الموضوع: انامش مبسوط من السونىgt500

المشاركة الأصلية كتبت بواسطة zaza2002

زى مامكتوب فى العنوان انا ركبت الجهاز من اسبوع وبصراحة من ساعتها وانا مش حاسس انى مبسوط منه اولاانا مش شايف ان صوته بالقوة اللى انا كنت متوقعها يعنى كان راكب عندى كاسيت كلاريون بتاع الفابريكة بتاع اللانوس 99 يعنى شغال اكتر من عشر سنين ومكنتش بقدر اعلى الصوت عن 22 كان بيهز العربية اما السونى فانا بجيب 28عشان اقدر اسمع الكاسيت نهاك عن البيز بتاعه مش بيضظبط بدرجات حسب رغبتى زى مكان عندى فى الكلاريون لأ ده فى تضبيطات محددة وانا اختار منها.. فى النهاية بصراحة انا مش مبسوط من الكاسيت وقولت اقبل مااتخنق منه وابيعه اسألكم عن احسن تضبط ليه الله يكرمكم لعل وعسى وانا اقصد انا حد يقولى هو مظبط الكاسيت بتاعه على اى اوضاع بالظبط واسف على الاطالة ولكم جزيل الشكر

وسااااااااااااااااااااااا اااااااااع
مين ايه فين امتى ازاى ؟؟؟

ياباشا حضرتك مش مبسوط ان شاء الله نبسطك عشان الكاسيت ده تحفة والله
وانا دخلت على البروفيل بتاعك وعرفت انك من مصر الجديدة جيران يعنى انا ممكن اعدى عليك واظبطهولك اصله فيه حوارات كتير بس لو اتظبطت صح والله لتبات فى العربية

بس للاسف ملقتش رقمك
انا رقمى 01123040025 ممكن ترنلى بس وانا ابقى عندك
كله الا السونى

كلام غريب يا باشا يا ريت تتأكد من كل التوصيلات والسالب والموجب بتاع السماعات والأرضى والكهرباء . لأن ده كله بيأثر على الاداء . بس أهم حاجه التوصيلات بتاعت السماعات لأنها هى اللى بتخلى البييز تعبانه .

اهم حاجة السماعات اللى معاك اللى ورا نوعهم اية انا معايا كينوود 400 و مرة كنت عند بتاع كاسيت افتكرنى مركب صب و سالنى نوعة اية من قوة الدبة واشتغلتة وقولت لة jbl , انا مش ببقى عايز انزل من العربية دة كاسيت فوق الوصف

المشاركة الأصلية كتبت بواسطة zaza2002

والله الواحد مش عارف يقول ايه ليكم انتوا فعلا ناس زوق وخدومين جدا وانا شاكر ليك يادرش المهم ان انا عن طريق المعلومات اللى انا اخدتها منكم ومن الكاتالوج قدرت اضبطه بنسبة 80%تقريبا وربنا يسهل واقدر اوصل للصوت اللى انا نفسى فيه لانى بصراحة كنت منتظر كتييييييرقوى من الكاسيت ده ....هو لو ممكن يادرش تقولى ازاى اظبط البيز بتاعه لانى مش لاقى فيه درجات لليز زى ماكان عندى فى الكاسيت الكلاريون الكاسيت مفهوش غير تظبيطات محددة اختار انامنها صح ولا فى ريق تانية انا مش عارفها ولك ولكم جميعا جزيل الشكر.....

لا شكر على واجب والله ما كلام وخلاص انا ممكن اجيلك اسهل عشان يبقى كل حاجه قدامك او فيه حل تانى لو مش عايز تشربنى شاى لما تبقى فى العربية كلمنى وانا اظبطه معاك خطوه خطوه بس انا عايز اشرب شاى او ازوزه
وعموما انت ممكن تعمل البدع فى ال 7 باند دول عشان تسمع الصوت حلو وخلى بالك السماعات هتفرق فى الصوت يعنى مش شرط اللى عامله عندى ينفع عندك الموضوع فيه جزء كبير بالودااااااااااااااان

المشاركة الأصلية كتبت بواسطة abdo1234456

كلام غريب يا باشا يا ريت تتأكد من كل التوصيلات والسالب والموجب بتاع السماعات والأرضى والكهرباء . لأن ده كله بيأثر على الاداء . بس أهم حاجه التوصيلات بتاعت السماعات لأنها هى اللى بتخلى البييز تعبانه .

اى نعم ممكن لو مش متوصله صح تقلب فيز بمعنى ان لو جبت البلانس يمين بس هتسمع صوت حلو ولو جبته شمال بس برده هتسمع الصوت حلو انما لو عملته فى النص هتسمع سلاطه طحينه

السمعات اهم حاجة يالرجالة ماتحاولوش الكاسيت دة عايز سماعة صح