احمد باشا السوبر صالون نازلة بدلايات
أنا شوفتها في الصور اللي انت متصور جنبها :)
السوبر صالون جميله وسعرها مناسب . كنت اتمنى فيها تكييف تاتش عشان شكله جميل وبيعوض أى نقص فى التابلوه وجمال التابلوه . لكن لو كان هايعمل فرق كبير فى السعر يبقى كده كويس اوى .
لكن الحاجه اللى خيبت أملى بجد هى عدم تغيير الكاوتش فى السوبر صالون . مش هايعمل فرق كبير أوى فى السعر لكن هايعمل فرق حقيقى فى الأداء . حجم ونوع الكاوتش محتاجين يتغيروا فى أقرب وقت .
ههههههههه صور احمد كلها مفيهاش الدلايات لكن الصورة على موقع نيسان على الفيسبوك فيها دلايات وعلى فكرة أنا سألتهم امبارح فى أوتوايجيبت على الدلايات لعربيتى قالولى مفيش
http://www.nileup.com/uploads/13508125421.jpg
.
منظر الدلايات فعلا معطى للعربية برستيج جدا .. يارب تنزل مستقبلا
وياريت الاعضاء يدمونا بصور الكاوتش اللى بينزل فى عمان بريدج ستون
ولو فى اى اقتراحات او ملاحظات او اى حاجة فى نفسكم قولوا عليها .. لان الموضوع ده بيتم تنسيقه pdf من بيشوى وحيكون بين ايدى المسئولين فى نيسان قريبا جدا فى خلال هذا الاسبوع
تحياتى
الصورة دى من موقع هندى يعنى برضه بتنزل هناك بالبريدجستون التايلاندى B250 15/65/185
http://www.team-bhp.com/carpics/niss...n-sunny-15.jpg
وهنا نجد مفاتيح المرايات الكهرباء مع زرار ضم المرايات
http://www.team-bhp.com/carpics/niss...n-sunny-15.jpg
وفى معاهم زرار فى اليمين تقريبا لتغيير اتجاه اضاءة الفانوس الامامى لفوق او تحت
المشكلة ان المكان ده مضايقنى شوية لانه مش ظاهر أوى و انت بتسوق بتمد ايدك ناحيته عميانى
وفى المشاركة القادمة موجود الكاوتش البريدجستون برضه فى عمان
وأنا عندى اقتراح مش عارف ايه رأيكم فيه
نحن ملاك الـ Sunny 2013 Ex الحاليين ممن استلموا قبل الاعلان على السوبر صالون لم يكن لدينا اختيار غير الـ Ex
و بعضنا كان من الممكن لو توافرت أمامه السوبر صالون لاشتراها
[OVERLINE]
فهل نطمع من نيسان فى عمل خصم خاص لهؤلاء الملاك على التالى :
[/OVERLINE]
كمثال لتعديلات لم تتم بعد فى أى فئة و قد يرغب الملاك فى عملها
نوع الكاوتش الماكسس تغييره ببريدجستون و تعريض مقاس الكاوتش و وحدات رفع زجاج النوافذ
وكمثال لتعديلات تمت على فئة الـ Ex بعد الدفعات الأولى منها
التعديل من بطارية سائلة إلى بطارية جافة و قد يرغب بعض المستلمين القدامى بتركيب بطارية جافة
إضافات على سبيل المثال فى فئة السوبر صالون و قد يرغب فيها ملاك الـ Ex
الجنوط السبور
السبويلر الخلفى
الزجاج الخلفى المعتم (مش عارف مدى إمكانية اضافته على رخصة فئة الـ Ex )
اضافة التطعيمات الكروم بالصالون
اضافة مراية بشماسة الراكب الأمامى
تعديل عجلة القيادة لتصبح متعددة الوظائف للتحكم بمستوى الصوت و اجابة وانهاء المكالمات
البلوتوث
أتمنى من نيسان أن تعطى تخفيض على مثل هذه الأشياء
وشكرا
.
اسمحلى ارد عليك يا استاذ عادل ..
---------------------------------
1. موضوع مكن رفع الزجاج ده عمره ما بينزل استاندارد فى اى عربية سواء نيسان او غير نيسان فمش منطقى ينزل فى الصنى .
2. نوعية الكاوتش فعلا فى موديلات 2012 حتى فى الخليج كانت ماكسيس الصينى ولكن موديلات 2013 لما نزلت الخليج فعلا اتغيرت الى بريدجستون التايلاندى b250 ومش بعيد اوى نشوفها اتغيرت قريب فى مصر فى كل الطرازات بغض النظر عن ex او سوبر صالون.
