الموضوع زاد عن الحد-أسمع خالد يوسف و قول هتقاطع أفلامه؟ولا لأ
بصوا يا شباب و يا بنات المنتدى
ان واحد يعمل أفلام سافلة و الرقابه توافق على عرضها فى السينما قولنا ماشى
لكن
انهم بستضيفوا المخلوق اللى أسمه خالد يوسف ويقول التصريحات المستفزة دى فى كل الفضائيات كفاية بقى
اسمع البيه بيقول ايه:
فى قناة أبو ظبى المذيعة بتسأله إيه رأيك فى السينما النظيفة(قصدها أفلام زى أحمد حلمى و أحمد السقا)؟
رد:بيقولك دى افلام ساذجة متأثرة بالتيارالرجعي اللى أنتشر اليومين - قصده ايه بقى بالرجعية دى -بيوضح ان ثقافة الرجعيه اللى بتنادى بالحجاب --ولما حس انه هيخرف قام قال ايه انه قصده حجاب العقل اللى الثقافة الرجعية بتنادى بيه ----ولذلك فأردت ان اخرج للمجتمع طاقة تنويرية عشان يخرج المجتمع من الظلمات الى النور
الطاقة التنويرية هى: غاده عبد الرازق و سميه الخشاب
ياريتو كان سكت لأ ده كمل هجومه على الافلام النظيفة انها تسيىء الى رجولة الشباب و أنوثة النساء عشان لما البطل بيقرب من البطلة بيبقوا متكهربين اما فى الفيلم بتاعه بيشعر الجل برجولته و الأنثى بأنوثتها عشان الشياب ميطلعش عنده كبت
جيت اقلب التلفزيون من الفقه جبت دريم لقيتهم مستضيفينوا و بيقول نفس الكلام
جبت روتانا سينما شرحه
الأستنتاج:
1-هجوم غير مباشر على التيار الأسلامى المنتشر فى مصر و الحمد لله
2-هجوم مباشر على الحجاب
ليه بقى بنزعل من الغرب ونيجى على الناس اللى بيصطعبطوا زى ده و محدش يقول نقاطع أفلامه ولاحاجه
والله انا استحرمت اخش الفيلم ده عشان مبقاش شاركت فيه
سوفوا الجروب ده على الفيس بوك عن مقاطعة خالد يوسف وأمثاله
ادخلوا يا جماعة شوفوا رأي الشباب الصغير في افلام خالد يوسف والله حاجة تفرح، يعني مش احنا بس اللي معترضين، أنا مش فاهمة لما كل العدد ده بيقاطعوا، امال مين اللي بيساهم في تحقيق الإيرادات، اللي هو و أمثاله واخدينها حجة ، وكل ما حد يكلمهم يردوا عليهم بجملة واحدة
(الايرادات العالية هي خير دليل على نجاح الفيلم، و قوته)
ده رابط الجروب :
http://www.facebook.com/group.php?gid=19302387875