها لأنى مكنتش مأمن عليها .... ربنا يعوض عليا ان شاء الله و يجعله فى ميزان حسناتى

نرجع لموضوعنا انا عايز ابقى ايجابى ... مفيش وسيله نوصل بيها صوتنا للمسؤلين عن المرور فى البلد دى ...

ياريت لو حد عندوا اقتراحات يقولى و انا معاكوا فى اى حلول مقترحه ان شاء الله

الاول حمدلله على السلامة
وفعلا ياريت يكون فيه حل.......
انا بمجرد ما بشوف منظر المقطورة فى المراية
ببقى عايزة اسيب الدريكسيون والعربية كلها وانزل...
وحكاية الحارات دى معتقدش انه هيلتزم بها ابدا لانه بيكون ماشى اسرع من الملاكى اصلا..
يعنى تحسه انه مش سايق مقطورة ابدا..

على راى الزعيم سعد زغلول (مفيش فايدة)

متابع وبهتمام جدا ولو فى حل أو شكوة معاكو بس اعتقد أن الموضوع لازم يكون لة شو اعلامى شوية علشان الدخلية تتنيل وتتحرك

اقتباس:

---

المشاركة الأصلية كتبت بواسطة heba hesham

الاول حمدلله على السلامة
وفعلا ياريت يكون فيه حل.......
انا بمجرد ما بشوف منظر المقطورة فى المراية
ببقى عايزة اسيب الدريكسيون والعربية كلها وانزل...
وحكاية الحارات دى معتقدش انه هيلتزم بها ابدا لانه بيكون ماشى اسرع من الملاكى اصلا..
يعنى تحسه انه مش سايق مقطورة ابدا..

---

الله يسلم حضرتك ... عجبتنى قوى اسيب العربيه و انزل دى ههههههه .... بس بينى و بينك شكلهم بيبقى مرعب الصراحه ...... و علميا العربيه اللى بتبقى شمال او يمين الكابينه بتاعه المقطوره بيبقى السواق مش شايفها فى المرايه بتاعته .... ده غير ان تلات ارباعهم مساطيل اصلا

طيب برضه ايه الحل ... انا مثلا بفكر فى عمل وقفه احتجاجيه زى كل الناس ...ايه رأيكم

اقتباس:

---

المشاركة الأصلية كتبت بواسطة moumen_hs

متابع وبهتمام جدا ولو فى حل أو شكوة معاكو بس اعتقد أن الموضوع لازم يكون لة شو اعلامى شوية علشان الدخلية تتنيل وتتحرك

---

طيب ايه رأى حضرتك فى عمل وقفه احتجاجيه و نعملها دعايه كبيره ... ممكن ده يجذب الأعلام ايه رأيك

اقتباس:

---

المشاركة الأصلية كتبت بواسطة ahmedsrs

على راى الزعيم سعد زغلول (مفيش فايدة)

---

لو بقينا ايجابيين ... هيبقى فى فايده ان شاء الله

فى دول الخليج اللى كنا بنقول عليهم متأخرين زمان ... لو سواق نقل خرج عن حارته او عدى السرعه بتاعته بيبقى يوم اسود على السواق و اللى مشغله

غالبا بيبقى السواقين من جنسيه تانيه فأول قرار بيبقى ترحيل السواق و طرده من البلد ... ده غير تغريم الكفيل و الشركه اللى مشغلاه

عقبالنا يارب

بأختصار ياجماعه عشان انا قريب من مجال النقل ده وعارف قرفه

سواق المقطوره او التريلا بيكون ماشى براحته ومش همه لسبب وحيد انه مش هيتصاب بأذى من العربيات الأصغر منه ولا هيلحقوا بيه اى ضرر نهائى فعشان كده بيمشى ومش همه حاجه خالص الا من العربيات اللى زيه والأتوبيسات بيمشى معاهم زى الألف وده انا لاحظته على اربع خمس سوقين كنت معاهم وراكب جنبهم فوق

اما تانى حاجه هما متأكدين دلوقتى ان من بعد الثوره ان ولا فى حد هيقولو انت طلعت هنا ليه ولا مش ماشى فحارتك ليه ولا ماشى بسرعه ليه اخرهم يوقفوه يشوفوا الرخص وشكرا على كده

