الموضوع: تغيير الاسطوانه والديسك

الاعراض اللي ذكرتها هي فعلا طقم دبرياج للأسف
الاعراض التانية ممكن تكون عجل مش شرط موتور لأنها بتحصل و انت ماشي و ع سرعة قليلة فاكشف ع العجل و الصرة


طقم الدبرياج ملوش عدد معين من الكيلوات او السنين و لكن طبقا لطريقة القيادة
يعني مثلا اللي طول الوقت في اشارات و وسط البلد اللي طول الوقت معلق رجله ع الدبرياج اللي بيحرق جامد
كل ديه اعراض يقصر من عمر طقم الدبرياج طبعا ده غير النوعية اللي قد تكون ضعيفة الفبريكة تقدر تعتبر انها اطول عمرا نظرا لأنها مصنعة من الاخر ع نضافة :)
افضل طقم و هو المنتشر الفاليو و خلي بالك عشان فيه منه مضروب الاصلي هتلاقي علبته خضرا كلها ( ديه العلبة الجديدة لأن الشركة لما لقت ان نزل مضروب نفس العلبة و الشكل غيرت العلبة )
و من جوة الطقم شكله نضيف و مطبوع عليه بالليزر تقريبا كلمة فاليو و الرقم
اما الصيني او المضروب هتحس انه معمول عند خراط تحت بير السلم و معليهوش اي بيانات
بخصوص بلية الدبرياج لو ملقتهاش فاليو و يفضل انك تجيبها nsk و ديه شركة يابانية متخصصة في صناعة جميع انواع بلي السيارات سواء دبرياج او رولمان بلي او او و ديه علبتها زرقا تقريبا و كلمة الـnsk هتلاقيها مكتوبة بالاحمر ع ما اتذكر و من جوة محفور عليها صنع في اليابان و برده لما تقارن القديم بالانواع ديه الاصلي منها هتلاقي انهم قريبين من بعض جدااا عكس المضروب
و متنساش تغير سلك الدبرياج مع الطقم

تغيير طقم الدبرياج مصنعيته 120 ج ده متوسط الاسعار تزيد او تقل ع حسب المكان
اعتقد طقم الدبرياج للعربية حوالي 350-400 ج