الموضوع: مرسـل الى نيسـان ايجيبت .. اهـم الاقـتراحات فـى تطـوير نيسـان صنـى 2013

الاسم : احمد عصام
الوظيفة : مدير مالى

1- عمود الدركسيون داخل المقصورة مكشوف ... ولو الدواسة كانت طويلة بتحك فيه وممكن يحصل إعاقة لدوران الدركسيون وبيشكل خطورة على أمان القائد والركاب

2- فرامل اليد بجوارها فتحة كبيرة تسمح بدخول الأجزاء الغريبة إلى أسفل داخل المقبض...وهو يشكل خطورة على أغراض الراكب الأمامي والسائق بالإضافة للفرامل

3- إغلاق أسفل الدركسيون غير محكم ويؤدي لسحب مقدمة القدم أثناء الضغط على دواسة البنزين ...ويشكل إعاقة أثناء رفع القدم من على البنزين.

4- مروحة التبريد الخلفية تكون غير ذات جدوى في معظم الأحيان. الاهتمام بربطها بدورة التبريد الرئيسية أهم بكثير من جعلها مجرد مروحة للركاب الخلفيين.

5- لا يوجد مفتاح للشنطة من الخارج, لابد من استعمال الريموت أو مفتاح الشنطة من داخل السيارة, بالرغم من توافره في موديلات خارج مصر

6- تزويد كل الموديلات باسبويلر خلفي سيؤدي لزيادة الثبات والأمان في السيارة نظراً لخفة وزنها.

7- الاستغناء عن الإيريال بشكله الضعيف فوق سطح السيارة وجعله أعلى الشنطة يرتفع أوتوماتيكياً بدلاً من الفك والتركيب الذي عفى عليه الزمن.

8- إضافة خاصية التعتيم للمرايا الجانبية لأن الوضع الحالي يؤذي العين ويشوش السائق أثناء القيادة الليلية.

9- إضافة عواكس ضوء أو لمبات داخل الأبواب لكي تنبه القادمين من الخلف أثناء فتح الأبواب

10- عزل الكبوت ومقدمة السيارة لتقليل الحرارة والضوضاء الخارجين من غرفة المحرك.

---------------
تم اضافة الاسم والوظيفة بناء على طلب من منسق القسم

الأسم : حاتم صبحى

الوظيفة : مدير إستيراد

لا يوجد ما يضاف بعد كل ما قيل من الزملاء ولكنى بقترح :-
1- جعل المرايات الجاتبية ضم مثل السوبر صالون
2-نقطة الكاوتش فى منتهى الأهميه لأنه نقطه ضعف فى السيارة بصراحة
3-تركيب كارتيرة أمامية لحمايه جسم فانوس السيارة من المياة فى فصل الشتاء
4-لا يوجد أماكن تخزين مناسبة بالتابلوة الأمامى للسيارة

عادل الشريف
نظم معلومات
------------

1) الكاوتش سئ و نشدد على ضرورة و أهمية تغييره حتى لو لم يتم تعديل أى شئ آخر لانه سئ فى الثبات و محتاج يتعرض و النقشة تتغير لانها بتلم زلط بطريقة مستفزة للغاية

2) سبويلر خلفى لزيادة الثبات

3) عزل غطاء الكبوت و غطاء الشنطة الخلفية

4) لما تفتح باب السواق و تبص من جوا من جنب التابلوه على الرفرف الأمامى هتشوف كل حاجة جوا حوض الموتور هو محتاج يتقفل كويس فى الحتة دى

