سؤال عن الفيكترا سى ؟؟

**boozoo2010** · 09-10-2012 03:50 PM

يا شباب انا نفسى فى الفيكترا سى بس قاقان من الفتيس و قطع الغيار و انا حلين معاية bmw e36 325i و هبعها و اجيب فيكترا سى انشاء اللة بس عاوز النصيحة منكم لانى معرفش حاجة عن الييزى ترونك دة يريت حد يفهمنى و اية هى مشاكل العربية دى و لو عاوز اكشف عليها كشف كااااامل قبل الشراء اكشف فين و هيكلفنى كام

**boozoo2010** · 09-10-2012 04:03 PM

صحيح اية اخبار تكيفها و هل كل الفيكترا سى فيها هوايات للتكيف ورا ؟؟؟ و شاكر فضلكوا يا شباب الابل

**moody_687** · 09-10-2012 07:43 PM

العربية بيتم الكشف عليها لو حضرتك ف الاسكندرية بتروح توكيل منصور اللي ف العامرية عشان الكمبيوتر بتاعها هناك عشان تقدر تكشف عليها قبل الشراء وده ع مااعتقد بيتكلفف 400 ج
وبالنسبة لتكيفها ف كل عربيات الاوبل فيها فتحات تكييف ورى والتكييف بتاعها قوي بالنسبة للاوروبي
العربية مفهاش مشاكل تذكر غير ضعف ماتورها عشان 101 حصان
الايزى ترونيك فتيس محترم بس للاسف عايز واحد كان بيسوق مانيوال قبل كده عشان يقدر يتعود عليه بسرعة ده اللي اعرفه عنه واللى اعرفه انه بيتغير ع حسب سواقتك ديسك واسطوانة كل 60 الف ك وومكن تقعد معاك اكتر انا اديتك الحد الادنى ف تغييرها

**omar-saad** · 09-10-2012 08:38 PM

رايى
هات e46 احسن
على الرغم انى بحب العربية دى والله

**alnmr79** · 09-10-2012 10:17 PM

فيكترا سى مش هتعجبك بعد 325.تقيلة فى الطلعة ومش بتاعة شد عربية عائلية برستيج واوبشن.
عايزتركب اوبل وتنافس بيها البى ام اللى فى نفس الفئة السعرية وحجم الماتور هات فيكترا بى 2 موديل 2003 2000 سى سى ايكو تك فتيس اوتوماتيك ولو لقيت سى دى اكس حالة فابريكة خدها باى تمن مش هتفكر تغيرها والا بعد 10 سنين.دة مجرد راى شخصى وربنا يوفقك ان شاء الله فى حاجة كويسة.

**boozoo2010** · 09-10-2012 10:59 PM

1000 شكر يا شباب بس على فكرة للاسف انا عارف ان مفيش عربية هتعجبنى بعد ال 325 بس انا عاوز حبة دلع و معتفدش ان الابل هتبقا هدية لدرجة الملل بس هو حدرتك يا موودى متاكد من موضوع الاسطوانة و الدسك دى فى الايزى ترونك ؟؟ و 400 جنية دول كشف على كل حاجة و دواخل و خوارج و عفشة و كلة ؟؟؟

**احمد فهمى** · 10-10-2012 05:50 AM

الفيكترا سى تعتبر صفقه فى السعر بتاعها هى عيبها الوحيد انك معاك ٣٢٥ وسحب ٦ سلندر على ٢٥٠٠ سي سي متور ١٥٠ حصان والعربيه اصلاً تعتبر ورقه فى الوزن بالنسبه للفيكترا بي حتى مش سي هيحسسك بفرق فى السحب وهى على فكره كانت معايا ايام الشباب بس الفيكترا اكتر ثبات اوسع بمراحل وتكيف قوى جداً وامكانيات عاليه والفتيس عادى صاحبنا هنا خالد ايمن غير اسطوانه وديسك على ١٢٠ الف كيلو وده رقم مستحيل تحققو عربيه مانيوال عادى وانا عامل ٥٣ الف والعربيه بنفس سحبها من الزيرو وامت هتتصدم فى استهلاك البنزين العربيه دى معجزه بجد فى السفر على سرعة ١٠٠ بتعمل ٤٠٠ كيلو فى الصفيحه مع التكيف وهي سحبها فى الكلعه ضعيف زى كل الالمانى بس من سرعة ٤٠ ل٢٠٠ ملهاش حل وفرامل غير عاديه ولو بتدور خالد بيبيع عربيتو هى توب لاين اعلى فئه فتحت سقف وزينزن اصلى كراسى جلد كهربا اصلى و٦ ايرباج وامان اعلى من عربيتك والe46 كمان واخده ٥ نجوم فى الامان وكل صيانتها فى منصور العامريه وفابريكه كمان لو مهتم ابعتلك رقمو

**boozoo2010** · 16-10-2012 09:18 PM

شكرا جدا استاز احمد و كمان شكر لكل الزملاء بس ارجوكوم طمنونى على قطع الغيااااااااااااار انا مرعوب من قطع الغيار بزات و معلش ا/ احمد هى التوب لين تعمل كام فلوس و كام كيلو و فبريكة برة ولا لا ؟؟ ( سيارة ا/ خالد ) و عموما عملا كام ؟؟ بس ارجوكم يا شباب حد يطمنى على قطع الغيار و يريت لو حبت امثلة على الماشى من التوكيل و من برا معلش تالت عليكم

**احمد فهمى** · 16-10-2012 10:53 PM

المشاركة الأصلية كتبت بواسطة boozoo2010

شكرا جدا استاز احمد و كمان شكر لكل الزملاء بس ارجوكوم طمنونى على قطع الغيااااااااااااار انا مرعوب من قطع الغيار بزات و معلش ا/ احمد هى التوب لين تعمل كام فلوس و كام كيلو و فبريكة برة ولا لا ؟؟ ( سيارة ا/ خالد ) و عموما عملا كام ؟؟ بس ارجوكم يا شباب حد يطمنى على قطع الغيار و يريت لو حبت امثلة على الماشى من التوكيل و من برا معلش تالت عليكم

عربية خالد توب لاين ودى اعلى فئه تتخيلها ومش هتتكرر ٨ ايرباج زينون عالى وواطى وفوانيس متحركه اصلى فتحة سقف كهربا كراسى جلد وكهربا esp + abs ودى حاجات مش هتلاقيها فى اي عربيه غير مرسيدس وبى ام وفئه عاليه كمان وعربية خالد فبريكه وكل صيانتها فى منصور من الزيرو الى اليوم هو جالو ١١٥ الف جنيه اعتقد ممكن يبيعها لحد فى المنتدى بالسعر ده برضو ميزة العربيه دى انها بتاعت واحد فاهم وكل صيانتها فى المواعيد ولولا منصور كلموه يروح يجرب الاسترا معتقدش كان باع لأن حصل بينا الف نقاش يبيع اوبل ويجيب ايه لم نجد بديل وقطع الغيار ارخص من قطع غيار عربيتك في جميع الميكانيكا والخوارج عدى تلفنوس الامامى بتاع التوب لاين لأنو فى زينون عالى وواطى ومواتير حركه ولو بتدور مش هتلاقى انضف من عربيتو