تالت حاجه سواقين العربيات دى كلهم تقريبا بلا استثناء ماشاء الله عليهم بيتعاطوا المواد المخدره من افيون لبرشام لحشيش ....الخ عشان يقدر يطبق ويشتغل اكبر وقت ممكن بسبب المسافات اللى بيقطعها من غير ماينام غير وقت قليل جدا

ولو عايزين تشوفوا المهازل اللى بجد اطلع على المحور وطريق اسكندريه الصحراوى واتفرج يامعلم على اللى بيحصل

اقتباس:

---

المشاركة الأصلية كتبت بواسطة beso516

بأختصار ياجماعه عشان انا قريب من مجال النقل ده وعارف قرفه

سواق المقطوره او التريلا بيكون ماشى براحته ومش همه لسبب وحيد انه مش هيتصاب بأذى من العربيات الأصغر منه ولا هيلحقوا بيه اى ضرر نهائى فعشان كده بيمشى ومش همه حاجه خالص الا من العربيات اللى زيه والأتوبيسات بيمشى معاهم زى الألف وده انا لاحظته على اربع خمس سوقين كنت معاهم وراكب جنبهم فوق

اما تانى حاجه هما متأكدين دلوقتى ان من بعد الثوره ان ولا فى حد هيقولو انت طلعت هنا ليه ولا مش ماشى فحارتك ليه ولا ماشى بسرعه ليه اخرهم يوقفوه يشوفوا الرخص وشكرا على كده

تالت حاجه سواقين العربيات دى كلهم تقريبا بلا استثناء ماشاء الله عليهم بيتعاطوا المواد المخدره من افيون لبرشام لحشيش ....الخ عشان يقدر يطبق ويشتغل اكبر وقت ممكن بسبب المسافات اللى بيقطعها من غير ماينام غير وقت قليل جدا

ولو عايزين تشوفوا المهازل اللى بجد اطلع على المحور وطريق اسكندريه الصحراوى واتفرج يامعلم على اللى بيحصل

---

انا معاك فى كل اللى قلته و زياده كمان ... واحد حكالى قبل كده و الله انه شاف بعينه سواق نقل و التباع بتاعه بعد التحميل جابوا ازازه سبرتو احمر من عند بتاع البويات و اشتروا كان بيبسى و قعدوا يخلطوا السبرتو الأحمر مع البيبسى و يشربوه ... ربنا ينتقم منهم

المهم ... ايه الحل ... و ازاى هنسكت ان ادوات القتل دى تفضل سارحه فى الشوارع و بتهدد حياتنا كده

الله يرحم ايام الداخليه فى عزها .. الكلام ده مكانش ممكن يحصل وان كان موجود كان فى الخفاء ومش بالطريقه المنتشره دى .............

اقتباس:

---

المشاركة الأصلية كتبت بواسطة akmm

الله يرحم ايام الداخليه فى عزها .. الكلام ده مكانش ممكن يحصل وان كان موجود كان فى الخفاء ومش بالطريقه المنتشره دى .............

---

اختلف معاك يا باشا .... طول عمره بيحصل من ساعه ما وعيت على السواقه .... يمكن زاد شويه اليومن دول ... بس طول عمره موجود

أنا كمان بعانى من الموضوع ده أشد العناء بحكم انى ساكن على الدائرى وكمان شغلى على الدائرى فا مفيش مشوار أعمله الا لازم استخدم الدائرى وبشوف مهازل وحوادث وكوارث عليه بجد تخلى الواحد يستشهد كل ما يسوق عليه.
أنا فعلا فكرت فى يوم من الأيام انى أوقف الطريق وأعمل احتجاج بس المشكلة انك بتعطل الدنيا كلها وطبعا ساعتها شكلك وحش والأمن هييجى يفض التظاهر وكأن مفيش حاجة حصلت وكله زى ما كان يا إما ناس كثير تتجمع بس طبعا كثير ده معناه مش أقل من 10000 بنى آدم علشان الموضوع يكون ليه وزنه وأهميته ويتاخد بجدية
الحل الأمثل من وجهة نظرى بجانب تفعيل قانون مواعيد سير المقطورات هو حاجة بسيطة جدا أغلب الناس اللى عاشت برة مصر شافوها. الحل هو تفعيل كلمة (ضابط) بكل ما تحتويه من معانى، يعنى باختصار مفيد أى فرد من أفراد الشرطة مينفعش يبقى شايف حاجة بتحصل غلط ومياخدش أى موقف منها ولو ده حصل وعلى حظه أى فرد شرطة تانى شافع وهو بيقصر ساعتها يبلغ عن المخالفة والضابط المقصر بس للأسف أصلا أفراد الشرطة مينطبقش عليهم كلمة (ضابط) لأنه لا يضبط الجريمة أو المخالفة والأسوأ من كدة انهم (أفراد الشرطة) أصلا بيرتكبوا مخالفات بالجملة فا إزاى أطلب من واحد مخالف أصلا يظبط واحد مخالف (فاقد الشئ لا يعطيه)
قانون من غير قوة عادلة زى قلته
حسبى الله ونعم الوكيل