5) مفتاح نافذة السائق و هو المفتاح الرئيسى عند الضغط لأسفل على مفتاح قفل نوافذ الركاب يتسبب فى الغاء مفاتيح نوافذ الركاب و كذلك السائق برجاء ان يتم الغاء مفاتيح نوافذ الركاب فقط و ترك مفاتيح النوافذ عند السائق تعمل و لا تتاثر بمفتاح قفل نوافذ الركاب ( لما بألغى قفل نوافذ الركاب علشان اعدل مستوى النافذة بجوار ابنى الصغير فى الخلف من المفاتيح الرئيسية بجوار السائق كده مفاتيح الركاب بترجع تشتغل تانى فابنى شقى حبتين و ما بيصدق ساعتها يلعب فى مفتاح نافذة بابه و مش بألحق اعدل من عندى -- اللانوس كانت مريحانى فى النقطة دى ) متهيألى دى سهلة مجرد تعديل برمجة سوفت وير يعنى


6) تركيب وحدات رفع للزجاج مع الريموت عند الغلق

7) تقصير طول الاريال ليصبح زى الماتريكس أو حتى فى الجنب زى الصنى القديمة لكن كهرباء يفتح مع الكاسيت ده يعرضه لسرعة الكسر حصلت معايا كذا مرة و انا فصلت فيشته فى اللانوس لانى كنت بأشترى واحد جديد كل شوية

8) زيادة المقابض المثبتة بسقف السيارة فوق النوافذ لتصبح أربعة بدلا من واحد فقط

9) نقل المرايا الى الشماسة اليمنى الخاصة بالراكب الأمامى ( حاليا موجودة فى شماسة السائق اليسرى بسبب ان عجلة القيادة فى الهند مثل انجلترا فى العكس فى اليمين فالتصميم لم يعدل على ظروف القيادة فى مصر)


10) عند اغلاق السيارة من الريموت برجاء اصدار صوت من السيارة بنغمة للاغلاق و أخرى للفتح و عدم الاكتفاء بالاشارة الضوئية

11) نواكل داخلية حول فتحات التكييف و مقابض الباب

12) مخدع يد فوق المروحة الخلفية

13) امكانية فتح الشنطة بالمفتاح و ليس بالريموت و إنارة الشنطة عند فتحها محتاجة تزيد قوتها شوية

14) فى حاجات خاصة بالتابلوه و تصميمه أنا عارف ان دى حاجة جلوبال بس بصراحة محتاجة تعديل لان تابلوه الصنى القديمة عملى اكتر أنا مش بأكلم على خامة و بس يعنى الصنى الجديدة درج التابلوه صغير للغاية و يحتاج زيادة المساحة وهناك فتحة أعلى درج التابلوه تحتاج الى عمل سور لها لان مع اى انحراف بالسيارة على سرعة الحاجة بتقع محتاجة تبقى زى اللوجان كده و كمان لو أمكن يبقى فى علبة فى التابلوه فوق الكاسيت مثل الصنى القديمة والأبواب الخلفية تحتاج الى مساحة تخزينية بها

15) إمكانية طى الكنبة الخلفية ثلث + ثلثين و التعديل ده موجود فى النسخة الأمريكية Versa

16) اضافة USB الى الكاسيت



كام ملحوظة على الماشى
احنا مش بنطلب الحاجات دى لنفسنا احنا بعضنا معاه نيسان موديلات تانية والبعض الآخر اللى أنا منهم الحمد لله استلمنا خلاص النيو صنى و لكن احنا بنحاول نساعد علشان تبقى افضل لمن لم يستلم بعد و من أجل ان تصبح نيسان افضل فاحنا بنساعد الطرفين

حاجة تانية برجاء من الاخوة الاعضاء لو نيسان عملت ولو جزء من التعديلات دى بلاش نلومها و نقول اشمعنى انا استلمت عربيتى ناقصة الحاجات دى مع انى دافع زى زيه ( فاكرين البطارية الجافة ) المفروض نشجع نيسان انها تطور موديلاتها و لكى تهتم و تصغى و تنفذ آراء عملائها وده اللى بيفرقها عن أى شركة تانية

وربنا يبارك مقدما على من يستلم السيارة سواء بإمكانيتها الحالية أو بعد تطويرها للأفضل ان شاء الله

1++++++
كلام جميل من جميع الاعضاء