السلام عليكم و رحمة الله و بركاته
المهندس نجاد:
انا اسف جداً للشكوى المقدمه لسيادتكم عن احد فروع بريدجستون لأن من الواضح ان الموضوع غير مخصص للشكوى بل لأستفسارات الأعضاء.
شاكر جداً لحسن التعاون.......
عرض للطباعة
السلام عليكم و رحمة الله و بركاته
المهندس نجاد:
انا اسف جداً للشكوى المقدمه لسيادتكم عن احد فروع بريدجستون لأن من الواضح ان الموضوع غير مخصص للشكوى بل لأستفسارات الأعضاء.
شاكر جداً لحسن التعاون.......
طيب بالنسبة لالنترا انا عايز اركبلها جنوط سبور لزيادة الثبات والشكل
الجنط الحالى 185-65-15
ودة المقاس اللى مكتوب فى الكتالوج 205-55-16
تفتكر يا استاذ نجاد كدة هيزود الثبات ولا اركب 17 افضل
وكمان اية رايك لو ركبت المقاس دة (215-50-16) قاللى علية صاحب احد المحلات وشكرااا مقدماااا
بشمهندس نجاد
بعد التحية ، و بشكرك جدا على هذا المجهود الرائع
أنا شوفت على موقع بريدجستون الفرده الإدرينالين يوجد منها مقاس 205/55/r15 رمز سرعه 88w فهل هذا المقاس موجود و أقدر أحصل عليه و سعره كام بعد إذنك......مع العلم انى هركبه بديل للمقاس الأصلى عندى 195/60/r15 لعدم توافره فى الإدرينالين .
الاخ العزيز آسف لبهدلة الكاوتش وارجوك ارجع لكتالوج العربية وشوف المقاس المناسب
الاخ العزيز ارجوك ارجع لكتالوج العربية وشوف المقاس المناسب واذا كان هو 205/55ار16 ركبه اما اذا كان هناك مقاس بجنط 17 وانت عايزه ما فيش مانع اما الاجتهادات الشخصية فمجالها مش فى الاطارت لو سمحتم.
ودعونا نناقش موضوع تغيير الجنوط للشكل اود ان اسال :-
1- متى ترى حضرتك ومن معك فى السيارة ومن هم فى السيارات حولك الجنوط ؟؟؟
الاجابة : عندما تركن السيارة وتقف حضرتك ومن معك بجانبها
2- كم من الوقت تركن وتقف بجانب سيارتك فى اليوم الواحد ؟
الاجابة : فى اعتقادى بالكثير ساعة
3- هل منطقى انك تغير الجنوط وتدفع فيهم مبلغ كبير لكى تراهم ساعة واحدة فى الـ 24ساعة ؟؟؟
اترك لك الاجابة
الاخ العزيز ارجوك ارجع لكتالوج العربية وشوف المقاس المناسب... وللعلم المقاس غير متوفر
السلام عليكم..
شكراً يا بشمهندس على وجودك معانا في المنتدى و استجابتك لاستفسارات الأعضاء..
أنا عندي سؤال.... هو فعلاً الفردة R16 205/50 تعمل من 900 لألف جنيه؟؟؟؟؟؟
أنا لما سمعت الكلام ده في فرع العبور حسيت إني عاوز أولع في العربية.... بجد يا بشمهندس إنصحني نصيحة حلوة كدة غير إني أغير الجنوط علشان دول بتوع الفابريكة.... هي المشكلة إني جايب عربية كوري علشان أعرف أصرف عليها بس الكاوتش غالي قوي عليا :120146b:120146b
آسف على إزعاجك
يا باشمهندس يا باشمهندس يا باشمهندس
أنا غيرت الأربع فرد في شهر 3 وجبت 4 بريدجستون ياباني من الغطاطي اللي في آخر فيصل
النهاردة فوجئت بإن فيه بالونة في الفردة الأمامي شمال من الجنب كده ؟؟؟ المفروض أعمل ايه أرجع لهم يغيروها ده عيب تصنيع ولا عيب استخدام؟؟؟؟؟؟؟؟؟؟؟؟؟؟؟؟؟
باشمهندس نجاد ...
أنا معايا جولف mk1 gti 1982 مقاس العجل عندي 185/60 ر 13 و الإستبن 175/70 ر 13
يا ترى مقاس 205/60 ر 13 ينفع معايا ، أنا لقيت ناس كتير برة مركبينه .... و أنا محتاج بصراحة أعلي العربية حبة و مضحيش بالثبات برضه ...
شكراً مقدماُ
باشمهندس نجاد
مع احترامي الشديد لحضرتك ولرأيك , كلامك معناه إن الواحد ممكن يلبس هدوم أي كلام علشان هو مش واقف يتفرج على نفسه في المراية طول اليوم !
انا شايف إني لما بأجمل في عربيتي بأبقى عايزها تكون حلوة ومميزة في عنين الناس مش بس في عيني انا.
ولكن انا طبعا متفق مع حضرتك إن الواحد لازم يراعي المقاس المناسب لعرابيته زي الكتالوج علشان غير كده هيبهدل نفسه وعربيته.
استاذ كريم بعد التحية...
ارجو ان اوجه نظر سعادتك ان ردى عليك كان كالتالى :-
" ودعونا نناقش موضوع تغيير الجنوط للشكل اود ان اسال :-
1- متى ترى حضرتك ومن معك فى السيارة ومن هم فى السيارات حولك الجنوط ؟؟؟
الاجابة : عندما تركن السيارة وتقف حضرتك ومن معك بجانبها
2- كم من الوقت تركن وتقف بجانب سيارتك فى اليوم الواحد ؟
الاجابة : فى اعتقادى بالكثير ساعة
3- هل منطقى انك تغير الجنوط وتدفع فيهم مبلغ كبير لكى تراهم ساعة واحدة فى الـ 24ساعة ؟؟؟
اترك لك الاجابة "
فكما تلاحظ انى اتكلم عن تغيير الجنوط لسبب الشكل فقط، ومع احترامى لوجهة نظرك ايضا فاذا لبس الواحد هدوم اى كلام فهو واضح وظاهر للجميع على طول الوقت سواء واقف والا راكب السيارة والا ماشى، انما الجنط شكله وجماله لن يظهر الا فى حالة الوقوف التام للسيارة.
و بالطبع انت لك مطلق الحرية ان تجمل سيارتك بالطريقة التى تعجبك وبالتكلفه التى تحددها بدون اى تدخل من احد...
تحياتى
الاخ العزيز لا يمكن تحديد سبب المشكلة الا بعد الكشف على الاطار ممكن سعادتك ترجع للموزع الذى قام بالبيع لك وسوف يفيدون حضرتك اكيد.
الاخ العزيز ارجوك ارجع لكتالوج العربية او غطاء تنك البنزين وشوف المقاس المناسب...