سيتروين إكسارا الرائعة،،،، القول الفصل... ممكن؟
السلام عليكم
من أكتر الماركات والطرازات اللي أقدرها واحترمها سيتروين، باركب ماركات أوروبي بس سيتروين مركبتهاش، بصراحة شوفت سيتروين إكسارا أوائل الألفينات ومعجب باقتنائها جدا
أرجو من أساتذة السيتروين الإفادة بخصوصها مع إسداء النصيحة
هو فيه فرق بين إكسارا1 و إكسارا2 ؟؟؟
بالنسبة لإكسارا اوائل الألفينات جميع الكماليات مانيوال وبحالة جيدة جدا.. تعمل كام؟؟
تكييفها كويس؟ الجري في السرعات والسفر ثابت وآمن صح؟
لو أمثلة لأسعار قطع الغيار زي سيور زيوت فلاتر، مساعدين مقصات كبالن فوانيس....إلخ
قطع غيارها موجودة فين جديدة واستيراد؟؟
الصيانات عند مين أفضل متخصصين؟؟؟ (لو نواحي الجيزة والهرم والمهندسين والدقي يكون أحسن)
طبعا أنا عارف إن إعادة البيع صعبة حبتين بس متعود عشان باركب بيجو وإلى حد ما زيها في إعادة البيع
طبيعة استخدامي هو الاستخدام شبه الشاق، مش بحمل عليها أوزان بس بسافر كتير جدا، ومشاويري كتير 90% طرق سفر
دوشتكو بس أتمنى منكو الرد الوافي والنصيحة وشكرا مقدما
