يا جماعة كنت بفكر أجيب قشقاى بس فكرت فى x-trail لان اسرتى ما شاء الله كبيرة ومحتاج العربية الاكبر الفكرة هنا انى عارف ان القاشقاى عربية ممتازة بس محدش بيجيب سيرة x trail خالص وكمان مش حاسس انها منتشرة يا ترى ايه السبب
عرض للطباعة
يا جماعة كنت بفكر أجيب قشقاى بس فكرت فى x-trail لان اسرتى ما شاء الله كبيرة ومحتاج العربية الاكبر الفكرة هنا انى عارف ان القاشقاى عربية ممتازة بس محدش بيجيب سيرة x trail خالص وكمان مش حاسس انها منتشرة يا ترى ايه السبب
متابع
عشان ال x-trail مش واسعة زى ما حضرتك متخيل , قطع غيارها غالية جدا , عفشتها ناشفة جدا
وصوت ماتورها مش ناعم كدة انا عن نفسى مش بحبها خالص
وكمان نزلها face lift فى الخارج بقى شكلها اوحش من دلوقتى
كنت بفكر زيك كده قبل ما اشترى القاشقاى
بس بصراحة موضوع تقفيل ال xtrail فى مصر ده قلقنى
فى الأول والآخر الموضوع راحة نفسية روح على أقرب موزع ليك واقعد جوه العربيتين وان شاء الله ربنا يهديك للأصلح
هو فى فرق فى السعر بين القشقاى و الاكس تريل؟
في حاجة كمان الاكس ترايل 2400 سي سي عشان كدا اللي بيجي يقرب من الفئة دي ناس قليلين قوي
انما ال 1600 زي القاشقاي مطلوب و منتشر
هى الاكس تريل ليها طبيعه خاصه شويه . يعنى هى ٢٥٠٠ سى سى و جر رباعى و تقفيل مصرى و إمكانياتها بالنسبه لسعرها تعتبر كويسه جدا و ده راجع لحكايه التقفيل المصرى طبعا. هى العربيه موجوده فى الشوارع لكن مش زى العربيات العاديه ال ١٦٠٠ سى سى و ده طبعا لان الضريبه و الترخيص و استهلاك البنزين أعلى من ال ١٦٠٠ سى سى العادى و أكيد حكايه التقفيل المصرى دى ليها برضه دور فى موضوع عدم لانتشار و كمان السعر لانها اكيد مش رخيصه برضه. هى فى فئه لوحدها يعنى وسط بين ال ١٦٠٠ و بين الجر الرباعى التانى زى الرانجلر و الشيروكى مثلا فاغلبيه اللى عايز جر رباعى هتلاقيه بيروح للمواتير الأكبر زى الرانجلر أو الشيروكى أو الاعلى منهم حتى و الحاجات دى و ما بيهتمش باستهلاك البنزين أو مصاريف الترخيص و الضريبه. يعنى باختصار اللى بيشتريها عايز حل وسط للجر الرباعى اللى هو اغلبه فى المدينه مش دخول صحرا على طول و مصاريف الترخيص و استهلاك البنزين و ارتفاع عن الأرض و عفشه و أمان و توكيل محترمين و مقتنع بشكلها من جوه لانى باحس انه عتيق شويتين كل ده متوسط بين ال ١٦٠٠ و باقى الجر الرباعى هو ده اللى ممكن يجيبها و على فكره انا ركبتها اكتر من مره هى مش ضيقه خالص و شنطتها معقوله. انا ما شفتش موديل ٢٠١٣ بس يعنى معظم العربيات اليابانى بقت شعارها الجمال جمال الروح دلوقتى و لو بتقارن بينها و بين القشقاى فى فرق كبير فى السعر ما يقلش عن ٤٠ ألف جنيه و اعتقد ان من المعايير الأساسية فى الاختيار هتكون. هل فعلا حضرتك محتاج دفع رباعى و لا لأ و هل هيفرق معاك استهلاك البنزين و الضريبه و الترخيص و لا لأ و الشكل بصفه عامه سواء الداخلى او الخارجى و كمان فرق السعر و اعتقد نقطتين الاتساع الداخلى و سعر قطع الغيار دول مش مؤثرين فى الاختيار لأن الموضوع متقارب قوى بين القشقاى و الاكس تريل فى النقطتين دول و بالتوفيق
زى ما قلت لحضرتك الاتنين واسعين و الفرق بينهم مش جامد فى موضوع الوسع و علشان كده أحسن حاجه تعملها علشان تعرف تقارن انك تنزل تتفرج على الاتنين جنب بعض فى معرض و تحكم بنفسك على الطبيعيه. و بالنسبه لحكايه العربيات تفكر مرتين دى قبل ما تكسر عليك يبقى حضرتك تفكر فى عربيه نقل أو امريكانى قديم لأن العربيات الجديده بتخليك خائف عليها و انت سائق و اللى بيكسر عليك عارف أنها جديده و غاليه و انك خايف عليها و علشان كده بيكسر عليك بقلب جامد أو ممكن تفكر بقى فى عربيه هندى اسمها ماهيندرا سكوربيو. دى اللى بجد عباره عن علبه حديد و شكلها ضخم عامله زى الجرار و عاليه جدا و كمان شكلها و هى زيرو مستعمله :F_eyeb1[1]: . دى ممكن تقلق شويه اللى بيكسر عليك لانه هيتعور لكن الاكس تريل و القشقاى ولاد ناس و مش وش بهدله :embarrassed:
عليتك كبيرة هات فرونتشر تويوتا فيها فئتان 2700 سي سي و4000 سيسي على ما اعتقد وسبعة راكب المشكلة البنزين وسعرها 295 و330 او الرانجلر 285 الف دى وجة نظراللة يوفقك