3. انا مستغرب من طلبات حضرتك بخصوص معالجة نواقص الex وبعد التنفيذ - اذا وافقوا اساسا وده شبه مستحيل - لأنه مش هايكون فيه فرق بينها وبين السوبر صالون غير الجنوط والاسبويلر والفيميه فقط لا غير ودى مش كماليات تخلى اى حد ممكن يدفع 10 الاف ج فرق زيادة بين الاتنين.
4. احب الفت نظر حضرتك وباقى الاعضاء انه ليس من حق اى مشترى لأى سيارة فى العالم يطالب بزوائد تم اضافتها على نفس الطراز فى انتاج فترة معينة تالية ودائما ما يتم ذكر وكتابة عبارة (من حق الشركة ان تعدل المواصفات والالوان المذكورة بدون اعلان مسبق وفى اى وقت) أو أى عبارة لها نفس المضمون على اى بروشور عربية سواء كانت نيسان او غيرها وبالتالى يسقط حقك فى تعديل البطارية وغيرها اذا تم استبدالها بأخرى بعد تاريخ شرائك لها.
5. اسمحلى ايضا انوه عن التعديلات التى تم ادخالها على الصنى القديمة كحجم الجنوط والاطارات التى زادت من 14 الى 15 فى 2004 - نزول منظومة الفرامل abs+ebd+ba فى موديلات 2009 فما بعدها لفئة الex اتوماتيك ثم نزلت فى 2010 مع فئة المانيوال - تعديل شكلى من اخر 2009 على الفوانيس والرفارف للصنى القديمة دون اعلان مسبق - نزول نسخة الهايلاين فى عامى 2010-2011 وتوقف انتاجها دون اعلان مسبق - اجزاء ميكانيكية ولوازم تقفيل كثيرة تم اضافتها او ازالتها من السيارة على مدار سنوات تجميعها فى مصر من 2006 وحتى الان من عمود اتزان وعازل كبوت ونوعية مساعدين وغيرها.
6. توضيح ايضا لكلام حضرتك بأن طارة الدركسيون او الكاسيت مجهز للتزويد ببلوتوث او تحكم فى الصوت .. ده امر طبيعى والعدادات والتابلوه بالكامل وفرش الابواب وغيرها من اغلب اجزاء السيارة فى نيسان وغيرها من شركات صناعة السيارات على مستوى العالم من اجل توفير النفقات والمصاريف الخاصة بالانتاج يتم اعتماد نفس الابعاد والاجزاء باختلاف التفاصيل لملائمتها فى كل فئات نفس الطراز بحيث يتم ازالو جزء صغير او اضافة وصلة كهربائية خاصة بكل كمالية ولا يعنى ذلك انه يصلح للتركيب لأنه لا يحتوى على وصلة وبالتالى سلوك الضفيرة مختلفة ولكن لها مكان فى الفئة المنوطة بذلك التعديل وهكذا فى باقى الكماليات.
7. اخيرا .. نصيحة لكل اللى اشتروا او هايشتروا صنى او غيرها من العربيات ياريت يكون مقتنع باختياره مهما كان قبل اتمام عملية الشراء والا لو كل واحد مشى ورا الزوائد التى تدخلها الشركات على سياراتها يبقى ما حدش هايشترى وكل شهر هانقول بكرة ينزلوا كذا وكذا وننتظر لحد اما الشكل الجديد ينزل وناس تقول اشترى فى الاول عشان ابقى متميز وناس تقول خليك بعد الاول بشوية يكونوا جربوا العربية وصلحوا عيوبها شوية وناس بتحب تشترى الموديل فى اخر تعديل قبل الموديل الجديد عشان يبقى شارى ومتطمن انه عارف كل حاجة عن العربية وهكذا .. يعنى قصة مالهاش اول من آخر :rfds:
الاسم : احمد مصطفي
المهنة: مهندس ميكانيكي
طبعا الاخوه الاعضاء ماسبوش حاجه الا و قالوها بس انا ح اقول علي كل التعليقات اللي عندي:
1- اريال الراديو لازم يتعدل و يقصر شويه و يا ريت يبقي من النوع اللي بيطلع و ينزل بالكهربا
2- يا ريت الكاسيت يبقي فيه usb
3- يحطوا مؤشر للحراره
4- يحطوا مؤشر للبنزين بدل العداد اللي بيقول فاضل بنزين يعمل قد ايه و ما يبقاش دقيق
5- زجاج كهربا بيترفع مع قفل السياره
6- مقابض فوق كل شباك بدل ما هو واحد فوق الكرسي اللي جنب السواق
7- عكس الشماسه
8- الشماسه اللي مكان السواق لما بنزلها ما بقاش شايف حاجه من الطريق فيا ريت يصمموها بحيث تنزل عادي من غير ما تأثر علي الرؤيه
9- الدرج بتاع التابلوه بصراحه زي قلته و خايف يتكسر في ايدي فيا ريت يعدلوه شويه
10- مافيش مكان للنضاره