تسعير e46 2002

**شريف حجازي** · 09-10-2012 11:36 PM

لو سمحتم يا اخواني في المنتدي الجميل يا ريت رايكم في عربية 318 موديل 2002 هاي لاين بس حالة شازة عاملة 65000 كيلو فقط وفبريكة بالكامل لونها فضي ومفيهاش خربوش ومطلوب من فم صاحبها 130000 هل تساوي ولا كتير عليها علما باني اخر سعر وصلت معاه 125000 فهل ده مناسب ولا لا ولا اية السعر المناسب بس يا ريت الرد سريعا علشان المفروض اني اخلص فيها بسرعة ومستعجل وشكرا ليكم

**fahd_628** · 09-10-2012 11:57 PM

لو فيس ليفت ... توكل على الله

**شريف حجازي** · 10-10-2012 12:51 AM

اولا شكرا ليك يا استاذ فهد ثانيا اية الفيس ليفت دي الي انا اعرفة ان الفيس ليفت من موديل 2006 دي e46 الموتور الجديد والفتيس الجديد 2000 cc ولا فية فيس ليفت موديل 2002 ارجو سرعة الرد وجزاكم الله خيرا

**شريف حجازي** · 10-10-2012 12:56 AM

اولا شكرا لردك السريع استاذ فهد ثانيا هل يوجد فيس ليفت موديل 2002 الي انا اعرفة ان الفيس ليفت من 2006 لو دي معلومة خطا ارجو التصحيح وما المقصود بالفيس ليفت الي انا اعرفة ان العربية الي بتكلم عليها دي الموتور الجديد والفتيس الجديد 2000 cc فهل تساوي هذا المبلغ ام لا والحقيقة الراجل صاحبها لسة عاملها صيانة في البافارية ومغير ليها طاقم كاوتش فاير استون جديد هل الفاير استون مناسب للبي ام ام لا ارجو الرد سريعا لاتخاز قرار الشراء غدا باذن الله وجزاكم الله خيرا

**damasry** · 10-10-2012 01:04 AM

لو ال2000 سى سى يبقى اعتقد انها الفيس ليفت (الهاى لاين) لأن القديمة كانت 1895 سى سى

**شريف حجازي** · 10-10-2012 01:15 AM

ولا تستاهل اقل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

**حماده المصري** · 10-10-2012 01:40 AM

اكشف عليها في التوكيل لو الكلام حقيقي اعتقد سعرها مناسب

وفيه قسم بيه وشراء السيارات عندك استاذ شريف وهبه بيسعر كل العربيات مجانا

بس انا لو مكانك والعربيه متتعوضش مش هستخسر فيها الرقم ده بس اتاكد انه مالكها الاول وفعلا مش تاجر عربيات بيستنصح

**شريف حجازي** · 10-10-2012 01:54 AM

وهتتاكد ازاي انو مالكها الاول الراجل بيقول انها معاه من الزيرو وبصراحه محافظ عليها علي الاخر لانو كان بيستعمل سيارة تانية وانا في حيرة شديدة جدا لانها عاجباني بس مش عارف هل العربية موديل 2002 لسة فيها الخير ولا هتفتح بقها بعد فترة وتدخلني في متاهات الصيانة

**novo** · 10-10-2012 09:55 AM

المشاركة الأصلية كتبت بواسطة شريف حجازي

وهتتاكد ازاي انو مالكها الاول الراجل بيقول انها معاه من الزيرو وبصراحه محافظ عليها علي الاخر لانو كان بيستعمل سيارة تانية وانا في حيرة شديدة جدا لانها عاجباني بس مش عارف هل العربية موديل 2002 لسة فيها الخير ولا هتفتح بقها بعد فترة وتدخلني في متاهات الصيانة

العربية لو فيس لفت فسعرها ممتاز
أكشف فى التوكيل (أبو رواش علشان الحجز يومين بس) و متكسلش و عن تجربة جميع الأعضاء

نفس الفلوس دي تجبلك ريو أو سيراتو أو النترا و العربية ال318 أفضل منهم اجمالا لو حضرتك بتستمتع بالسواقة ...لو السواقة بالنسبالك الانتقال من مكان الى اخر بس (وده مش عيب خالص ) يبقى هات حاجة كوري زيرو و ريح دماغك

أسعار قطع الغيار نفس أسعار الكوري الجديد و أقل فى بعض الحاجات

الصيانة العادية مش مكلفة

ربنا يوفقك