175/70/13 سعرة 295 جنية أندونيسى ومفيش يابانى أنا كنت سألت مهندس مصطفى فى توكيل بريدجيستون ومعاه ترصيص وبلف ألمانى
عرض للطباعة
175/70/13 سعرة 295 جنية أندونيسى ومفيش يابانى أنا كنت سألت مهندس مصطفى فى توكيل بريدجيستون ومعاه ترصيص وبلف ألمانى
المهندس نجاد
انا بشكر حضرتك جدا جدا علي تعبك معانا علي المجهود الخرافي اللي بتبزله هنا معانا فى المنتدي و علي فكرة انا جاي ان شاء الله لحضرتك قريب جدا عشان اشيك علي فرد العربية
حضرتك انا اشتريت مقاس هواء ايطالي و ديه كانت فكرة خالي عشان لما اروح اي بنزينة او محطة تصليح او تزويد كاوتش العربية يكون المقاس واحد و مظبوط و يكون مخصوص لعربيتي
طيب هل المقاس ده حضرتك ممكن يبوظ مثلا او يغلط في القراءة في يوم من الايام و لا ايه راي حضرتك و المقاس مكتوب عليه من الداخل ايطالي و بره كمان
الف شكر لحضرتك
العضو العزيز تاريخ الصنع فى اى اطار يكون آخر 4 ارقام فيما يسمى الـ dot وبتكون من 11 حرف ورقم مثلا dot tkn6frd2008 فهذا الاطار منتج فى الاسبوع العشرين والسنة 2008 وما كتبته حضرتك للاسف ليس بال dot
اكرر للجميع العودة لكتالوج السيارة او القائم الامامى للباب اليسار لمعرفة المقاس البديل
من 10ص الى 10 م
اكرر للجميع العودة لكتالوج السيارة او القائم الامامى للباب اليسار لمعرفة المقاس البديل
اذا حضرتك زودت هواء على نيتروجين يجب اعادة تفريغ الاطار وشحن النيتروجين اما اذا كان من فترة طويلة ولم يزود الاطار هواء فلا توجد مشكلة ان شاء الله
طبعا مقاسات الهواء يجب ان يتم معايرتها من حين الى حين حتى نتاكد من سلامة القراءة واذا كانت من النوعيات الجيدة فمن الممكن ان تجد بها مفتاح او زرار معايرة بحيث يضبط المؤشر سواء بالتقديم او التاخير حسب المطلوب كل فترة بالمقارنة بجهاز معايرة
م/ نجاد شريف حبيب الكل ..... السلام عليكم ورحمة الله وبركاته
أنا معايا لانسر موديل 2006 بوما 1600cc وعايز أغير عرض الكاوتش من 195/60/15 الى 205/60/15 هل هذا سيأثر على العفشة واستهلاك البنزين وعل ثبات العربيه على الارض وهل يوثر على عداد الكيلوات وعل ارتفاع السيارة من الارض نظرا لهذا التغيير ؟ أرجو ان تدلنى على العرض المناسب والارتفاع المناسب للاطار دون التأثير على السياره علما أن المقاس 195/60/15هو اللى مكتوب على قائم الباب.... وشكرا وأسف على الاطاله
السلام عليكم بشمهندس نجاد :
انا كنت عاوز أغير الكاوتش و في ناس كتير شكروا في toranza GR 80 لكن هو موش موجود غير خارج التوكيل لكن في التوكيل في نوع بديل toranza GR 90 لكن هو (in side out side) وليس (rotation) زي الـ GR 80
وناس تانية قالوا الـ(toranza AR 10)
كنت محتاج من خضرتك أعرق الفروق بينهم ونصيحة إيهم أفضل وهل الشركة هتنتج تاني الGR 80 ؟
ولك جزيل الشكر
السلام عليكم بشمهندس نجاد
انا معيا عربيه اسبيرانزا ام 11 وعيز اعرف اسعار الكويتش مقاس 205/55/r16
وياريت تقولى على اى نوع كويس من بريجستون علاشان انا محتاج كوتش درورى الى العربيه
وانا كل واحد يقول لى على نوع ومش عارف اجيب ايه بس انا من زمان وانا على طول بركب بريجستون وانا فى حيره لان فيه ناس كتير بينصحونى اجيب كوتش gt الاندونيسى
ولان الكاوتش اللى جايه بيها العربيه اندونيسى ولم يكمل ال25 الف كيلو فانا فاقد الصقه فيه
وشكرا ليك
السلام عليكم , انا هنزل بالسيارة الاسبوع اللى جاى من اسيوط للقاهرة مخصوص من اجل تغيير ال4 فرد كاوتش للنوبيرا و عايز اسأل عن 15/195/55 هل هو متوفر ام لا و سعره كام , و الف شكر مقدما للرد.
ليا سوال الكوتش عندى جنب المقاس بتاعه مكتوب R16/55/205 وبعدين حرف w91
وطبعا ده مش عرف ايه المقصود بال w91 لان عندى الفرده الاستبن مكتوب بدل w91 مكتوب v91
فبع اذنك ياباشمهندس نجاد عايز افهم الرف ده يعنى ايه والحرف الثانى يعنى ايه
ولك جزيل الشكر والتقدير
الاخ العزيز strikebaby اود ان اوضح لك انه تم الرد عليك من قبل العضو مومو وبعد سؤالك مباشرة واعلى الصفحة التى تسال فيها عن المفروض تعمله فلو سمحت قل لى ماهو المفروض ان اعمله انا لكى اجعل الاعضاء الافاضل يقرؤا ؟؟؟؟؟؟؟؟؟؟؟؟؟:shyy: وكمان الاخ اللى انا جايب سؤاله اسفل هذا الكلام انا ردت على نفس نوعية الاسئلة دى بدل المرة ................
ارجو قراءة الردود السابقة والرجوع لكتالوج السيارة واذا مثل ما كتبت لا يوجد غير مقاس واحد يبقى ما عنديش لحضرتك رد آســـــــــــــــــــف :B4_444:
الاخ العزيز عماد المقاس 205/55ار16 تورانزا جى ار 90 هو الاكثر هدؤا واكثر مرونة فى اطارات الموجودة حاليا وسعره 705جنية للاطار
الاخ العزيز المقاس موجود 530جنية
الاخ العزيز لقد تم شرح هذة المعلومات سابقا ولكن سريعا الرقم هو معادل الحمولة او الوزن الذى يستطيع الاطار حمله عند الضغط الاقصى المكتوب على جانب الاطار وهو 91=615كجم اما الحرف فهو رمز السرعة وهو عبارة عن السرعة التى يستطيع الاطار السير بها وهو يحمل اقصى حمولة واقصى ضغط v=240 و w=270
مع احترامى للجميع وكم ذكرت اعلاه فال جى ار 90 هو الافضل على الاطلاق حاليا