الموضوع: إضافات لليارس ( الفضي) !

اخ شقيق ماليزي ايضاً عامل اضافات
وكاتب على كل صورة هو عامل ايه بالعنجليزي .... اسمحولي انقلكم هو عامل ايه في عربيتوا ونقعد نتفرج ونتعلم وندرس هذه الاضافات وبامكاننا ان نتناقش في الحجات الي مركبها في عربيتوا علشان نفيد ونستفيد والي عاوز يعلق او يستفسر عن حاجة انا وكل الاعضاء تحت امركم



لاحظ هنا مقاس الجنط الي مركبوا. ١٧ وباين عليه ما اشتكتش من الحكة



مفهمتش هنا هو عامل ايه




ده هنا مركب زينون



مركب فيلم على القزاز حماية وعازل لاشعة الشمس



مركب سوسست بس انا مفهمتش هو. مركب سوست علشان الثبات ولا علشان تشيل الجنط





فلتر الهوى ده ياترى افضل من الفلتر المخروطي ولا كلوا واحد ونفس الاداء



الجهاز ده مكنتش عارف فايدتوا بس لانوس باشا وضحلي انو جهاز بيوزع الكهربا على المتور
توزيع جيد وبيخلي البطارية تعيش معاك اكتر وبيدي للدينمو وبياخود منو الفولت المناسب



هنا انا مفهمتش ايه هو الوتر ادابتور بيعمل ايه ؟؟؟؟









الناس الي بتقولك اضل اليارس مش حلوة علشان عدادتها في النص وانا عاوز عدادات قدامي
اهووو يا حبيبي الجيش بيقولك اتصرف .... حلوة وحمرة ومدورة هههههههه



اااااااخييييييييي بعد الشغل ده كلو ومركب كاسيت صغير بايونير



لا بس بص مركب جهاز جي ام في الشنطة مضيء



دي الي مفهمتهاش بتاعت ايه دي .... بحب انا الحركات الخونفشارية
الي الواحد مبيعرفش بتاعت ايه ... ويوقعد يقول ياترى يا هل ترى. وتحس ان عربيتك مميزة كده
وفيها حجات غريبة وكل الي يركب معاك يوقلك بتاعت ايه دي وفي النهاية تطلع ولاعة سجاير ولا حاجة
هههههه



استغربة جداً انو مركب عمود اتزان في الشنطة طيب ليييييه



شوف المنجههة. تقلش شعار تويوتا مرصع. بالذهب الابيض والالماس





نور ازرق في فتحات التكييف قال يعني هيطلع الهوى ساقع



داهن حتى الفيبرة بتاعت المتور ميتالك
حقيقي الي معاه قرش محيروا جاب حمام وطيرووووو



طبعاً هنا عامل سموك للفوانيس
وباين عليه مركب وحدة ضم للمريات



ياسيدي ياسيدي على النور
حقيقي الي معاه حمام محيروا جاب قرش وطيروا









ايه رايكم بقه في عربية الواد ده .... والشغل الي هو عاملو
بصراحة الله ينور بجد
@@@@@@@
وتحياتي وشكراً لوقتكم
وانشاء الله تكونوا استمتعتوا يالموضوع

تسلم ايدك يباشا