اقتباس:

---

المشاركة الأصلية كتبت بواسطة hameedo

أنا كمان بعانى من الموضوع ده أشد العناء بحكم انى ساكن على الدائرى وكمان شغلى على الدائرى فا مفيش مشوار أعمله الا لازم استخدم الدائرى وبشوف مهازل وحوادث وكوارث عليه بجد تخلى الواحد يستشهد كل ما يسوق عليه.
أنا فعلا فكرت فى يوم من الأيام انى أوقف الطريق وأعمل احتجاج بس المشكلة انك بتعطل الدنيا كلها وطبعا ساعتها شكلك وحش والأمن هييجى يفض التظاهر وكأن مفيش حاجة حصلت وكله زى ما كان يا إما ناس كثير تتجمع بس طبعا كثير ده معناه مش أقل من 10000 بنى آدم علشان الموضوع يكون ليه وزنه وأهميته ويتاخد بجدية
الحل الأمثل من وجهة نظرى بجانب تفعيل قانون مواعيد سير المقطورات هو حاجة بسيطة جدا أغلب الناس اللى عاشت برة مصر شافوها. الحل هو تفعيل كلمة (ضابط) بكل ما تحتويه من معانى، يعنى باختصار مفيد أى فرد من أفراد الشرطة مينفعش يبقى شايف حاجة بتحصل غلط ومياخدش أى موقف منها ولو ده حصل وعلى حظه أى فرد شرطة تانى شافع وهو بيقصر ساعتها يبلغ عن المخالفة والضابط المقصر بس للأسف أصلا أفراد الشرطة مينطبقش عليهم كلمة (ضابط) لأنه لا يضبط الجريمة أو المخالفة والأسوأ من كدة انهم (أفراد الشرطة) أصلا بيرتكبوا مخالفات بالجملة فا إزاى أطلب من واحد مخالف أصلا يظبط واحد مخالف (فاقد الشئ لا يعطيه)
قانون من غير قوة عادلة زى قلته
حسبى الله ونعم الوكيل

---

احييك على كلامك و متفق معك بنسبه 100%

طيب احنا فى اكبر تجمع للسيارات فى مصر ... ده احنا لو لمينا رجاله نايل موتورز بس هنقفل البلد

شدوا حيلكوا يا جماعه عايزين اقتراحات

الحل بسيط من الحكومه
حتت حديده كده بتتعلق اسمها كاميرا تتحط في اماكن عشوائيه لظبط المخالفين
الفكره ان البني ادم يحس انه دايماً متراقب وان الي بيتلقط مخالف بيتحاسب وقتها هيمشي زي الك ... الالف

اقتباس:

---

المشاركة الأصلية كتبت بواسطة K_E

الحل بسيط من الحكومه
حتت حديده كده بتتعلق اسمها كاميرا تتحط في اماكن عشوائيه لظبط المخالفين
الفكره ان البني ادم يحس انه دايماً متراقب وان الي بيتلقط مخالف بيتحاسب وقتها هيمشي زي الك ... الالف

---

كلامك صح و الله .... بس هنعمل ايه فى حكومه لسه بتتعامل بالملفات و الأوراق :breakpc2::breakpc2:

على فكرة فى كاميرات متركبة على الدائرى على اليفط اللى هيه بالعرض وعلى كل حارة كمان بس مش عارف شغالة ولا لسه واعتقد انها عشان الالتزام بالحارات خصوصا النقل