الموضوع: سيتروين إكسارا الرائعة،،،، القول الفصل... ممكن؟

المشاركة الأصلية كتبت بواسطة benmatar

السلام عليكم
من أكتر الماركات والطرازات اللي أقدرها واحترمها سيتروين، باركب ماركات أوروبي بس سيتروين مركبتهاش، بصراحة شوفت سيتروين إكسارا أوائل الألفينات ومعجب باقتنائها جدا
أرجو من أساتذة السيتروين الإفادة بخصوصها مع إسداء النصيحة
هو فيه فرق بين إكسارا1 و إكسارا2 ؟؟؟

آه اكسارا ٢ فرنساوي بالكامل وموتورها ٢ كامة و ٤ زجاج كهربا وفيها فرامل اي بي اي لكن خللي بالك وانت بتشتري ان في منها ١٤٠٠ موتورها مش اد كدا اشتري ال١٦٠٠
بالنسبة لإكسارا اوائل الألفينات جميع الكماليات مانيوال وبحالة جيدة جدا.. تعمل كام؟؟
بحد اقصي ٣٥ لو اكسارا ١ لو ٢ ممكن توصل ٤٠ لو ممتازة
تكييفها كويس؟ الجري في السرعات والسفر ثابت وآمن صح؟
تكييفها ممتاز ومش بيأثر عالسحب خالص وحراية جدداااااااا وثبات ممتاز
لو أمثلة لأسعار قطع الغيار زي سيور زيوت فلاتر، مساعدين مقصات كبالن فوانيس....إلخ
هاكلمك عن الاكسارا ١ ( علشان دي عربيتي )
سير تقسيمه ٩٠
سير مجموعة ٦٠
زيوت طبعا زيوت تخليقية او حسب حالة الموتور
مساعدين استعمال ( بالسوست والبطاحات ) ٥٠٠ الجوز قدام
مقصات المقص ب ٣٠٠
كبالن ب ٤٠٠ الكوبلن كامل استعمال
فوانيس الفانوس ب ٣٠٠

قطع غيارها موجودة فين جديدة واستيراد؟؟
انا مش من القاهرة بس الحرفيين مليانة
الصيانات عند مين أفضل متخصصين؟؟؟ (لو نواحي الجيزة والهرم والمهندسين والدقي يكون أحسن)
طبعا أنا عارف إن إعادة البيع صعبة حبتين بس متعود عشان باركب بيجو وإلى حد ما زيها في إعادة البيع
طبيعة استخدامي هو الاستخدام شبه الشاق، مش بحمل عليها أوزان بس بسافر كتير جدا، ومشاويري كتير 90% طرق سفر

دي تفحتها شغل مش هاتشتكي
دوشتكو بس أتمنى منكو الرد الوافي والنصيحة وشكرا مقدما

لو احتجت اي حاجة ممكن تكلمني ٠١٠٦٨٨٢٦٩٩٠ تحت امرك