بزبوز الرادياتير البلاستيك

**kagawa** · 10-10-2012 12:11 AM

الاصدقاء الاعزاء

قدر الله ماشاء فعل المره التانيه علي التوالي في اسبوع

الاولانيه المشترك الفيبر 27 بتاع التكييف السخن اتكسر والميه كلها بتاعه العربيه اتسربت
وانا ماشي بالعربيه ... والعربيه سخنت ...الميكانيكي غير الجزء المكسور وقالي بلاش نحط ميه خضرا
وحط ميه حنفيه ...
انا مشيت بيها مشوار صغير اجربها لما لقيتها ما فيش خساير جامده قلت ارجع احط الماء الا خضر تاني
جبت جركنين ميه موبيل وفرغت ميه الحنفيه من العصفوره بتاعه الردياتير بمساعده الاصدقاء هنا

ورجت ندهته علشان يحط الميه الخضرا ويظبط الدوره ..... لما عرف اني فضيت الميه اللي حطها
وانا مصمم احط الميه الخضرا اتعصب وراح بعصبيه خالع الخرطوم اللي جاي من الرادياتير للقربه
فطلع الخرطوم بالافيز بالبزبوز البلاستيك بتاع الردياتيراللي الخرطووم بيلبس عليه

وراح جاب امبوبتين ماده لاصقه ولزق البزبوز مكانه في الردياتير وقالي كده تمام وحط الميه
ودور العربيه وسابني ومشي
شويه لما العربيه الميه جواها ابتدت تسخن لقيت البزبوز ده اتخلع بالمعجون اللي حطه والميه
غرقت الدنيا
طفيت العربيه ورحت له .. اتصل بواحد بتاع ردياتيرات صاحبه وقالي هواديك لواحد يغيرلك العلبه
يقصد الردياتير..

دلوقتي انا عربيتي نوبيرا اتوماتيك 2003 .... حد يرشدني اعمل ايه

....

....

.....

**tarek_2005** · 10-10-2012 12:25 AM

فيه ناس نتخصصة في لحام الفيبر مش بالمادتين لان الدورة تحت ضغط عالي نسبياص والايبوكسيات مش هتنفع ياما تغير العلبة بالكامل والاختيار الاصعب تغيير الردياتير بالكامل تفادياً للمشاكل المستقبلية الي ممكن تضيع مكنة لاقدر الله

**dr.hazem** · 10-10-2012 04:07 AM

بيتغير فعلا الخزان العلوي الفبر فعلا وبيرجع زي الجديد وتكلفته بسيطه وممكن بالمره متخصص الراديتير اللي هيفكه ينضفه لأن كده كده لازم يفك الراديتير..
تحياتي

Sent from my LT18i using Forum Runner

**kagawa** · 10-10-2012 02:29 PM

المشاركة الأصلية كتبت بواسطة tarek_2005

فيه ناس نتخصصة في لحام الفيبر مش بالمادتين لان الدورة تحت ضغط عالي نسبياص والايبوكسيات مش هتنفع ياما تغير العلبة بالكامل والاختيار الاصعب تغيير الردياتير بالكامل تفادياً للمشاكل المستقبلية الي ممكن تضيع مكنة لاقدر الله

استاذ طارق الفكره انه لازم في حل موقت لاحكام دوره الميه لحد لما اخد العربيه لمكان الاصلاح النهائي ..

اشكرك امشاركتك

**kagawa** · 10-10-2012 02:41 PM

المشاركة الأصلية كتبت بواسطة amr_8800

بصراحه معنديش خبره في موضوع تغير العلبه ده
لما حصلت معايا غيرت الريداتير كلو واشتريت دماغي

بس مش ده السبب الي خلاني اكتب رد
اصل مع احترامي يعني المكانيكي الي بتتعامل معاه مستفز موووووووووت
وانا بصراحه مش متخيل انت ازاي مضربتوش
وعلى فكره هو الي كسرها وهو الي المفروض يصلحها متدفعش حصرتك حاجه
ربنا يعوض عليك

استاذ amr_8800

كلامك صح وده نظام التوكيل مايعرفش يلصم وخلاص شيل القديم وركب جديد
المشكله انه عربيتي اتوماتيك فالردياتير فيها حله وتركيبه مش سهل والعربيه غالبا مترجعش زي الاول ... وعلي فكره انا سالت في التوكيل قالولي التكلفه 3500 جنيه ولازم يبعتو ونش ياخدها
بالنسبه للميكانيكي وضربه ... انا لسه ها تنرفز قام وخدني بالصوت .. ايييه هي اللي كانت مشروخه من السخنيه وطقت .... قلت له العربيه لسه جديده عامله 30 الف كيلو بس
قلي خلاص هي نصيبها كده وخد بعضه وماشي....

اشكرك لاهتمامك بالمشاركه

..

..